السلام عليكم
انا توهقت وانجبرت احط البياره اعزكم الله بجانب الخزان
يعني تبعد عن الخزان 3 متر وشوي
صبيت صبه نظافه 15cmوتحتها بلاستك
وبنيت جدران ومسحتهم من برا وداخل مع اضافة السيكا
والان اتفقت مع شركة عزل على طبقتين رولات ودهان وجهين من برا
وقالي المصري ضمان مايدخل ويطلع شي 10 سنوات
والتكلفه 2500
توكلت على الله وبكرى بعد صلاه الجمعه يبدا
قبل شوي مريت على محل عزل ابي اشوف الرولات وانواعها
لقيت شاب سعودي شكله صاحب المحل وشرحت له الوضع وضحك
وقالي ان الرولات تعزل عزل ايجابي يعني من الداخل ولو جاها شي من البياره يمكن خزانك يرشح
وقلت له ايش الحل قالي مكلف! قلت طيب ايش
وراني براميل صبغه لونهااصفر من شركه اسمها sikagard
وقالي هذا ايبوكسي يستخدم لعزل
الخزانات ويعزل موجب وسالب
وغير سام وصحي للاستهلاك ويمنع الطحالب
وذكر لي مميزات كثيره والسعر البرميل ب650 وقالي 630
وشغل يد البرميل الواحد 300 وحسبه 200 واحتاج 6 براميل
اجمالي التكلفه 4980 وعطاني ضمان 10 سنوات وقالي مايدخل شي ابد ولا يطلع
يااخوان والله اني محتار وخايف من المواد الكيماويه تسبب لي حساسيه او غير صالحه للاستخدام
انتم لو بمكاني وش تسووون وهل في احد استخدم
الايبوكسي
والله يجزاكم الف خير
تستطيع المشاركة هنا والرد على الموضوع ومشاركة رأيك عبر حسابك في الفيس بوك