السلام عليكم ورحمة الله وبركاتة
لنا اشهر وحنا بين الصايح اللي يصيح كسرنا دعم واللي يصيح عجزنا عن اختراق مقاومة
والمؤشر في قناة عرضية تطفيشية
لا اخترق وفرحنا ولاكسر وخلصنا
مع
العلم انه يوجد محفزات للسوق كبيرة جدااااا
اولها ارتفاع النفط عن اسعارة المتدنية والنظرة الايجابية له مستقبلا
ثانيها اكتتاب ارامكوا اللذي سيحدث قفزة نوعية بمستوى السوق وجاذبيته بين اسواق العالم
ثالثها دخول الاجانب بشكل اكثر في السوق السعودي مما يعزز الشفافية والمحاسبة اللي كانت غايبة السنوات اللي فاتت وهي احد الاسباب الرئيسية في تدهور السوق والشركات على حد سواء
رابعا الرؤية والمشاريع الضخمة التي كل يوم نسمع عن تأسيسها واغلب الشركات السعودية خاصة الكبيرة المؤثرة على المؤشر مستفيدة سواء بشكل مباشر او غير مباشر
خامسا ان الهوامير لو يبون السوق يطيح كان بمجرد اي حدث سلبي بالعالم جاك السوق مدحرد حتى لو انقلاب ضب بالصمان استغلوه وامداهم يدحدرون بالسوق
سادسا المشهد السياسي السعودي قوي وكل ماله في ازدياد ولله الحمد واغلب الدول عرفت قيمة المملكة سياسيا واقتصاديا وبدت ترجع تزيد العلاقات وتحرص على استقرار المملكة لدورها المحوري بالشرق الاوسط
سابعا وهو الاهم هنا المؤشرات الفنية كلها جميلة وتحتري الشرارة للانطلاق وتذكروا كلامي لما يجيكم محللين يقولون السوق مشكل حرف دبليو وبيرتفع لل 8000 او كون شارت الراية ومرشح للارتفاع الى 8500
انا لست محلل فني ولا شي ولكن دخلت لاحد مواقع الشارتات وشفت شكل فني اتمنى انه مايجي احداث سياسية تؤثر عليه
عن نفسي مستثمر بشركة مجنونة ماعندها انصاف حلول يافوووووق ياتحت ومتفاءل انها بتكون ان شاء الله هي شرارة السوق اذا انطلقت
والوعد 1 - 1 - 2018
ختاما اتمنى من الله العلي القدير ان يربح المسلمين ويبارك لهم في رزقهم وان يرزقنا الامن والعافية
اخوكم سلطان
المؤشر 7013 نقطة
1 - 5 - 2017
تستطيع المشاركة هنا والرد على الموضوع ومشاركة رأيك عبر حسابك في الفيس بوك