السلام عليكم ورحمة الله وبركاته
اسعد الله اوقاتكم بكل خير
اخواني حبيت استشريكم بموضوع وابي الخيار الغير مكلف عندي مساحه
بالسطح لاني ساكن بشقه والشقة صغيره والسطح تبعي
وفيه مساحه فجالس افكر اني احط بيت شعر او اني اكلم احد يسوي غرف
اثريه بمشب نار وديكور اثري من الطين وكذا فما اعرف وش الافضل
مساحة الغرفه تقريبا اربعه في خمسه
بيت الشعر كلمت واحد قالي باسويه لك بقيمة 10500 والمبلغ غالي جدا ولا ادري اصلا عن اسعار بيوت الشعر بس اشوف مبلغه غالي جدا غير الاثاث والتلفزيون والمكيف والفرشه والكنب او المساند
فياليت احد يعطيني شوره ويدلني على افضل حل
للعلم السطح مافيه الا ثلاث لمبات هل اقدر اسحب منها كهرب لو حطيت بيت شعر او غرفه ويكفي السلك المسحوب المكيف على الاضاءه على التلفزيون او شاحن الخ
ياليت فزعتكم طبعا من الرياض انا
او تدلوني على فكره كويسه
تستطيع المشاركة هنا والرد على الموضوع ومشاركة رأيك عبر حسابك في الفيس بوك