ابي اروي لكم قصة
فصلي من احدى السفارات الغربيه بالرياض
كنت موظف في قسم الفيز في
السفاره و كان اي انسان يبي يسافر لهدوله لازم يجي عندي و كانت من الشروط انه يجيبون كشوف بنكيه لحساباتهم كنت اشوف مليارديرات و مليونيرات و ناس اغنياء جدا و ضباط و كبار شخصيات و اشوف اصفار كثيره و قابلت اثرياء منهم في السجن الان و منهم طليق حر و كانو شارطين علي اني ما اساعد اي احد ابدا واكون متكبر و كنت مشهور ايامها عند موظفين
السفاره و منهم من خارج
السفاره كانو يجوني عشان اطلع لهم فيز لاني اساعدهم و امشيهم و ذات يوم من الايام جاء شخص ذو رتبة كبيره بزيه العسكري و قابله مديري و رحب فيه و حياه من ثم و قال ابي غسان الي هو انا فقال المدير تفضل انا اقدر اخدمك بالي تبي فرفض و قال ابي غسان و جاني و عطيته فيزه و مشيته و خلصت اموره و هذا مب اول واحد يجي و يدورني فحقد علي المدير لان كبار شخصيات و ضباط و ناس فلووس صارو يجوني ويدوروني ف امر كل الموظفين انهم مايكلموني و اي احد يكلمني ينخصم من راتبه و داومت اليوم الثاني دخلت عليهم و سلمت محد رد فسلمت مره ثانيه ولا احد رد انا انحرجت كذا و قعدت على مكتبي و قلت لزميلي الي جنبي هاه وش نفطر اليوم فقام و تجاهلني و الناس كلهم صارو يهربووون مني كاني فيروس ولا سرطان و جاتني وحده قدامهم و قالت لي اسمع غسان لا تكلمني ولا ابي اكلمك و لا ابي اشوف رقعة وجهك و لجمتها و راحت و خلصت كل المعاملات الي عندي و رحت لزميلي المصري كان شغال محامي بالسفاره و دايم اجلس معه اسمه هاني سالته وش السالفه فقال لي كل شي و انا شخص معروف بحنكتي و دهائي الذي يسقط دول و قاده فقلت له ياهاني اسمع الي اقولك اياه و اكتبه و هذا نص ماكتبه (
بسم الله الرحمن الرحيم
نحن شركة *********** نرجو من السيد غسان فلان فلان الفلاني استلام مستحقاته و البالغ قدرها 6.700.750 ريال سعودي
و الخ
ووقع هاني نهاية الورقه باسم محمد خالد الفلاني
و كان مكتبنا فيه فاكس واحد و قلت له ياهاني انا بروح هناك و عشر دقايق و ارسل الفاكس علينا
و رحت جلست على كرسيي و ادقق على المعاملات و انرسل الفاكس فقام اثنين من الموظفين لقافه و شافو الفاكس و انصدمو و صار تجمع عند الفاكس يقرون الورقه وانا مسوي نفسي مشغول و انصدم مديري من التجمع عند الفاكس و جاء يشوف وش فيه و قرا الورقه و ناداني ياغسان و جيته قال وش تبي تفطر ؟ قلت ابي من ماكدونالدز و طلب فطور و افطرنا و باليل الساعه تقريبا 8 ارسلت لي الي كانت تقول مابي اكلمك ولا تكلمني و مدري ايش رسالة طووويله اعتذر و سامحتها و كنت ادوام بعد الفاكس 4 ساعات فقط لاني خلاص صرت مليونير و كنت اسوقها على مديري اني راح اشتري كمباوند و اسكنه بفيلا خاصه و حديقه كبيره مجانا
المهم بعد اسبوعين عرفو انها كذبه و فصلوني ): بتهم ملفقه للاسف
تستطيع المشاركة هنا والرد على الموضوع ومشاركة رأيك عبر حسابك في الفيس بوك