السلام عليكم ورحمة الله ،
الاسبوع اللي فات قدمت تمويل شخصي من بنك
الراجحي وبعد يوم جات الموافقه وكانت النسبه 2.74 رفضت النسبه بحكم انها كانت مرتفعه وسويت اخلاء طرف من البنك ،
اليوم اللي بعده بالليل اتصل علي موظف من
مصرف الراجحي يسأل عن سبب اخلاء الطرف وقلت له ان نسبة التمويل مرتفعه وخفضها الى 2.55 ورفضت وقلت له ان الرياض اعطوني 2% وخفضها الى 2.25 ورفضت وخفضها الى 1.99%
وحاولت معاه على 1.85 بس رفض وانا كنت متخوف ارفض النسبه 1.99 وتروح علي ، وافقت عليها وسوا لي استثناء نسبه ورحت الفرع بعد يومين وكملت اجراءات التمويل بالنسبه الجديده 1.99
اللي استفدته من الحركه ذي اول شي مبلغ الفوائد نقص 7300 ريال تقريبا
الشي الثاني زاد المبلغ اللي اعطوني اياه 7300 تقريبا
يعني سحبوا 7300 من فوائد البنك وحطوها لي بمبلغ التمويل اللي استلمه ،
وكل ما زاد مبلغ التمويل يزيد معك المبلغ اللي ينقصوه من الفوائد ،
نصيحه اي واحد يطلب تمويل من
الراجحي لا ياخذ النسبه على طول يقدم اخلاء طرف و يفاصلهم والشغله كلها تاخذ ممكن 5 ايام فقط او اقل ،
بالتوفيق للجميع ...
تستطيع المشاركة هنا والرد على الموضوع ومشاركة رأيك عبر حسابك في الفيس بوك