 منذ /03-09-2009, 09:35 AM
|
#1 |
| رقم العضوية : 9523 | | تاريخ التسجيل : 23 - 9 - 2008 | | الجنس : ~ الاهلي | | المشاركات : 155,340 | | الحكمة المفضلة : Canada | | SMS : | | 
/ شوق المشتاق / , ليلى فهد خالد النايف , ليلوه المطفوقه , العبط والاستهبال , انواع البنات و , تحميل رواية غصب عني , تنزيل رواية غصب عني , hdm ywf ukd , رواية قطرية , غصب عنب , والاكشن والاستهتار [align=center]روايه غصب عني انواع البنات والعبط والاستهبال والكشن والاستهتار
الجزء الثاني لعيونكم
الجزء الثاني من روايه غصب عني لشوق المشتاق
قصتي مع طلال
الفصل الثاني
المهم واحنا في الحوش حسيت بدوخه واحس اني مااقدر اوقف وافقد توازني واطيح ويغمى علي واول مابطلت عيوني لقيت نفسي ؟؟؟؟؟؟
في المستشفى واحس بألم واحس اني تعبانه موووت ويدي ملفوف عليها ولزقات على جسمي و اطالع اهلي كلهم مجتمعين ابوي متوتر وامي وخواتي يبكون وجدي واعمامي والبنات كلهم وعمتي واخواني واسكر عيوني بسرعه
قلت: يمه شصاير وانا شفيني المهم شافوني وينادون الدكتور
قال :ماتخافوش حلتها مستقره وانشاءالله هاتئوم بسلامه ماتخافوش ياقماعه دي عدت مرحلت الخطر . واقعد اسمع شي قولون . اعمامي طلعو لستراحه وبناتهم ونسوانهم عندي وامي تصلي وتدعي لي وانا في نفسي اقول ااامين ونصوركل شوي يسأل ليلى بتموت ويقعدون يبكون كلهم .المهم انا مليت ازعجوني يبكون ويصيحون
قلت: بتكلم واسوي نفسي قدني بموت .
قلت: بصوت كله مرض ااااااه ويجون حولي كلهم واللي يقول ليلى انتي طيبه واللي يبوس يدي واللي يبكي كأنهم فاقدين الامل اني اعيش ويجون اعمامي وجدي وكلهم يقولون ها انتي طيبه والحمد الله على السلامه
قلت: شفيني وش اللي جابني هني
قال :عمي نايف ابو مها انا اسف دعمت وانتي معي كنت موديس للمستشفى يوم اغمى عليس امس انا اسف والف الحمد الله على السلامه .
قلت في خاطري جعلك المرض بغيت تذبحني).ويجي الدكتور قال الحين هي بخيرتقدرون تروحون للبيت ويروحون الرجاجيل كلهم
قالو : البنات لمي روحي ارتاحي واحنى بنجلس عندها المهم ويروحون كلهم الا البنات ريم وندوي خواتي ومهوي و هنود اختهابنات عمي نايف و شيخوه ونوير بنات عمي سلطان ولمياء بنت عمي فيصل .
قلت: الحمد الله الحين اقدر ابطل عيوني وتوني ببطل عيوني جاوالدكاتر2 وممرضتين
قال: واحد اطلعو برا بكشف عليها ويطلعهم .اول ماسكر الباب
قال: اف مليون وحده خلصو الاكسجين لاومعهم دبيتين المهم ويسوون الكشف ويخلصون
قال: واحد كان قطري تتوقع من أي عائله ويشوف اسمي قال: الثاني ليه اغرمت
قال: تقريباً.ويطلعون ويدخلون البنات شوي وابطل عيوني واقول ترااااااااا ويقعدون البنات يصارخون من الاناسه
قلت: انا اسمعكم صارلي ساعه من قعت
قالت: مهوي شرايس فيني
قلت: شفيس
قالت :حطيت لس عصير فيه شامبو لين جاس تسمم وبغيتي تموتين ووداس ابوي للمستشفى وسوا حادث وهوماصارله شي وانتي رحتي فيها والحين اكيد اهلس بيسامحونس
قلت :جعلس المرض بغيتي تذبحيني
قالت: لي عندس لي 3ايام اوامر
قلت :طل عمي الي داعم بي موب انتي شوي الاوهوشه خواتي يطقونها
يقولون : بغت تذبحني وهاذي موب قصدها طقت هاذي كبت على هاذي ماي واصوات مزعجه الاوداخل علينا الدكتور بدر القطري
