_-_-_ بعد مرور أسبوعين _-_-_

في الريـآضٍ ..
جود : مين أم نوره ؟
ام جود : هذيك الي جتنا قبل كم اسبوع مع ام علي ..
جود : ايه وش فيها ؟
ام جود : بتجي وبتجيب بناتها ..
جود : اهااا طيب
ام جود : البسي وتزيني ابيك تصيرين قمر ..
جود : وش حقه يمه فقاره وحالتهم حاله ..
ام جود : والله ياجود انهم يبسووطن انتي اسمعي كلامي وانزلي اجلسي معهم الليله صدقيني بتنبسطين ..
جود : طيب طيب ..
غيرت جود ملابسها ولبستلها بنطلون جينز برمودا وعليه بادي أخضر والشدو تبعها كان أخضر مع أسود << امووت عالوطنيه خخخخخ.. وسشورت شعرها ولبست شبشبها الأخضر حق البيت " الله يكرمكم " ونزلت ..

وكل هذا طبعا صار تحت نظر زوج من العيون ماتشوفها جود عيون مخفيه .. عيون بتهدم حياتها مراقبه كل حركه من تحركاتها وكل خطوه تخطيها ..

نزلت مبسووطه وتغني .. وتقابل في وجهها بنت حلوه مرره كيوت ملامحها رقيقه وعيونها واسعه وحلوه كانت لابسه تنوره جينز قصيره وعليها تي شيرت بينك ..
جود ابتسمت باستغراب : اهلين ..
نوف انتبهت في جود ولفت عليها : هلا ..
جود : مين انتي ؟
نوف ابتسمت : انا نوف ..
جود سلمت عليها وهيا مستغربه اول مره تشوفها : وش لونك ؟
نوف تستهبل : حنطي ..
جود : هههههههههههه
نوف : الحمد الله تمام انتي كيفك ؟
جود : بخير .. تفضلي ..
راحت جود مع نوف للحديقه وجود مبسووطه تحس انو نوف فرفووشه ومو معقده وهيا تحب البنات الي كذا ..
ام نوره : ماشاء الله تبارك الله انتي جود ..
جود : ايه ..
ام نوره : شلونك حبيبتي ؟
جود : بخير تسلمين ..
ام علي : ويييه هذي هي جود لسانها اطول منها محدن يسلم من لسانها ..
جود : يووه خاله وش حقه تفشليني قدام الناس ..
ام علي : هذا انتي المقروده ماتفشلتي ولا شي عينتس قويه وماينخاف عليتس ..
جود سكتت وهيا مقهوره من ام علي ..
ام جود : ماشاء الله كم بنت عندك ؟
ام نوره : 4 هذي نوف وهذي ندى .. ونجود ونوره بالبيت والله مو راضين يجون الي تعبانه والي تذاكر واعذار مالها اول ولا تالي ..
ام جود : الله يخليهم لك ان شاء الله
ام نوره : وانتي جود اسم الله عليها وحيدتك ؟؟
ام جود : ايه ماعندي غيرها الله يخليها ..
ام نوره : الله يحفظها لك ان شاء الله ..
ام جود : تسلمين ..
جود : لا لا كذا انا استحي ماقدر لا تمدحوون لو سمحتوا ..
الكل: هههههههههه ..
نوف : كم عمرك ؟
جود : 18 وانتي ؟
نوف : العمر كله .. انا 20 ..
جود : العمر كله ان شاء الله ..
نوف : يطول في عمرك ..
جود : بس تصدقين شكلك اصغر بكثير انا على بالي 17 ..
نوف :هههههه
جود : وش تدرسين ؟
نوف : ماأدرس ..
جود شهقت : لييييش ؟؟
نوف : عارفه الظروف ماتسمح مصاريف الجامعه كثير ..
جود : اهاااا يعني مامعاك الا شهادة الثانويه ؟؟
نوف :ههههههه كذا ولا كذا ماكنت حستفيد منها اخذتها ولا لاء مصيري اجلس بالبيت ..
جود : من جد صادقه والله انا باخذ شهادتي وبنطق بالبيت بلا دراسه بلا هم ..
نوف : انتي توجيهي الحين صح ؟
جود : ايه ادبي ..
نوف : شكلك من جنبها خخخخخ
جود : خخخخ من جد ..

