وهـآأدآ بــآإرت لعيـووونكم ..>> ترى مرره طويــل عشــآإنكم بسسس .
. ::"::.. الجـزء الرابع ..::": : _
-_-_ بعد أسبــ,ـوع _-_-_ في جــدهـٍ << ارض الرخــأء والشـدهـٍ ..إحــــ؛ــــم ..
في بيــت العـم " أبـو سالم " (( عــم فـــرح )) ..
في غـرفة ميـآر بالتحديد (( البنت الكبيره 22 سنه )) .. ميار مستغربه من الاتصالات الكثيره هالايام والي مصدرها رقم غريب قررت اخيــرا إنها ترد .. ميار بصوتها الناعم والرقيق : الوو ..
الطرف الثاني : السلام عليكم .. ميار زاد استغرابها : وعليكم السلام ..
الطرف الثاني بصوت جذااب : كيـفك ياعسل ؟ ميار : مين يتكلم ؟
الطرف الثاني : طيب جاوبيني اول كيفك ؟ ميار : بخير مين معايا ؟ الطرف الثاني : انا بس حبيت اتطمن عليكي ليا فتره ادق وماتردي فخفت يكون فيكي شي .. ميار : طيب مين انتا لو سمحت ؟؟ انا اعرفك ؟
الطرف الثاني : ههههه لاء للأسف بس يكفي اني اعرفك وأحبــــك من زمان يلا يالغلا توصيني شي .. ميار مستغربه : سلامتك .. الطرف الثاني : الله يسلمك يالغاليه مع السلامه
.. ميار : باي .. قفل منها وضحك ضحكه شيطانيه .. يعرف كــويس كيف يتعامل مع البنات الرقيقات الي زي ميار ويجيب راسهم .. أمـــآ بالنسبه لميار فظلت مستغربه مين هذا الي اول مره تسمع صوته ويقلها احبك وابغه اتطمن عليكي .. عمرها ماكلمت شباب ولا عرفت احد .. ميار تكلم نفسها : غريــــبه من فين يعرفني هادا ؟؟ ابتسمت بهدووء ورمت نفسها عالسرير .. ماتعرف ايش بينتظرها في المستقبل القريب ..
دخل عليها سامي : ميوووري ميار تعدلت عالسرير : هلا سامي .. سامي جلس على طرف السرير : اسمعيني فيه شي ابغاكي تسمعيه وتحفظيه صممممم ..
ميار : قول ايش عندك ؟ سامي : بنات عمك .. ميار : اشبهم ؟ سامي : ايش اشبهم مابغاكي تكلميهم وتقطعي علاقتك فيهم نهاااائياا كأنك بيوم ماعرفتيهم ساامعتني ..
ميار : سامي ايش ذنبهم مالهم شغل بلي صار .. سامي بحده : شفتي لو اسمع انك كلمتيهم ولا حتى طالعتي في وجههم ماتلومي الا نفسك .. طلع من الغرفه وقفل الباب بقووه .. وميار رمت نفسها عالسرير متضاايقه موووت كيف وفجر اقرب صديقه لها بنت عمها واختها وصاحبتها وكل شي .. فجر تمثل بئر اسرارها حرام يتفرقوا بعد كل هالسنين الي قضوها سوى والعشره الي بينهم .. اخذت جوالها بسرعه وصارت تدور بين الأرقام الين وصلت لـ (( صديقة عمري )) .. دقت عليها بسرعه ودموعها تنتظر تسمع كلمه عشان تنزل .. ومن يوم ماانرفعت السماعه من الجهه الثانيه .. ميار تكلمت : فجووووووره وحشتتتيني والله وحشتتتيني .. الطرف الثاني : ............. ميار تبكي : فجووره ردي عليا انا صاحبتك انا ميـآآر بليز ردي حرام عليكي ..