قال: وش فيه ويتغطون البنات بسرعه
قال: وش فيه اصواتكم عاليه
قالت :شيخوه اختي حييت واحنى مستانسين
قال: زين ترا احنى في مستشفى ياأنسات رجاً لا تسببون ازعاج ويقعدون البنات اللي تعدل طرحتها واللي تأسف ويروح المهم كانت الساعه 2 الظهرو في الليل جاو امي وابوي خالد و
قلت: لهم اناا سفه ليتني مت عاشان ماتزعلون علي
قال :ابوي انا سامحتس
قالت :امي وانا بعد والله معاد اخلي احد من عيالي بروحه من دوني
قال: خالد وانا مسامحس
قلت: لاوالله شعليه انشاء الله هاه (نسيت اني مريضه )ويطالعني واسوي نفسي مريضه
قال :على القطوه الي لو متهاوشه مع نمر ماسوا فيها كذا على العموم راعيها خذاها يبي يحنطها ويحطها في مجلسهم لكن مافي امل شرحتيها كنها ذابحه لس احد وشوي وتجي جدتي على عكاز جايه تشوفني وشعر بندم والقهر وابكي من قلب وهم مايدرون وش فيني ويوم راحو امي وابوي وخالد اعتذرت من جدتي و
قلت :لها السالفه وهي طيبه سامحتني على طول بس كان نفسي انها تعاقبني انقهرت من جد
(قال ضميري ارتاحي واحمدي ربس انها حيه وبعدين هاذ القدر)
المهم قالو الدرزن بيمسون عندي بعد ايش وافقو اهاليهم قالو: بيواصلون لين الصبح بعدين يروحون البيت وجابو البنات
بلستيشن وانواع لاشرطه وكل بنت جايبه الشريط الي تحب وشوف عاد
شيخوه ....مصارعة 2006
مهوي .....نيد فور سبيد
ريموه .....قراند
ندوي ..... سايمس 2
نوير ......كوره فيفا2006
هنود ......كراش
أنا جابيلي ....ليتل شكن عشان اكمل مغمراته الاخيره
لميوه .......توم وجيري
وفيلم هندي (نو انتري )...دي في دي .
وريموه جايبه ....فيلم حرب
وشيخوه ....جايبه فيلم (جاكي شان)
ندوي ....جايبه فيلم رومنسي
مهوي ...جايبه فيلم أمريكي كله مطاردات على السيارات
.وبدت السهره
أنا :بنات يالله شغلو الفيلم
نوير بنت عمي سلطان :لا خلينا نلعب بليستيشن
هنود بنت عمي نايف :ايه نلعب كراش
أنا :لوا بنعاين الفيلم
نوير : لا بنلعب كوره أنا مسجله اهداف بفريقي برشلونا على كيفكم على عبود اخوي وبرويكم اياها كلها تعديات بلحارس وتزريقات ودبل كى ومسجلتها بمسي وديكو وأيتو رنالدينهو حتى بدفاع ترام وبوويل وكلها روعه
أنا :ابي اشوف الفيلم
مهوي بنت عمي نايف:لا خلينا نلعب اناجايبه نيد فور سبيد ومتعلمه حركات جديده في التفحيط وعقبال ما أنفذها في الواقع
شيخوه بنت عمي سلطان :حركات أيش لايكون شل وتنقيز وخمسات والتفحيط البايخ الي باطه كبدي به
مهوي :لا انتي مغبره ألحين تعلمت عكسيه وعقده واستفهام وحركت الموت وسفتي و وتنطيل وبعد حركات جديده في التفحيط نسيت اساميها بسأل مشيعل بعدين هو الي معلمنياها عشانه خبره في التفحيط وبعد مسويتلي سياره كشخه مووت لونها احمر واسود ريانيه صح ولا الرنقات على كيفكم ونسفاتها تاخذ العقل وحطه لها جناح وفتحه وقير توماتيك وتربو وسرعتها جنان
وهيدروليك وخطوطها تهبل و فلتر وهيدرز و نايتروس عجيبه تجنن يالله شغلو البليستيشن عشان ارويكم اياها
لميوه :مافهمت شي من الي قلتي ممكن تعلميني
مهوي :ويش تبيني اعلمس
لميوه :علميني هاذي الاسامي الغريبه ويش فايدتها
مهوي: هيدرز حق الصوت الي يطلع من السياره وهيدروليك يرفع وينزل السياره وتربو لسرعه نايتروس حق البخاخ