مر الليل واخذتهم السوالف والضحك واتبادلوا ارقام التلفونات ورجعت نوف مع امها واختها للبيت بعد هالسهره الحلوه ..
@@@@@@@@@@@@@@@@@@

وفي مكان ثـآآآني ..
نجود : هههههههه لا ياعمري 2000 ولا اقضب الباب ..
.............: ياحياتي والله ادفع الي وراي والي قدامي بس رضاك ياقلبي ..
نجود : هههه خلاص حبي ادفع ألف الحين وبعد مانطلع من الغرفه ألف اوكي ..
أما هوا فكان دوبو داخل للإستراحه المكتظه بالبنات والشباب وصوت الموسيقى والأغاني خرق طبلة إذنه ..
دخل بتملل اتعود يشوف هالمناظر المخزيه والمشوهه لصورة مجتمعنا السعودي وبالذات مناظر البنات الضايعات .. بس ايش يسوي يجي عشان يشوف أخويائه هنا ولا هوا يكـره هالأماكن من يومه ..
شافه صديقه سعود : راااااااااائد ..
رائد انتبه في سعود والي كان معاه وبين يده بنت وجهها مو غريب على رائد ومبين انها صغيره بس مافتكرها : هلا سعووود ..
سعود : هلا والله رئوود ماتوقعتك تجي الليله ..
رائد : انت الله يهداك عمري ماكلمتك الا وانت بهالمكان المعفن ياخي خلينا نطلع نروح لمكان يستاهل مكان محترم (( طالع في نجود باشمئزاز )) مكان يسوى فيه ناس مو بهايم ..
نجود على طول افتكرته كيف تنساه وهوا أول واحد يهينها من قبل لا يجربها << يجربها سيــآره على غفله خخخخ ..
نجود تسند ظهرها على صدر سعود العريض : البهايم الي تدفع وتركض ورى بنات الناس ..
رائد : ههههههههه لا تعرفين تنكتين صراحه .. بنات الناس .. ذي الكلمه حرام تنقال لك ولا لغيرك بهالمكان افهمي معنى الكلام قبل ماتنطقينه يالبزر ..
نجود بعدم اهتمام : كثير قبلك حاولوا يوصلون لي بهالطريقه هههههه بس تحلم معاك فلوس اهلا وسهلا مامعاك الباب يوسع جمل ..
رائد لمن طالعت فيه افتكرها وزادت نظرات الاستحقار بعيونه : حرام وانا ولد ابوي احط راسي براسك ياواطيه ..
سعود يدق رائد : بس خلاص وش فيكم (( وجه الكلام لنجود )) ياعمري انتي خلاص روحي والحين جايك صاروووخ ..
نجود قامت بدلع : لا تطول بيبي ..
سعود : من عيوني ..
راحت نجود تتمخطر بمشيتها ..
رائد : الحين مو هذي الي قبل فتره كانت مخاوويه فارس ..
سعود بخبث : هي بلحمها وشحمها ..
رائد : استغفر الله بس كيف ترضى على نفسك تمس وحده نجسه زي ذي ..
سعود : العمر ماشي ونبي نستمتع دامها هي راضيه بالوضع انا وش علي انا الي علي ادفع وانبسط ..
رائد هز راسه باشمئزاز : ماتخيل بيوم اوصخ نفسي مع بنات زي كذا ..
سعود وقف :ههههه يلا القمر يستناني ..
رائد : روح الله يهديك بس بنتظرك هنا لا تتأخر ..
ظل واقف يناظر أشكال البنات والشباب كل واحد سكران في البنت الي معاه وفي حبها الكاذب .. يضحكوا على بعض كل واحد منهم متأكد ويبصم بالعشره انه الي قباله مايحبه ولا يكن له أي مشاعر بس مجرد تسليه تستمر لساعات قليله وذنبها يستمر ليووم الدين ..


@@@@@@@@@@@@@@@@@@