الطرف الثاني : كمان لكي وجه داقه .. ميار انصدمت هذا صوت فهــــد ؟!؟!: فــ...فـــ..ـهد
فهد بجديه : لو أشوف رقمك على شاشة جوال اختي مره ثانيه بيصير شي مايرضيكي .. ميار بصدمه : فهد انا بنت عمك انا ميــآآر ليه تقول كدا ؟؟ فهد : ههههههه انتو خليتو فيها ولد عم وبنت عم انتو دحين بالنسبه لنا مانخلقتو بهالكون وياليت هذي تكون اخر مره تفكري تدقي فيها على فجر لانو بعد كذا بسوي شي مايرضيكي لا انتي ولا اخوكي ولا حتى ابوكي الي هوا عمي (( قال بضحكه مستهزأه )) ســآبقا هههههههه ..
ميار حست بغصه في قلبها هذا فهد الي ماكان يرضى عليها بكلمه كان بمثابة اخو لها ويخاف عليها اما دحين بكل بساطه يستهتر في مشاعرها ويضحك عليها ..
فهد : أيــوا صح وقولي لعمـك المصـون يمر علينا بكرا فيه هرجه مهمه لازم نكلمو فيها هههههه .. ميار مستغربه لدي الدرجه الحقد نساهم كل الايام الحلوه الي بينهم قسى قلبه على عمه وعيال عمه : حرااام عليك يافهد المفروض احنا الي نزعل حراام عليك خلاص مو كفايه فقدنا سالم ليه تسوي فينا كدا ليه ؟ فهد باستحقار : اقول يابنت عبد الله اتبكبكي بعيد عني ماني فاضيلك يلا مع السلامه ولآخـر مره اقلك لو تدقي مايصيرلك طيب .. باااايو ياعسسسسسل ههههههه . . سكرت السماعه ورمت نفسها عالسرير واجهشت بالبكاء << حلـــوه الفصـحه تحس إنك في مسلسل مكسيـكي خخخخ ..
فهد من الجهه الثانيه قام .. ولبس ثوبه واتشخص عـ الآخـر وراح قدام التسريحه قعد 5 دقايق يطالع في نفسه بالمرايا مستغرب من الهالات السوده الي بدأت تظهر تحت عيونه وعظام فكه الي برزت وصار شكلها شاذ بالنسبه لوجهه الوسيم وتفاصيله الحلوه .. اخذ قزازة العطـر من "فرزاتشـي" وقعد يقلبها بيده يطالع فيها لعدة دقايق واخيـرا قرر انه يتعطر .. ويرش على رقبته من كل ناحيه مرتين وكذا على بقية جسمه << العطـر مايقعد مـعاه يومين ..
وركب سيارته وحـرك ع الشـركه .. دخل بكل شموخ رافع راسه ومايتنازل يطالع لأحد لا يمين ولا شمال .. هيبته تخلي أي احد يشوفه يخاف منه مو لشـي يخافوا منه احتـرام لشخصيته القويه وآرائه وتحمله للمسؤوؤليه بالرغم من صغر سنه ..<< عمره 21 سنه ..
دخل للمكتب بطفش يقلب في الملفات الي قدامه باستهتار مرره مزاجه مو رايق يستقبل أي شغل دحين .. اندق الباب لف بالكرسي للجدار وقال بملل : ادخل ..
دخل واحد من الموظفين : السلام عليكم .. فهد لاف بالكرسي عـ الجدار ومعطيه ظهره : نعــم .. الموظف : العم بو سالم يبيك طال عمرك .. فهد لف بالكرسي وسند اياديه عالمكتب وقال وهوا رافع حاجبه اليسار باستحقار : وليه هوا مايجيني ولا رجوله مقطوعه ..؟
الموظف استغرب من كلام فهد اول مره يكلم عمه كذا دايما كان يحترمه ويقدره : وش تبيني اقوله طال عمرك .. فهد وقف : خلاص تفضل انا رايحلو دحين .. طلع فهد من مكتبه وراح لناحية مكتب صـآحب الشركه إلي هوا " ابو سالم" وهذي الشركه مشتركه بين ابو سالم وأخوه " أبو فايز" بس بعد ماتوفى صار هوا يديرها وعيال اخوه ماخذين حقهم ومراكزهم وبزيــآآده ومو مقصر معاهم ابـدآ.. دخل عليه بدون مايدق الباب كأنه داخل بيت ابوه وطبعا فهد بشخصيته وهيبته محد يقدر يمنعه يسرح ويمرح في الشركه على كيفه واي كلمه زايده عز الله انقطع رزق الآدمي .