نوير :اخس يا الخبره
مهوي :يالله ماشفتي شي شغلو البليستيشن عشان ارويكم
أنا :لا أبي اشوف الفيلم من زمان ماشفت فيلم وشفيكم انتو
شيخوه :لا لافيلم ولا سيارات بنلعب مصارعه عشاني انا وليلوه نحبها ويش رايس ياليلوه
أنا :لا ابي اشوف الفيلم ويش فيكم معزمين تجيبولي جلطه
شيخوه :ليلوه ويش فيس علمي بس تحبين المصارعه
أنا :ويش فيكم بقر ماتفهمون مابي العب بليستيشن عشان يدي تعورني واكيد بتفوزون علي في كل شي وتسببون لي عقده عرفتو ليه انا ماابي العب يالله شغلو الفيلم
شيخوه : لا بنلعب مصارعه وانتي بطقاق لازم تلعبين معنا شوفينا بس وبعدين انا مسويتلي مصارع جديد وملبسته لبس يهبل ياخذ العقل ويجنن بعد ملبسته شورت صغير اسود وبوت اسود
أنا : وين البس ماعليه شي
شيخوه :إلا عليه
أنا :وينه ماقلتي غير الشورت الصغير
شيخوه :هاذا البس ويش فيس غبيه
أنا : مالت عليس اصلاًهو يجي لابس شرت ازرق وانتي غيرتي لونه يعني مالبستيه شي
شيخوه :أنتي صبرتي لين اقولس ويش هو لابس قاطعتيني
أنا :خلاص كملي
شيخوه :لبسته طول الله عمري غير الي عليه نضاره سودا كشخه وشعره طويل اسود وعيونه كبار سود وحطيت له عضلات وطولته وحطيت له
حركات المصارع ستيف اوستن و سكسوكه مثل سكسوكت ابوس وحطيت له
قاطعتلها أنا :وين لبسه ماقلتي شي
شيخوه : وانتي خليتيني اكمل لاعاد تقاطعيني وبقولس ويش لابس
أنا :يالله كملي الله يعيني عليس
شيخوه :لبسته قفازات سودا وحزام اسود وكسرات صغيره سودا على ركبه وكتبت على ضهره سويت مان وعلى يديه وبس
أنا : مالبستيه شي خليتيه اجلط
شيخوه:إنا لله والشرت الي عليه موب لبس
أنا :ياسلام صار الشورت الي كنه بكيني لبس وادافصختيه اياه ويش نقول هاه
شيخوه : انتي ماعندس سالفه تعالي نلعب بس
أنا : جعلس الجلطه يا الحقيره لوا إن العب مصارعه يالله شغلو الفيلم
ريموه :لا أمانه خلونا نلعب قراند يهبل جبت اسراره والحين نقدر نلعب على الثنين وبعد أقدر بلأسرار أجيب رشاش ومسدس وبازوكا وشاخوفا وبندق وسياره ومدفع وطياره ومنشار وفلوس واجد وكلاشنشو ومطرقه وعصاء وسكين وهالوفه و
وتقاطعها هنود :بس لاتكملين ثم يصير لي شي ويش ذا العنف الي عنس
ريموه :خليني اكمل
أنا :لوا تبين تسوين مثل شيخوه الخبله
هنود :خلونا نلعب كراش والله انه حلو مووت ويونس موب مثل العابكم الي كلها عنف
أختي نودي:صح هي صادقه خلونا من العنف وخلونا نلعب سايمس يجنن مافيه عنف كله حب وصداقه ورقص ولبس ورمسيه يالله يجنن لا وبعد أنا غامرت فيه وبنيت لي بيت يجنن وحطيتلي غرفه تجنن وحطيت فيها ذاك السرير الي على شكل قلب والمسبح بعد والفرشه الي على شكل قلب والوحه وبعد غامرت وصار عندي أصدقاء واجد وكلهم عيال والبنات كلهم تهاوشت معهم عشان معاد يجوني في بيتي وبعد ذاك العبد (بيلي )تهاوشت معه لأنه موب حلو وبعد أأأأأأأأأأأازوجت البنت حقتي بالولد ابو شعر طويل مردي ويش اسمه بس انه حلو
أما نوير بنتها سيده طول ماحنا نلعب وهي تنضف وتكنس وتمسح كنهاشغاله وتلبس مليون مره
نوير : أجل تبيني اسوي مثلس كل ما مريت على بنتس لقيتها تبوس في واحد ولابعدمتزوجه مليون واحد وبنت بعدكيف مدري
أنا :مالت عليكم كلكم العابكم تجيب المرض خلونا نلعب بلتل شكن لأني اخر مره كنت في الجزئ الاخير
