 منذ /04-26-2017, 09:15 PM
|
#1 |
| رقم العضوية : 9523 | | تاريخ التسجيل : 23 - 9 - 2008 | | الجنس : ~ الاهلي | | المشاركات : 155,340 | | الحكمة المفضلة : Canada | | SMS : | |  هل تشترط تتزوج وحدة من داخل مدينتك ولا عادي من مدينة اخرى .!
السلام عليكم ورحمه الله وبركاته
يمكن بالسابق سبق وان تحدثت بهذا الموضوع وهو هل تشترط على اهلك انك تتزوج وحدة من داخل مدينتك اللي انت فيها
ولا عادي لو تطلع وحدة من مدينة او محافظة تبعد عن مدينك مئات الكيلو مترات
لانه بصراحه الخيار هذا مطروح في راسي اني اخذ وحدة بعيده كل البعد عن المدينة اللي انا فيها
وهي بتطلع في محافظة تبعد 800 كيلو متر
والاسباب عديدة منها ان بنات المنطقة اللي انا فيها اغلبهم هوامير ولا دلوعين اكثر من اللازم عند اهلهم وراعين سفر اكثر من ثلاث مرات سنوياً
وهذة بكرا بتتعب معها
ولا تحصلهم متفتحين اكثر من اللازم يعني تطلع للاسواق وهي كاشفة الوجه وانا لا افضل الارتباط بهذة النوعيه
وانا الحمدلله راتبي جيد لكن الخوف انك تنصدم بوحدة يمكن ابوها يعطيها فوق ثلاث الف مصاريفها الخاصه للشهر
واكيد تتوقع زوجها بيعطيها اكثر من كذا ولا بتطلع حياتك جحيم !!!
وقبل كم يوم نزلت موضوع اني اكشفت من خواتي ان البنت اللي على وشك اني اشوفها شوفه شرعيه تطلع بالاسواق كاشفه بالخارج
رغم ان اهلها متنقبين بذالك فكرت اني اشوف من خارج مدينتي وهي الشرقية
وخاصه ان بعضهم يتمنى يجي المنطقة الشرقيه بسبب قرب البحرين وايضاً الكويت وقطر
وخاصه اذا كانوا من محافظات واغلبهم يبون الستر واهلهم يشترون الرجال
لكن عكس بعض البنات المدينه وخاصه المدن الكبيرة مثل الدمام والرياض وجدة همها راتب زوجها لو يطلع داشر وراعي مخدرات موافقين عليه
طبعاً الا من رحم ربي
لكن الزواج من خارج المدينه فيها سلبيات اشوفها في نظري
1 : تروح تطق مشوار عشان الشوفة الشرعيه ويمكن ما تعجبك وترجع على الفاضي
2 : عرس الحريم سوف يكون في ديرتها وهذة صعب اني اشيل اهلي واوديهم عشان ليله عرسي
3 : عرس الرجال سوف يكون في مدينتي وليله عرسي برجع بيت اهلي هههههههه
يعني مافي ليله دخله الا بعد ما يجي يوم عرس الحريم ههههههههه
يعني الواحد ما يتحمس بعرسه لانه في عرس ثاني
4 : بعد الملكة واللي انا أفضل تكون فترتها 6 اشهر بعد الزواج للتعارف
وهذة بتصعب اللقائات بعد الملكة معها يعني يمكن تكون مرتين الى ثلاث مرات فقط خلال ست شهو
5 : الاعياد سنه عند اهلها وسنه عند اهلي !!
6 : اذا متعلقه بـ أهلها بتطلع كل شهرين ولا ثلاثه بتمر عليهم !!
وهذة خساير ماديه ومعنوية اما تكون بالسيارة وهي متعبه ولا بالطيارة
اللي عندة مميزات ولا سلبيات اخرى يتفضل يقولها
تستطيع المشاركة هنا والرد على الموضوع ومشاركة رأيك عبر حسابك في الفيس بوك
|
|
|  |