سم الله الرحمن الرحيم
السلام عليكم ورحمه الله وبركاته
" بسم الله الذي لا يضر مع اسمه شي في الأرض ولا في السماء وهو السميع العليم "
/
أنا طالع بعثة إلى أمريكا كل شي جاهز ولله الحمد فقط انتظر صدور الفيزا من السفارة
أنا محتار جداً والوقت ضيق .. وصل لي قبول جامعي مشروط بتخصص nursing أي تمريض ..
وقالي الرجال إذا غيرت رايك وتبي تخصص ثاني قولي بهاليومين عشان الغي قبولك الأول
وأنا صراحة في دوامة ومدري وش أقرر
يا تمريض يا هندسة كهربائية !
خلونا نتكلم شوي
خريج بكالوريوس تمريض مسماه الوظيفي : أخصائي تمريض
الراتب : 12 ألف - 16 ألف
خريج بكالوريوس الهندسة الكهربائية مسماه الوظيفي : مهندس
الراتب : 8 آلاف - 13 ألف
هنا الأخصائي غلب المهندس بالراتب !
وخريجين الهندسة كثيرون بينما خريجين التمريض أصحاب درجة البكالوريوس شي نادر جداً !
الأغلب دبلوم
طيب
تدرون وش الي مسبب لي قلق ؟
اللقب
للأسف مجتمعنا تفكيره محدود والجهل مازال بهم
وآسفاه إن الوالد والوالدة يندرجون ضمن هذا التفكير !
جلست أتحاور معهم
الوالد : أنا مابيك تصير ممرض
الوالدة : ابيك ترفع راسي عند الناس لا سألوني ولدك المبتعث وش تخصصه تبيني أقولهم تمريض ؟
أنا مدري كلام الناس وش بيفيدنا !
لا يهش ولا ينش
يعني أترك التمريض وأدخل هندسة واترك فرق 5 آلاف عشان لقب !
بعدين أنا لا رجعت من أمريكا أخصائي تمريض حامل البورد الأمريكي أكيد تعييني يا في مستشفى كبير رئيس على الممرضين - يا مدير مكتب مكافحة العدوان - شي كبير يعني
عشان ما تقولون تفكيري مادي ، الخوف عند الزواج هذا هو الخوف
تقدمت لـ فلانة على سبيل المثال لا لا ما أبيه أنا أتزوج ممرض وععععععععع
المطلوب المعادلة بين المنهدس وخاص هندسة كهربائي
وكذالك تخصص التمريض
للمستقبل الوضيفي اللي يتناسب مع رويئة2030
تستطيع المشاركة هنا والرد على الموضوع ومشاركة رأيك عبر حسابك في الفيس بوك