تستغرب من بعض البشر اللي ربي رزقهم بالحلال ويبحثون عن الحرام ... دخلت احد المواقع بشتري سيارة مستعملة لسواق ابوي موصيني عليها
لقيت احد المعلنين بمدينة ينبع وشفت سيارته وسالته هل فيها رشوش او سمكرة .. قالي انا مدرس بالهيئة الملكية وتعالي وشوف السيارة بنفسك تراها مافي ولا شي لا رش ولا سمكرة
وثقت بكلامه .بعد حلفه وقسمه لي . وقلت في بالي مدرس بالهيئة الملكية ويبي يضحك علي
بسيارة ماتسوى بالكثير ١٥ الف
المهم ارسلت له السواق ونقلي الملكية ولما جاب السيارة كلها رشوش وسمكرة وعضلاتها تعبانة !!! الا المكينة والجربوكس والداخلية نظيفة فقط .. المهم اني اكلتها وحملت نفسي اللوم والخطأ .. لان الاعتقاد بان الشخص اذا كان صاحب دخل عالي لا يحتاج لغش الناس والبحث عن الضحك عليهم . فهذا تصور خاطئ... . والان اخذتها درس .. لو كان صاحب ملايين فلن اثق بانه لن يكون ذو ذمة وسيعة في اتفه امور الحياه.. ما اقول الا الله يهدي المسلمين ويصلح شأنهم
تستطيع المشاركة هنا والرد على الموضوع ومشاركة رأيك عبر حسابك في الفيس بوك