ندوي :مادريتي
أنا :ويش
ندوي :نصور مسحه
أنا :جعل ذاالطرم الجلطه
ألمهم أحنى ساعه نتناقش ولميوه قاعده تلعب توم وجيري
وعلى طول غيرناه ولعبنا مصارعه عشان نلعب كلنا ولعبنا كلنا انا وشيخوه وريموه ومهوي ونوير وهنود وندوي ولميوه وكل وحده لعبت بلموصارع الي تحب
أنا.....(.لوفري )
شيخوه ....بلمصخره الي هي مسويه لجلط
ريموه ........(ليتا)
لميوه .......(توري )..عرفت تختار مصارعه مايعه مثلها ومتفصخه بعد
ندوي ...... ماعجبها احد من المصارعين تقول كلهم دفشه ويروعون وشيان وفي لاخير جلست تلبس ساعه مابغت تخلص
وسوت لها واحد كنه بنيه ماخلت شي حلو ماحطته في وجهه حتى حاطه له ظل مالت عليها لا ومسميته (تامر )على تامر حسني وانك نيم( توتو) صدق انها تافهه
مهوي .....مختاره( كين تكر)
نوير ......مصارعها المفضل (روب فندام)
هنود .......ملبسه واحد من قبل وملبسته بالطو ابيض يعني دكتور ونضاره طبيه ولبس كله اسود وما خده حركات المصارع (هولود) ومسميته (ريان)
وحطيناها ملكيه وجلسنا نلعب وشوفو الهده والازعاج وانا معني كنت تعبانه بس ما منعني تعبي من العب والفوز وتكفيخ البنات وخاصتن مصارع شيخوه الي مسميته جعفر وانك نيم (سويت مان )وا جلس اطق فيه لين تفل العافيه عشان ثاني مره تعرف كيف تلبسه لبس صاحي أما الحقيره هنود كان مصارعها الدكتور قوي مووت كل ماجيت ابي اكفخه سوت ذيك الحركه الي يشر بيده ثم يخنقني ومايفكني لين اطيح وما اقوم الى بعد شوي وريموه بلعنيفه المصارعه الي معها( ليتا )مسكت تامرمصارع ندوي الي كنه بنيه وكسرت ضلوعه وندوي طول الوقت تتحلطم( حرام عليس مايصير ياعنيفه ) ومهوي بمصارعها( كين تكر) مستلمه لميوه وجالسه طول الوقت ترضخ مصارعت لميوه( توري ) وبعد ماشفتنا البنات وكلهم بقوس من بعض ومشوخ لأن الوحده اذا عجزت تضرب الوحد في العب مسكتها على الطبيعه ولعت خييرها ألمهم قررت نشغل الفيلم وعلى طول وافقو وحطينا الفيلم ..(نو أنتري )وكنا متحمسين معه حدنا وخاصتن يوم راحو ينتحرون وندوي طول الوقت تمدح في (علي خان) وشيخوه عاجبتها عضلات (سلمان خان)
ونوير عاجبتها شخصيت أخوهم الكبير الي سيه مردي ويش اسمه "مدري ويش معجبها في شخصيته التافهه مثل شخصييتها " ألمهم أنتها الفيلم وبدو البنات يتهاوشون كل وحده تبي تشغل فيلمها الي هي جايبه وبعدالمجزره الي سووها شغلو فيلم جاكي شان وهنود ولميوه ماعجبهم وراحو يتمشون في المستشفى على بالهم في الكرنيش وكل شوي داخله علينا نيرس تقول ممنوع الازعاج ألمهم اندمجنا مع الفيلم الي كان روعه كله ايثاره وبعد ما انتها قامت شيخوه تطبق شوي من حركات جاكي شان على البنات ...وعفسو الغرفه ويصارخون البنات واخر ازعاج حتى انا بغيت اطردهم وكل شوي داخله نيرس ودكتور يبونا نقصر صوتنا حتى مره جات مريضه تقول ازعجتوني بس لا حياة لمن تنادي
ألمهم ارجعو هنودولميوه بعد ماحاسو المستشفى جلسنا الي يلعب والي يسولف ويعلموني بخبارهم من البروكل شوي داخله علينا ممرضه مخربه الجو المهم قلت للبنات عن كلام الدكتور بدر وضربة فيوزهم واكثروحده شيخوه وقررت مهوي هي وهنود بنيابه عن شيخوه الانتقام من د.بدر وينتظرونه يجي ومافيه امل فاقررت الخبله مهوي تروح تدوره
