 منذ /04-25-2017, 04:07 PM
|
#1 |
| رقم العضوية : 9523 | | تاريخ التسجيل : 23 - 9 - 2008 | | الجنس : ~ الاهلي | | المشاركات : 155,340 | | الحكمة المفضلة : Canada | | SMS : | |  الكدادين على الخطوط خطر خطر ويجب الحذر منهم الا من رحم الله
السلام عليكم ورحمه الله وبركاته ..
صار موضوع قبل يومين لي وللأمانة هذا سبب طرحي للموضوع
وموضوع مهم بصراحة ويجب الحذر منه والتشديد عليه من قبل الجهات الأمنية
الموضوع هو الكدادين على الخطوط السريعة
انا كنت طالع من الدمام للرياض وصارت مشكلة في حجوزات الطيران ولخطبة
المهم قررت ارجع خط مع كداد وركبنا مع كداد معه كابرس جديد
وركب 4 ورا وشايب قدام
والله ياجماعة الخير اننا نتشهد معه في السيارة
يمشي 220 وشكل راسه يطبخ طبخ اللهم عافنا ومافيه الا شرب شاهي
وكل شوي موقف بمحطة وينزل يدخن بشراهه ..
طبعا أحد الأخوة اللي معنا صرخ عليه بالخط
قال ياخي اتق الله معك ارواح وش هالسرعة ؟؟
ليس مسرع وتسوق بهالطريقة وش ورانا ان شاء الله نتأخر
ولا يصير لنا شي
والله شفنا الموت معه وهو ولا همه
انا والله ادعي للشباب السعودي ان الله يرزقهم ويعجبني اللي يترزق الله
لكن ان كانت بهالطريقة لا والف لا
استهتار ولا مبالاة بأرواح الناس عشان يوصل بسرعه
انا حرمت بعد اليوم أركب مع كداد بصراحة
وللأسف ان هذا وامثالة يخرب على غيره من الكدادين
الله يهديه ويستر عليه
اتمنى من الجهات الأمنية ان تنتبه لهم وفحصهم
لأن واضح عليه انه مو طبيعي
بالعربي ملعلع الله يهديه يارب
واسف على الطاله
تستطيع المشاركة هنا والرد على الموضوع ومشاركة رأيك عبر حسابك في الفيس بوك
|
|
|  |