. ابو سالم طالع في فهد باستغراب كيف يدخل عليه بهالطريقه : فهد .. ماعرفت تدق الباب قبل ماتدخل .. فهد سحب الكرسي وجلس عليه ورفع رجله عالرجل الثانيه باستهتار : اقول ياعم عبد الله ..
ابو سالم وقف : انتا ايش فيك اتجننت ايش هالاسلوب يااستاذ فهد ..
فهد : ههههه ارتاح ارتاح ياعمي انا جاي اقول كلمتين واخررررررج << شدد عالجيم بتريقه ..
ابو سالم جلس بعصبيه : سمعت انك تبغاني بموضوع هات قول الي عندك .. فهد لف بالكرسي وصار قبال عمه مباشره وقال بكلمات متقطعه وواضحه : نبغـه .. نفك .. الشـراكه ..
ابو سالم بصدمه : ايييش تقول انتا ؟؟ فهد بعدم اهتمام سند ظهره عالكرسي : اعتقد اني تكلمت بوضوووح تااام ومافيه شي يحتاج اني اعيدو .. ابو سالم : فهد انتا شارب شي ؟؟؟
فهد :هههههه لا ياعمي انتا عارف (( يدق بالكلام)) اني متربي وماعندي هالحـركات الحمد الله (( وقف وحط يدينه عالمكتب وطالع في عمه )) حمـد الفارس ربـآني أحسـن تربيه .. تربيه شريــــفه علمنـي الوفاء علمني ماأحقـد على أحد ولا بيـوم أخــون عمي وعيـاله ههههههه بس مسكين مـآت قبل مايـدري أنه اخوه الصغير خــآآن الثقه وخــآن مبآدئ هالعائله الكريمه (( اعطى ظهره لعمه )) الفــآآآرس لقب يفتخـر كل من يشيله بس للأسف ماطلعت قده ((رفع صوته )) ماطلعت كفـــو انك تشيل هالإسم ..<< قـووويه شويه ..
قرب ابو سالم واعطاه كف قوي خلى رقبته تلف : دحين انا صـرت مو كفو ياولد اخوي هذي التربيه الي تتكلم عنها .. وييييين احترامك واخلاقك يافهد وين راحت تربية اخوي حمد التربيه الي تتكلم عنها انتا وريتني دحين عكســها عكس التربيه الشريفه الطاهره الاخلاق الي كلنا كبرنا واتربينا عليها مين شالكم وحطكم بعيونه بعد حمد الله يرحمه غيري.. بس الي سواه فـآيز رحمة الله عليه مو قليل (( ضرب بيده على صدره بقهر )) اخذ مني اعز عيالي اخذ مني سالم عزوتي وسندي اخذ مني اكبر عيالي الي حطيت امالي كلها فيه .. كيف تبغاني اسامحه كيييييف ..؟؟
فهد لسه على وضعيته لاف وجهه وخده يحرقه يحس انه فيه شي يتقطع جوه .. رفع راسه ببطئ وطالع في عمه : ابــوي قبل مايموت وصاك وصيــه انتا اهملتـها وصاك على عيال اخوووووك على فايز الي ذبحته بيدك الي شفته يموت قدامك يلفظ شهادته وانتا تضحك مع ولدك ((قال بحقد وبصوت مرتجف وعالي )) ساااااااامي الي خاننـآ كلنا طردنا من بيييييته من بيت عمي بيت ابوي الثاني .. بس ويييييييييييييييين ايه والله ابوي انخدع فيكم (( بصوت مخيف )) انخدع في اخووووه (( لف على عمه ورفع اصباعه )) من هاليوم مابغه شي يربطني فيكم الشـراكه بتنفك يعني بتنفك غصب عن الي مو راضي وأنــــآآآ ؟؟ أنا ماني ولد اخوك ولا اعرفك طعنتنا بظهرنا .. ليش لاننا يتامى على بالك كل يتيم محتاج لأبو لا والللله مادريت إني مو محتاج لك ولا لصدقتك هالشركه انبنت لنا لعيال حمد ولنا النص فيها وكل حق لنا هنا حناخذو الليله .. الليله يــآآ... يـآعمي .. طلع من المكتب ووجهه أحمر من العصبيه ..اما ابو سالم فكان في صدمه كبيره مو مصدق انه هذا فهد ولد اخوه كذا يتكلم معاه وبهالطريقه .. في بيـت فـرح ..
