دوبني جاي من محل الخضرة. شريت بعض النواقص للبيت.
ووقت ما جيت احاسب. طلعت المحفظة بأعطي الهندي في المحل فلوسه.
قال خلاص انت فيه يدفع فلوس.
قلت لا انا مافيه يدفع.
قال شوف فلوس حقك. واطالع في يده والا فلوس.
قلت له لا هذا فلوس مو أنا.
قال هذا فلوس إنت. انت طلع انت يعطي.
حاولت اعصر مخي واتذكر متى اعطيته ما قدرت.
لكن لاحظت ان محفظتي يوم جيت اخرجها من جيبي كانت مفتوحة.
المهم في الاخير حاولت اعصر مخي لحظة اعطيته الفلوس ما قدرت وكانها لحظة لم اكن فيها في وعيي. وكاني غبت عن وعيي.
وبعدها رحت البقالة واشتريت غرضين. والبقالة فيها بنقالي وقعدت اقرقر معاه وحسيت إنه إتضايق مني ومن كلامي ويبي يصرفني.
وانا في السيارة راجع البيت.
فكرت وعرفت إن ضغوط الحياة والعمل ومسؤلية الاسرة والسن لها دور في هذه الامور. ولكن الدور الاكبر في تعبي وتعب نفسيتي وعقليتي أقسم بالله أنه اسمنت الشمالية كل شقى عمري. عشرين سنة راحت مهب الريح في ايمنت الشمالية رزقي ورزق بزاريني راح في اسمنت الشمالية.
المشكلة ولا واحد في المنتدى على كثركم رضي يرسم لي شارت او يساعدني او يمد يد العون ويهون عليه ويطمني على فلوسي هي بتعود والا لا ؟.
حسبي الله.
تستطيع المشاركة هنا والرد على الموضوع ومشاركة رأيك عبر حسابك في الفيس بوك