السلام عليكم حياكم الله يااخوان
حبيت استشيركم في موضوع. انا عندي زكاة مال وانا احترت فيها مدري وين اوديها. الناس تسب الجمعيات الخيرية. والعام الماضي وضعت بعضها في ظروف ورحت احد الاحياء الفقيرة بوزعها عليهم قلت بعطي كل بيت ظرف. وبعطيه الحرمه مارح اعطيه الرجال يعني قلت الحرمه بتصرفه على البيت اما الرجال ممكن يستري دخان وخرابيط. المهم انا رحت للحي ويوم درو اني اوزع فلوس تجمعو علي وبلشت فيهم وكل واحد يقول عطني عطني انا محتاج وانا علي ديون ومن هالكلام حتى بعضهم شباب صغار وشكلهم دشير ويالله افتكيت منهم. باختصار ان الي بيوزع زكاة بنفسه بيتعب تعب غير طبيعي
السنه هذي تعرفت على حارس امن متزوج وفقير وعطيته جزء كبير. وبقي عندي وفيه واحد من الاصدقاء يبي يروح يوزع على بعض الهجر وعطيته العام وقبل العام جزء منها يوزع. وشفت منه موقف قبل فترة انعدمت ثقتي فيه. والحين مبلشني يبي اعطيه كالعادة وانا والله محتار. الحمد لله ادري انها نعمة اني انا اللي اعطي زكاة ماهوانا اللي مستحق يارب لك الحمد. لكن حقيقة البحث عن مستحق
الزكاة متعب. هذا اللي عندي. وعطونا رأيكم ياشباب لاحرمكم الله الأجر.
تستطيع المشاركة هنا والرد على الموضوع ومشاركة رأيك عبر حسابك في الفيس بوك