السلام عليكم
اخواني الله يطول باعماركم
عندي
مشكلة ان مديري بالعمل متمسك فيني ولايبغاني انقل من عنده
كل مااقدم نقل او تكليف جاء الرفض بعدم وجود شاغر اوالتأجيل لاكثر من خمس مرات واكتشفت ان المدير متمسك فيني ولاهو ناوي يفكني والي اتضح لي من علاقاتي بالزملاء ان بينه وبين الوزارة شفرة خاصة جداً في حالة رفع
النقل .
للتوضيح إذا اي موظف طلب نقل يوافق على رفع
النقل ومايعارض احد
لاكن بينه وبين شؤون الموظفين شفرة خاصة مثل لامانع او تقديراً لظروفة تعني الموافقة على
النقل إذا ماكتبها يعني صرفك .
على العموم عملي يختص بالادارة بصفة خاصة ولا له شغل بمراجعين او خلافة (عمل داخلي اعداد تقارير عن الاقسام الداخلية وسير العمل) ومنتظم بعملي وانجز باكمل وجه والي رافع ضغطي ان خوياني المبزوطين يجيهم تكليف ونقل على طول من اول طلب اللهم لاحسد وانا ناشبلي ذا الله يهديه!!!
وبيني وبينكم طفشت وقمت ابزوط واغيب واتأخر واهمل
العمل واطنشة وجيته بعد فترة بعد ماخربتها علمته ان النفس طابت من
العمل وهاذي تقارير للوالد انه يتعالج
وابغى اكون عنده او قريب منه
ووافق على نقلي وكتب في الخطاب ان ماعنده
مشكلة ولامانع من نقله على العموم
الرد طول شهر ونص وبالعاده ياخذ 12 يوم فقط وبالفترة هاذي غلطتي اني انتظمت بالعمل وجاء الرد بالرفض للمرة السادسة وللعلم اني مقدم نقل على جميع مدن الغربية كاملة من مدن وقرى
والمنطقة الوسطى كاملة والقصيم وقراها وحائل وقراها ماعدى الرياض
والي فاقع مرارتي اكثر انه عن طريق احد زملاء
العمل
اطلعنا على الشواغر الموجوده بالمناطق وجميع المناطق فيها شواغر وعلى نفس المرتبة يعني مافيه اي عذر انه يرفض نقلي من المقر الرئيسي
لاكن مااقول إلا حسبي الله ونعم الوكيل فيه والله يجعل كيده في نحره
على العموم افكر اني اطلب نقل لمنطقة نائية فيها شواغر اكثر من المناطق الثانية
في الحدود الشمالية
سؤالي إن جاء
النقل بمشيئة وإرادة الله عزوجل افكر انقل لوزارة ثانية بمدينتي الاصلية عن طريق نقل الخدمات ومادري الاجراء هذا مقبول في الخدمة المدنية او لا خصوصاً إذا ماكملت سنة على نقلي من منطقة لمنطقة .؟؟
ارجو الي عنده علم او مشوره يعطيني رائيه بالحل خصوصاً ان الموضوع هذا شاغلني ومقفلها معاي
تستطيع المشاركة هنا والرد على الموضوع ومشاركة رأيك عبر حسابك في الفيس بوك