فرح : وبعدين معاك يعني لا تقعد تهدد وانا وانا ايش اسويلك يعني الي في راسك سويه مني خايفه منك ولا من ميه زيك ..
رامي :ههههههه ابغه اعرف شي واحد بس ..؟ انتي ليه واثقه من نفسك مررره كذا ؟؟ هههه من السمعه الخطيره دحين اخوكي الي مات بالإعدام ههههه وليه ذابح ولد عمو لا والنعععم صراحه .. فرح : والنعم غصبن عنك لعد اشوف رقمك مره ثانيه .. رامي بخبث : انتي شكلك بتحطي راسك براسي ؟؟ فرح : براسك وبلي اكبر منك مو انا الي اخاف من دي الاشكال .. رامي مستغرب من ثقتها وخلاص طقت في راسه لا يوريها قدرها : مدام كذا انا بسوي الي ماكنت حاب اسويه .. هههههه ويريت ماتجي بعدين وتبوسي رجلي اطيح الي براسي انا لا قلت كلمه ماتنازل عنها .. فرح : ههههه كم مره اقلك الي في راسك سويه واعلى مابخيلك اركبه يانجم الموسم .. هههههههه .. رامي : من عيووووووووني يافروحة قلبي .. بي باي ياقمممممر .. قفل منها وضحك ضحكه عاليه .. ضحكه وراها افكار شيطانيه ونية بطــآآله ..
وفي غــرفة فــآتنه .. فاتنه : عزووز عبد العزيز : روح عزوز وحياته .. فاتنه تبكـي : أحبــــــــك أحبــــك موووووت .. عبد العزيز نزلت دمعته : وانا أموت في تراااااابك تاكدي طول ماأنا بعيد عنك انو بعمري ماحبيت غيرك ولا بيدخل قلبي غيرك انا حبيــتك من اول يوم عرفتك فيه وكنتي متأكده اني بتزوج غصصصب عني .. وقتها كنت احسب الهرجه سهله أجبرتك تستمري معايا واذا جات ساعة الصفر وقرب يوم زواجي كل واحد يروح في طريق كنت اتوقع المسأله بتكون سهله وكلمتين وداع بتحل المشكله بس الي اكتشفتو دحين أنو هاليوم الي بفترق فيه عنك بفارق رووحي بعيش جثه بعيش انسان خالي من أي اثر للسعاده .. صدقيني ياعمري مهما بعدت ومهما المسافات الي بيننا طويله ومستحيل نتعداها قلبي بيكون معاك وبين يدينك ..
فاتنه تشهق من البكى : ليتني ماسمعت كلامك ياريتني ماأديتك وجه ياريتني طنشتك ولا سألت فيك .. حــرام عليك أنا احبـــك مو قادره اصدق انك بتطلع من حياتي دحين خلاص يعني محايصير في حياتي شي اسمو عزوز انســآآآك كيف انساك قلي كيــف 3 سنين ياعزووز وانا مأفكـر ولا مـآخذ عقلي غيرك (( سكتت وقعدت تبكي )) ..
عبد العزيز بغصه : خلاص حبيبتي لا تبكي والله موتي ولا دمعة عيونك .. انا السبب يافاتنه انا الي اقنعتك نستمر سوى ونهايتنا راح تكون الفراق سامحيني يالغلا سامحيني ياقلبي اســــف آآآآآســــف ..(( سكت شويه وكمـل ))
لازم اقفل دحين ماقدر اكلمك بعد اليــوم انتبهي على نفسك وافتكري دايما انو فيه بهالكون قلب يحبك ويغليك اكثر من روحه .. سامحيـــــــــــــــــــني .. فاتنه مو قادره تتكلم تبكي بحرقه والم تبكي فراق انسان غالي وعزيز عليها انسان قلبها ماحب غيره .. قفل منها وهوا حاس الدنيا تتشقلب فيه خــلأص من هاللحظه هوا جسد أووبس سـوري قصدي جثه بدون روح ..
@@@@@@@@@@@@@@@@@@