_-_-_ اليوم إلي بعده _-_-_
نوف تجري بسررعه عالمطبخ : وخروووووا وخرووا.. نوره : بسم الله وش فيك ..
نوف تفتح الفرن .. شهقت شهقه كبيره ..
ام نوره جات تجري عالمطبخ : وش فيك نوفه حبيبتي وش صاير ؟
نوف ترفس الفرن برجلها : انحــرقت .. ندى : ههههههههههههههههههههههههههه نوف : ايه وانتي تشمتي طول الليل وانا اخبزهم ..اهــئ يمممه والله تعبت من هالشغله كل يوم تحترق الكيكه .. ام نوره : ههههههه تعلمي خليكي سنعه عيدهم مره ثانيه عشان تتعلمين غلطة الشاطر بألف .. نجود دخلت المطبخ وشعرها كشه شكلها دوبها صاحيه من النوم وماسكه بطنها بقووه : مييييته جووع .. ام نوره : سلام بالأول .. نجود بتملل : السلام .. ندى ونوف وام نوره : وعليكم السلام .. نوف : يمــه خلينا نسوي كبسه اليوم .. ام نوره ابتسمت : من عيوني بس انتو اطلعوا من المطبخ يادوب يكفي ثنتين كلكم متحاشرين هنا .. نجود تعطيهم ظهرها وتمشي : لو تشوفون بيوت صديقاتي حمامهم اكبر من بيتنا كله .. نوف : ايه زين اذلفي بس .. @@@@@@@@@@@@@@@@@@@
امــا في بيت حلا .. حلا في قمة السعاده الفرحه مو سايعتها ابوها راجع من السفر له شهر مسافر عشان الشغل وينتبه لفرع الشركه الي بالامارات .. قاعده في غرفتها تقرأ مجلتها باندماج بعد ماتكشخت .. كانت لابسه بنطلون جينز وعليه بلوزه مرره حلوه لونها برتقالي بدون اكمام تنربط بحبل حول الرقبه وعليه صورتها بالأسود والابيض .. سوتها لمن كانوا باريس قبل سنتين .. ومسشوره شعرها ولابسه حلق دائري كبير وشكلها مررره رايق .. دخل عليها محمد : هلا بأختي وحبيبتي انا .. حلا رمت المجله عالسرير واخذت كوب النسكافيه الي بجنبها ورشفت منه رشفه : اهلين محمد .. محمد جلس على طرف السرير : كيفك ياقمر ..؟
حلا : الحمد الله ..(( قالت باستغراب)) ليش ماطلعت للمطار .. ابوي مابيوصل الحين ؟؟ محمد : نواف طلعله انا الحين طالع للشركه عندي كم شغله بخلصهم وبرجع .. حلا : اهااا طيب الله معاك .. محمد :يلا توصيني شي .. حلا : امي وينها ؟ محمد : بالمطبخ تحت .. حلا بصدمه : بالمطبخ ؟!؟! امي تدخل المطبخ ..؟ محمد : ههههههه ايه تقول بتصلح القهوه بيدها ..
حلا وقفت بحماس : اوووه لازم انزل مستحيل افوت شكل امي بالمطبخ .. طلعت من الغرفه وقفلت الباب .... ومحمد جالس عالسرير :هههه وربي البنات هبل من جد ..
نزلت تجري للمطبخ .. شافت امها واقفه بكل كشختها وشموخها قبال الفرن .. حلا : هااي ماما .. ام محمد التفتت لها بابتسامه حلوه : اهلين حبيبتي وينك ماتنشافين .. حلا باست راس امها وضمتها : وحشتييييييني يمه .. ام محمد : وانتي اكثر حبيبتي .. هاا اشوفك متكشخه كل هذا عشان البابا .. حلا : فديت البابا انا يممه وربي وحشنيييي مووت .. ام محمد : هههه وحشنا كلنا يلا كلها ساعه بالكثير ان شاء الله وبيوصل .. حلا : الله يوصله بالسلامه يارب .. ام محمد : تدرين ان خوات ابوك جايين ؟ حلا بتفآجأ : عماتي جايين ؟ ام محمد : ايه وعمانك بعد .. حلا مصدومه من الخبر: يممه اليوم ؟؟ ام محمد : ايه وش فيك ؟ حلا : محد قالي ياربي طيب عن اذنك يمه بطلع اغير ملابسي .. ام محمد : وش فيها ملابسك مافيها شي والله تهبلين .. حلا : لا لا لازم اكشخ عدل .. ام محمد : هههههه الله يحفظك يابنتي .. حلا : تسلمين يمه .. يلا باي .. طلعت تجري لغرفتها واخذت جوالها ودقت على جود بسرررعه.. حلا من اول مانرفعت السماعه بالخط الثاني تكلمت : جووجوو فيصل بيجي .. جود : .............
حلا : يابنت جووووجو.. جود صوتها كله نوم : مين انتي ؟ حلا صرخت : قووومي بسك نووم .. جود نقزت من السرير : ووجع ليه تصارخين ..؟ حلا : عشان تقومين اسمعي ياهبله فيصل بيجي وربي احس قلبي عالق ببلعومي .. جود تفرك عيونها وتبعد عنها اللحاف وتنزل من السرير : طيب ولو جاه ؟ حلا باستغراب : اقوولك فيصل ولد عمي بيجي اليوم ؟ جود : هههههههه حلا عصبت : ليه تضحكين ؟؟ جود : مادري عنك الحين الي يسمعك يقول توم كروز جايكم وش فيه لو جاه فيصل ؟ حلا : ياربييي جود لا تستهبلين قوليلي وش اسوي ..
