السلام عليكم ورحمة الله وبركاته
يا اخوان بستفسر منكم عن
شرعية الطيران بطائرة مصنعة محلياً
عندي ولد اخوي عمرة تقريباً 16 سنة الولد مبدع وراعي تصاميم وهندسه وحركات وكل شي يجربة ويسوية هو ساكن بقرية وعنده حوش كامل كله معدات وادوات تصنيع كل شي باليوتيوب يطبقه .
كلمني اخوي يقول تعال شوف بناخيك طلع لنا بشي جديد قلت وش العلم قال طار بالطيارة قلت اللي شغال فيها من كم شهر قال ايه اليوم جربها وطارت فعلاً وارتفعت عن الأرض .
يقول والله اني طاق مشوار 80 كيلو عشان اشتري سلسه وقفل وربطتها بالوايت عشان مايجيب العيد في نفسه وفينا .
أنا فعلاً شفت الطيارة وكذا مره اشوفه يشتغل فيها مصممها بخشب وصاج وألمنيوم ومكينة دباب ههههههه بس ماتوقعت أنها توصل للطيران وقلت مستحيل .
هي تشبه لها الطائرة هذي بس طيارتهم مرتبه واللي عندنا يبي لها بوية رش تجميلي
الخوف الحين من مشروعية مثل هالتجارب والطيران هل لها تراخيص من الجهات المختصة وهل هي مخالفة قانونياً أو لا تعتبر هواية مثلها مثل غيرها .
الولد يصايح الحين ورفض ياكل او يشرب يبي طيارته مشحون من الناس اللي تحطم فيه طول هالفترة وبيثبت لهم انها تطير ونبي نتأكد من مشروعية عمل هالشي عند الدولة وكيف الطريقة يا اخوان .
ودي اروح اشوفها وأجربها ههههههه وناسه اخليه يوصلني للرياض اداوم وأرجع ذبحتنا الخطوط .
بس تبون الصراحة اليوتيوب طلع كنز ماهو بسيط فيه كل شي ليتنا نستفيد منه
تستطيع المشاركة هنا والرد على الموضوع ومشاركة رأيك عبر حسابك في الفيس بوك