واحد ملقوف من الزملاء وبثر
جرني في واتس مع مديرنا وباقي الزملاء حتى المتقاعدين من القسم ضفهم
وخذ يا بربرة وثرثرة ومقاطع فقعت جوالي
الحين انا صرت ما افتح الواتس واشوف العداد يزيد ووصل الحين 3000 اشعار
وماودي اشوف شيء
ونفس الشيء ولد عمي الملقوف جرني مع اعمامي وعيال عمي
ومنحرج اطلع هذا فيه
المدير وهذاك فيه الاعمام
وش الدبرة ..؟
انا مو راعي واتس ومخليه للحاجة بس مو للثرثرة
اقسم بالله صار الواتس كابوس
واعمامي اذا كتبوا شيء ويبون تعليقات بخصوص موضوع معين وما شاركت
قاموا يتشرهون وانا مو ملحق على القروبات اللي عندي ولا شفت كلامهم اصلاً
مثلاً يقولون وش رايكم نجتمع ؟؟ يروح يومين مادخلت القروب ولا ارد ويزعلون
قروب للاخوان وقروب للعمان وقروبين للعمل ... قروب صغير وكبير
وقروب للبيت
راسي معد يجمع
تستطيع المشاركة هنا والرد على الموضوع ومشاركة رأيك عبر حسابك في الفيس بوك