وقالت: لي اروح معها لكن انا كنت تعبانه ماقدرت وانقهرت ابي اروح معهم وراحت وياريموه وهنوده بنيابه عن شيخوه وقبل مايطلعون دق الباب د.بدر جاي يطمن علي
قال: رجاًياانسات خلو المريضه ترتاح
قالت: ريموه هي مرتاحه كذا
قالت :هنوده دكتور كن عيونك فيها حول
قال :هاه
قالت: نوير اف كن فيه ريح خايسه
قالت: لمياء كنها معك يادكتور وتجي مهوي وترج بيبسي لين قال بس وتفكه في وجهه لاموصغه ويعصب ويقول: ياقليلات الادب ويروح ونضحك ونضحك وترتاح مهوي نفسياً ومعنوياً المهم
جات الساعه 6 الصباح وكلمت امي
قالت: بتجي
قلت: لها انا برقد والبنات بيرجعون البيت
قالت: خلاص اذاقعتي دقي علي
قلت: اوكي شوي وجاء الدريول ياخذ البنات قايلين له يجي البارح المهم انا كنت موب نعسانه واكيد بطفش وانا قاعده بروحي
قلت: للبنات يقعدون
ولي قالت: امي تقول تعالي الساعه6
والي تقول: ابوي ومادري شنو المهم قعدت اتحلطم بنات عم خايسات ليتني عند خوالي وماعندكم دم واتحلطم لين راحو معاد فيه الاخواتي
قلت: ماعندهم دم شوي الا راجعين
قالو: خلاص بنرسل لهلنا رسايل نقول انا موب جايين الا الظهر
قلت: هاذولا بنات اعمامي ويرسلون الرسايل وتمت الموافقه ونجلس طفشانين شفنا 3افلام هندي وامريكي وصيني وملينا من لعب البليستسشن وجعنا
قالت: لمياء شرايكم نطلب فطوربما ان الدريول
موجود برا
قالت ندوي: ونطلع في حديقة المستشفى نفطر
قالت :مهوي شرايكم نروح للمطعم نفطر ونغير جو
قلنا: اوكي اف مشكله انا ماعندي عبايه ياربي شنسوي ؟؟؟؟ اذاجبنا من البيت بيكشفونا شنسوي ؟؟
قالت: نويرموب مشكله بنسوي عليس دئره لين تاصلين السياره والدريول لايتلفت لعنت خيره ونروح نشتري لس عبايه ونطلب سندويشات في السياره ونتمشى لين الظهر وبعدين من قالس ان احد بينتبه لس الي يشوفس اكيد بيقول شغاله
قلت :لا والله امشي بس امشي ونطلع وكانو البنات مسوين علي دائره وشكلي كان غلط لابسه ثوب ابيض منقط برصاصي حق مستشفى ولابسه نعال حمام بلاستيك ورابطه شعري وهومليان دهن وكلي لزقات واعرج وامشي لين وصلنا موقف السيارات ياربي على أي سياره جاي ونكلم الدريول والمشكله انه غبي توه جديد بعد ايش درينا انه جاي على ارمدا سياره كبيره وندور وندور واخيرا لقينا السياره واركب قدني تافله العافيه قالت هنوده اسمع رفيق مافي شوف يمين ولا يسار لو ماما انتا يجي يمين كلام شوف يمين انتا مافي شوف بس قدام شوف اوكي ويلتفت
ويقول: انتي لوتبني انعمي ياحياتي انعميت طلع موب دريولنا طلع قطري ويصارخون البنات وينزلون وينحاشون ونزل بسرعه لاطايحه على وجهي
قال: بسم الله عليج ياروحي واركض لاشعورياً لين البنات عند الباب وادخل بينهم جعلهم المرض يدرون رجلي تعورني ما اقدر امشي بسرعه الاودريولنا جاي عند الباب جعل ربي ياخذه الغبي ونركب في السياره ونروح شارع الشافي نبي نشتري عبايه بس كل المحلات مسكره ونروح مجمع مركز التسوق العائلي مسكر ونروح مركز سفاري نفس الحكايه ونروح سوق الخميس والجمعه الساعه 7ونص ونلقى محل واحد مبطل قلنا لريموه انزلي هاذا اخر امل وتنزل وتشتري عبايه ونروح وفي الطريق ونا افك العبايه لا عبايه راس كيف البسها في حياتي مالبستها لا ولركبتي
