السلام عليكم
عندي جار جديد توه ساكن له اقل من سنة و رمم الشقة و استبدل
مكيفات الشباك بالسبليت
و مد الهوز (لي) حق الماء مسافة 10 سم للخارج وصار ينقط على الحوش
ولا عاد قدرت اجلس بالحوش بسبب تطاير قطرات الماء على الباب
و الاسوأ ان لديه مكيفين ينقطوا على مكيفاتي الشباك وطول الوقت (طق طق طق طق )
صراحه كنت بطلع اليوم لاحد المناجر افصل لوح خشبية مائلة للمكيفين
بس يوم طلعت بالحوش لقيت ( اعقاب زقاير) منثورة بالحوش ما ادري جايه من السطح ولا هو راميها ولا عندي توقيت معين متى مرميه ولا ودي اظلمه لان يمكن جايه مع ماء الديمنو من السطح لاني مقفل الحوش لي اسبوعين
هالموقف ثالث موقف يحدث منه معي من نزل عندنا
الاولى كان مكلم صاحب العقار يكلمني افتح له الحوش علشان يركب الكمبرسرات لمكيفاته
ولكن كنت نايم ولا رديت و كلمته بعدين وقال انه حل الموضوع وفتح له السطح
وكنت بقول له حتى لو رديت عليك وقتها بعتذر منك ما ابي ازعاج مكيفاته عند راسي ولكن شفت الموضوع انحل وتركته
الموقف الثاني وقت الترميم لقيت الحوش كله مخلفات بلك بسبب تقفيله للفتحات
وقلت اكيد من العمال وما كان موجود وقتها وجبت عمال ونظفوا لي الحوش
للامانة ما يجي منه ازعاج يومي ولا اقابله الا بالشهر مرتين ثلاث على المدخل ما يطلع من بيتهم الا لدوامه
كنت انتظر الصبح بطلع افصل للمكيفات خشب ولكن من شفت الزقاير تطاير الشرر بعيني
وللعلم انا احتمال بنسبة 50% بغير الشقة قبل عيد الاضحى
اسف للاطالة حبيت اوضح المشكلة لاختيار
الحل المناسب
تستطيع المشاركة هنا والرد على الموضوع ومشاركة رأيك عبر حسابك في الفيس بوك