السلام عليكم ورحمة الله وبركاته
بعد الحاح سنين من زوجتي الله يحفظها وافقت اسفرها لألمانيا والله تستاهل ام العيال وطيبة معي والله يعين على المشاوير
المهم .. انا حجزت على ميونـخ لمدة 13 ليلة
بتكون 3 ليال قارمش
و3 ليال زيلامسي
و3 ليال سالبورغ ( متردد أروح لها ولا لا بس يقولون فيها سوق أوت لت ) ودي امره
و4 ليال ميونخ (العودة)
المهم ... هذه ثاني
سفرة بحياتي بصراحـة خارج المملكة بعد شهر العسل اللي كان ماليزيا ومليان بلاوي ومشاكل وخربطة ( وبيني وبينكم ما ابي أعيـد هذه المشاكل)
يعني من ثمان سنوات ماسافرت برا الممكلة
المهم أنا حجزت على 4 اغسطس .. والله يسهلها يارب
ياليت تدلوني وين اروح فنادق ووين أروح اماكن سياحية
واذا عندكم تعديل على الأيام ونصائح بتقليل المدن ما عندي مشكلة ابي نصائحكم
أيام سفرتي لماليزيا كان فيه منتدى جميل اسمه اعتقد المسافرون العرب .. وللأسف شكله ألغوه أو أنه غير اسمـه مدري وش صار له
واذا تعرفون منتدى ممتاز يساعدني ... لأن كل المنتديات اللي كتبت فيها ما أحد يتفاعل معي ابداُ ويرد علي
ولو عندكم جدول مقترح للأماكن ويكون فيه مكان لألعاب الأطفال لأن معي طفلين أكون شاكر لكم
أعرف أني طولت طلبات بس يقولون ما خاب من أستشار
وأنتم أهل مشورة أن شاء الله وما تقصرون
والله يعطيكم العافية
تستطيع المشاركة هنا والرد على الموضوع ومشاركة رأيك عبر حسابك في الفيس بوك