اخوي يطلبني مبلغ 250 الف ريال ولم استطع الوفاء بها من سنتين وانا ناوي الوفاء له بس ماتيسرت ولا اقدر اوعده بموعد واخلف معه
وقلت له من فتره 6 شهور انا عندي بيتي ملك واسال وقيمه ونسجل لك اللي يبري الذمة
ومن 3 شهور قلنا قيمة ال250 الف تساوي 20٪ من العقار ورحت انا وياه لكتابة العدل وسجلت له العقار وصار شريك معي وابرميت ذمتي ويشهد الله ارتحت نفسيا
والان اليوم واجهته في الغداء وقال انك غلبتني في الموضوع انك مستفيد من البيت وانا لا
قلت له وانا اخوك ماجبرتك ع شي خيرتك بين الانتظار ع الفلوس لين الله يفرجها او اسجل لك العقار بمايرضي الله وابرى ذمتي وانت رضيت بذلك
واذا انا ساكن فيه وانا اخوك فأنا أملك 80% منه وانا سجلت لك 20%اثبات للحق وابراء للذمة ولو بعنا حقك محفوظ بالصك مااقدر ابيع الا برضاك وانا اخوك
وش
رأيكم هل انا مخطي والا سويت الصح ؟ لاني ماعندي راتب واشتغل بالاعمال الحرة والاوضاع الاقتصادية ميته جدا ولا بغيت اوعده واخلف معه
ولو هو ماهو اخوي ماسجلت له بيتي بنسبه واخذ صك وعارف انه دهننا في دقيقنا
تستطيع المشاركة هنا والرد على الموضوع ومشاركة رأيك عبر حسابك في الفيس بوك