قلت: الرجعو
قالو : انطمي عبايه تسترس وخلاص بعدين بتقعدين في السياره من الي بيشوفس . المهم وناخذ الساتدوتشات من تكى واي قلنا خل نتمشى لين نخلص الساتدوتشات ومنتمشى لين وصلنا خط البر
قالت: مهوي شرايكم نروح البر شوي ونرد
قالت :خلى نخلي الدريول ونا بسوق نصف ساعه ونرجع وبعد تشفون سواقتي الي تطورت والحركات الجديده
قلنا: اوكي ونجي عند محطه ونحط الدريول ونروح للبر وتسوق بنا مهوي ونستانس حدنا كل شوي وحده تسوق ونلقى ارنب uونطرده ونطرده لين وصلنا جحره ونقعد نكب فيه ماء وعصير وندخل فيه كيك كلشي دخلناه حتى شحاطي مالت المستشفى ونمشي شوي ونقعد على الرمل كان الجو يهبل ونكمل لين جات الساعه 1 الظهر ونجي نبي نرجع لكن السياره عيت مادري شفيها اظاهر خلص البترول قلنا خلى نتصل على اهلنا بس ياربي بيلعنون خيرنا شنسوي؟؟؟؟ لازم نلقى حلى ومر نصف ساعه واحنى نفكر وقررنا نتصل واللي يصير يصر لكن كانت مصيبه مافيه الرسال شهلورطه ياربي ونقعد كلوحد تلوم الثانيه لين العصر وقررنا نروح مشي لين الخط بس الخط بعيد حيل ونمشي والي تقول بنموت والي ياويلها من اهلها ونوير تصور نفسها بلموبايل وتسجل وصيتها
وتقول : يبه سامحني يمه سامحيني وترا كل الي صارمن ليلوه هي سبب المصيبه والارنب بعد له يد في الموضوع المهم سامحوني وتصدقولي وترا انا الي حارقه البليستيشن حق عزوز وعطو خالتي سلمى خمسين متسلفتها منها واكيد بتقلوني ميته ادفنوني مع جدت صديقتي رشا لاني احبها ولا تنسون حطوني في تابوت وكل سنه حطو على قبري ورد ابيض " متأثره بالمسلسلات المكسيكيه "
وكل وحده في وادي تحاتي نفسها ومشينا بس انا كنت تعبانه مااقدر امشي واجد المهم قرب الليل ونقعد نصيح اقصد يصيحون لأني مالي نفس ومر الوقت واحنى متورطين ومنشي لين صرنا في وسط صحرا مافيها احد غيرنا وصارت ظلمه ما نشوف وخايفين ونسمع صوت طيران قلنا اكيد هاذولا سكون مايبيله ونقرا الاذكار ونصلي وندعي شوي الاومغمى على الدبه شيخوه ونتورط نولع عليها بالموبايل بعد ايش قعدت
الله ياخذها كنا فاضين لها المهم ويمر الوقت ونمشي في الظلمه وكنا نقرب من الطيران الساعه كانت 9 صار لنا 8 ساعات ضايعين ونطالع لا ليتات
الحمد الله ناس ونقرب شوي شوي ونشوف شباب واجد في مخيم ألي كان عباره عن 3 خيام ووحده مبطله من قدام والباقيه لا وبيت شعر وكانت على شكل دائره وفارشين فرشه في الوصط و فيه سيارات واجد حول المخيم 3فكسارات وددسنين وجمس وكامري ونيسان سبورت ولكسز وسياره حلوه ما عرف اسمها و مكسيما وكان شابين على عشاهم بعيد شوي عن الخيام بحوالي 8 امتار وكان فيه اكباس واجد و ألشباب كان شكلهم واجد اكثر من عشرين واحد ومتوزعين
فيه ثلاثه كانو عند ألعشاء الي كان فوضه في كل مكان طايح صحن والقدور متناثره والغواري والسكاكين واكياس وخمام ومواعي وصخه