جود دخلت الحمام وحطت الجوال عـ السبيكر وتغسل وجهها : طيب لو قلتلك وش تسوين تسمعين كلامي ولا كالعاده ماقدر واستحي وخرابيط ههههه حلا : جودووه قولي شي عدل لا تحسبين اننا بفيلم هندي .. جود تنشف وجهها وتاخذ الجوال : لا ياعسسل مو فيلم هندي والله لااخلي قصتكم أحلى مسلسل مكسيكي وبتشوفين بس انتي اسمعي كلامي .. حلا بخجل : طيب قولي .. جود : هههههههههههههههههههه اسمعي .. حلا : اسمعك يلا بسررررعه .. جود : طيب طيب لا تموتين علينا .. اول شي انتو جمعاتكم مختلطه ولا الحريم بمجلس والرجاجيل بمجلس ؟؟ حلا : ههههههههه وش رايك يعني أي مختلط انتي ووجهك .. جود : اممم طيب زين اسمعي .. @@@@@@@@@@@@@@@@@@@@@
في احد الأحياء الهادئـه في الريآآض .. بيت أم مشعل ..
فـرح صحيت من النــوم .. تتثآوب بكسل .. حست نفسها دايخه رجعت رمت نفسها على الجهه الثانيه من السرير الكبيـر .. وتسمع صوت من تحتها : آآآآآآآآآآآآآآي وجع يازفته قومي
.. فرح مانتبهت بأختها بعدت عنها بسرعه : هههههههه انتي هنا هههههه فاتنه بعدت البطانيه عنها بانزعاج : لاء هناك اشبك انتي ؟ فرح : ههههه والله مره مدروخه .. فاتنه : ايش معاكي قايمه كملي نووم .. فرح : هههههه لا ياعمري انا مـآاخذت اسبوع اجازه من المدرسه عشان اقعد بالبيت .. فاتنه بتفاجا : فين حتروحي يعني .. فرح : بطلع اقعد مع خالتي شويه وبعدين بخلي مشعل يمشيني .. فدوه نايمه عالارض جنب السرير صارت تتقلب بانزعاج : هممممممم.. فرح تضحك عليها .. راحت بشويش تمشي على اطراف اصابيعها ودخلت للحمام ملت كاسه مويه باارده مثلجه .. وووووووووو ........ فدوه شهقت وقامت مفجوعه : اااه اااه ايش دا يازفته ااااااااااه بـ..بــــــ.... بــآرده .. فاتنه : هههههههه ليه الافتراء حرام عليكي .. فرح : هههههه يلا خلاص يكفي نووم قوموا .. دخلت للحمام وهيا مستغربه من نفسها ليش صايره تضحك وتتكلم عادي ماكأنه صار شي بحياتهم قبل فتره بسيطه .. ماكأنه فايز مات وراح عنهم وخلاهم .. ليش تحس انه فيه شي جواتها يمنعها من الحزن ... يمكن لانه فايز عايش فيها وساكن قلبها .. روحه معاها محل ماتروح .. ماتحس انها فاقدته لانه غالي على قلبها ومستحيل بينقص غلاه حتى لو اندفن تحت الارض .. طلعت من الحمام بعد نص ساعه شــآإور .. مالقت أحد بالغرفه .. لبست ملابسها وخلت شعرها ملفوف بالمشنفه ونزلت تحت .. برضو مالقيت احد .. زاد استغرابها ..؟ دخلت لغرفة خالتها ريم .. شافتها قاعده تاكل ومعاها الممرضه .. فرح بابتسامه رايقه : السلام عليكم .. ام مشعل : اهلين حبيبتي .. فرح جلست جنب خالتها : كيفك خالتووو ؟ ام مشعل بتعب : الحمد الله انتي اخبارك ياقلبي ؟ فرح : تماام والله .. كيف صحتك ؟ ام مشعل تتنهد : الحمد الله على كل حال .. فرح تاخذ الصحن من يد الممرضه : ثاانكس يو كان قو .. طلعت الممرضه وبقيت فرح مع خالتها تأكلها : خاله لا تتغلي عاد يلا بس دي اللقمه اخر شي .. ام مشعل : خلاص حبيبتي الحمد الله والله شبعت .. فرح : لاء لاء مافيه لازم هادي كمانه .. ام مشعل فتحت فمها بتعب : عشان خاطرك بس .. فرح باستها على راسها : تسلميلي يالغاليه .. قعدت معاها ربع ساعه الين مانامت .. طفت اللمبات عليها وطلعت من الغرفه تدور اهل البيت ماتشوف احد .. وشويه تسمع ضحكاات عاليه جايه من برى .. فتحت الباب الزجاجي الي يطل عالحديقه وطلعت .. شافتهم كلهم متجمعين بالحديقه .. فرح : السلااام عليكم .. الكل : وعليكم السلام .. مشعل : ياهلا ببنت خالتي الحلوه .