 منذ /12-06-2016, 10:54 AM
|
#1 |
| رقم العضوية : 9523 | | تاريخ التسجيل : 23 - 9 - 2008 | | الجنس : ~ الاهلي | | المشاركات : 155,340 | | الحكمة المفضلة : Canada | | SMS : | |  لو كان الفقر رجلا لقتلته ... شعور يائس ! الله يفرجها من عنده
اللهم أني أعوذ بك من الفقر ياناس ياعالم أنا منغبن والله ومقهور ...
وودي أفضفض لكم كود القهر الي بصدري يخف شوي وقلة الحيلة تجد له نور ومسار صحيح ..
أنا ماخذ أرض أقساط حول الرياض في عارضية ضرما وحتى أحس أني إنسان من باقي الناس على الأقل يأمن له ولعياله مستقبل يرتاح ويطمئن من سواد الأيام والأزمان ..
هذا الأرض قاهرتني أبي أسورها وحتى سور شعبي ماني قادر عليه بحكم أنه غالي علي ويكلف 18 ألأف ومنغبن أني ماقدر أحصل ولا أقدر أجمع هالمبلغ ..
أشوف الرجال يمين ويسار مضبطين أمورهم وأنا ممتلئ يأس ماعندي إلا حل أخذ قرض تكميلي وبطاقة فيزا وهذا مثل ألي أمشي القبر برجليني ولاهو صاير ..
والله أشوف كل يوم ناس كبار وهوامير همهم غير همي وياصغر همي عند همهم ههههههههههه ..
والله قهر مثل هالمبلغ يحطمني أنا يهمني أسوي السور لأجل أستر نفسي وأقوم أحط أكواخ وغرف أربي دجاج وأسوي أعمال وحرف يدوية وأبيع وأشري في الدجاج والأرانب وأبدأ أطقطق وأشوف لي دخل غير دخل الراتب المستعبد .. والله قهر ..
ودي أحد يسلفني لو أحط له تحويل مستدام 500 ريال والمشكلة ماعمري تسلفت من أحد لو ممت جووووووع .. الله يجيب الخير من رب العالمين .. والله لو كان الفقر رجلا لقتلته .. دعواتكم لي ... بعض المرات أحس أن الله مأخر رزقي لشئ له حكمة والحمد لله على كل حال .. فسروا زي ماتفسرون الرازق الله
تستطيع المشاركة هنا والرد على الموضوع ومشاركة رأيك عبر حسابك في الفيس بوك
|
|
|  |