فوضه لأبعد الحدود "مدري كيف بتجي لهم نفس يتعشون ذا العشا الي وصط ذا المزبله الله يقرفهم "والي جالسين على الفرشه ويلعبون ورقه وفي شباب كانو عند السياره ألكشخه الي مدري ويش اسمها ومشغلين المسجل على اغنية( صرحي صودري )حقت عبد الله بلخير الي كلها طيران ومستنزلين يرقصون رقص موب طبيعي وواحد كان رابط غتره ويهز ذاك الهز الي اتحدا الرقاصه دينا تهز مثله وواحد كن فيه سكن يرقص رقص غريب وواحد داخل عرض قاعد ييول يولة الامراتين والباقين مسوين عرضه وكان فيه بعد 3 شباب جالسي على تندت انيسان مدري ويش يسوون وفيه واحد كان شكله راقد فارش له مرقد بعيد وراقد اكيد ما يبيهم يزعجونه واحد كان فوق الخيمه وكان عنده اريل شكله جالس يعدله والباقين الي رايح والي جاي ألمهم بعد ما قزينا الخيام وشفنا الوضع جلسنا نفكر شنسوي بصراحه خفنا من الشباب الي كانو واجد ونفكر ونفكر ووصلنا لقرار ثنتين يروحون يقولون لهم ان سيارتنا خربت وتعالوساعدونا وتطوعت نوير ولميوه ونحفضهم ويش يقولون لشباب نص ساعه واخيراً استوعبو وسألناهم قبل يروحون نتئكد انهم حافضين صح
قالنا :ويش بتقولون
قالو: بنقولهم سيارتنا خربت قريب هني وابوي وامي واهلي فيها وتعالو ساعدونا
قلنا :برافو عليكم يالله روحو وحاولو تكسرون خواطرهم
وراحو واحنا انراقبهم من بعيد وكنا خايفين عليهم موت من الشباب ونقول الله يستر وفجئه ارجعو بسرعه
قلناكلنا: شيفكم
قالو: بسراحه خايفين وما نقدر نروح ودورو فكره ثانيه
.وبما اني الذكيه الوحيد الي بينهم
قلت: خلى نروعهم لين ينحاشون وطبعاً مارح يروحون على السيارات كلها بس شلون شلون
قالت: ندوي ببطل عبايتي وبتلملم فيها وباصيح يعنني سكنيه
وبعد اقزهم على طريقي يمكن اشوف احد فيهم حلو وانتو اول مايطقون اركبو في اقرب سياره وانابركب ونطق
قلت : وخير يعني اذا كان فيهم واحد حلو
قالت ندوي : عادي اشوفه
قلت وأذا شفتيه وبعدين
قالت ندوي :ويش فيس انتي تدرين اني احب الناس الحلوين وبعدين يلله خلنى ننفذ الخطه
قلنا: اوكي بس روحي من ذيك الجهه الي عندها ذاك الكامري لانه اقرب واحد لنا واذا جاو ينحاشون ما ينحاشون فيه واحنى بنلحقك ونركب فيه أوكي ألمهم
وتلملم ندوي وتروح تركض وتصيح صياح غريب انا وهو انا خفت سراحه حتى نوير قعدت تبكي من صراخ ندوي لانها كانت صدق تخوف أحنا واحنا ندري انها ندوي خفنا موت منها بس كنا بعد خايفين عليها صدق خاصتن انا لانها كانت خطتي ..................
المهم اول ما شافوها ألشباب أنحاشو ألي عند ألعشاء هم أول من شافو ندوي من بعيد و وقال واحد بعلا صوت لدرجت انا سمعناه
قال :.......يممااااااااااااااه سكنااااااااااااااااايه....حتى من الخوف نطق الكلمه خلط ...ونحاش وهوراجع طاح على خويه الي كان وراه يقطع بصل وقام ودز ولحقه الفاهي الي كان يقطع ببصلته وسكينه في يده من الخوف ماعاد عنده وقت يحط البصله والسكين وركبو في الناسان هم والي كانو فوقه بعد ما طاحو من الخوف وراحو وألي كانو على الفرشه كل واحد يقوم ويطيح فوق الثاني وواحد طاح على غواري القهوه والشاي والحليب وقام وهو يصيح من الأألم بعد ماحترق
يقول :افزععععععععععععولي تكفون ياعيااااااااااااال
وألباقين نذالا راحو وخلوم ونص ركب في فكسار والباقين ركبو في الددسن ونحاشو والي طاح على الغواري راح يلحقهم على رجيله بسرع فائقه وتعلق في بدي الددسن وراحو أما الي كانو يرقصون على طول ركبو في السياره الي هم كان عندها ونحاشو و ألباقين كلهم كانو يصارخون وكل واحد ركب في سياره ونحاشو والي كان فوق الخيمه جلس يصارخ ويقول انتضروني بعد ما راحو كل الشباب وخلوه وكان في واحد جاي من بعيد شكله كان رايح للحمام وأنتو بكرامه وعلى طول ركب في الددسن الثانيه يبي ينحاش وأول ما شافه الي كان فوق الخيمه نط ذيك انطه الي ذكرتني بطرزان وطاح على الارض وهو يتئلم
ويقو ل: تكفى يابو ساره لاتروح وتخليني
وذاك كان نذل وشغل السياره وحرك وقام الي طاح من فوق الخيمه وراح يلحقه بسرعه وتعلق بس طاح ماقدر يتعلق شكل يده انكسرت وراح يركض وركب في مكسيما وراح ألمهم أنحاشو الشباب كلهم من الخوف وأحنا كنا متقطعين من الضحك عليهم وعلى اشكالهم يوم انحاشو
وعلى طول هجمنى على الخيام الي فضت تقربن وركبنا كلنا
في السياره الكامري الي محد ركب فيها لان ندوي جايه من صوبها اول ماركبنا وكانت زحمه موت وألبنات كل وحده فوق الثانيه وعلى ما ترتبنا وركبنا زين ومهوي كانت عند السواق وانا في الجهه الثانيه ومعي ندوي
وورا شيخوه ونوير ولميوه وهنوده وريموه ألمهم أرجعو الشباب والظاهر انهم شافونا ودرو انا موب سكون
المهم. كنا نبي نشغل السياره نبي نروح بس مافيه مفتاح
تورطنا والبنات كانو خايفين موت والي تبكي والي تدعي علي ألمهم قفلنا السياره علينا وجاو و جتمعو حول ألسياره الشباب كانو حوالي 11 والي كان متحزم بلغتره معهم وغترته عادها مربوطه عليه "اضاهر انه من الخوف ما جاه وقت يفكها " وأباقين مدري وينهم
ألمهم ويدقون القزاز علينا
ويقلون :اطلعو ياويلكم منا بعد الي سويتوه
قالت: شيخوه تكفون ابعدو عنى بنرجعلكم السياره بس خلونا نروح
قال واحد: تروح روحي ولاتروحون
قال الثاني: بطلو باخذ اغراض وروحي
قال الثالث وكان حلو :أنزلو يا ألصيعات ويش جابكم هني
وندوي ما شالت عيونها من عليه .....
قال الثالث وشكله خكري:أنزلو من سيارتي يا وقحات
وحنى طول الوقت ساكتي منجلطين ماندري ويش نسوي
ألمهم جاء واحد جعله المرض معه مفتاح وهويبطل واحنى نقفل وكل واحد من الشباب عند باب وهو يبطل واحنى نقفل
وأنا جلست أدور شي ندافع به عن انفسنا وبين ما انا ادور بطلت درج السياره ولقا نسخه من مفتاح قلت يارب تطلع لسياره واركب جنب مهوي في كرسي السايق واشغل السياره وتشتغل هيااااااااااااااااااااااا
ونجلطو الشباب
قلت: لشباب وخرو واضرب هرنات
وأشغل السياره ونحرك "وعلى فكره انا ماعرف السوق"
وألخكري بغت تجيه جلطه
يقول : خلو سيارتي ياحرميات وأبعدو الشباب
وتمشي السياره مسرعه صوب الفرشه اللي كان قاعدين عليها واطالع لا قدامي واحد يبي يقوم ماقدر شكله معاق ويطيح على ظهره الا……. طب……وطيت رجله اقصد هرستها ويصرخ ذيك الصرخه أأأأأأأأأأأأأأأأأأأأأأأأأأأأأأأه
يمه انا خفت وماقدرت اسوق وتسوق مهوي
وماأبعدنا من الخيام وحنى مسرعين ويلحقونا على السيارات ويحدونا وقفت سيارتين قدامنا والباقي ورانا لين وقفونا ماقدرت الدبيه تسوق جعلها المرض
ألمهم مسكونا قريب من المخيم و بعدماسكرو علينا بسياراتهم ويكسرون قزاز السياره ألي طار في وجيه البنات وهم يصارخون ويبكون ويسحبون كل وحده من يدها لين نزلونا كلنا وحنى نصيح وكلنا كنا خاييفين موووت ونحاتي ويش بيسوون فينا أماهم كانو عكسنا يضكون " ألله يمهل ولايهمل ويوم لك ويوم عليك كان احنى الي نضحك وهم خايفين والحين العكس "ويضحكون واكثر شي علي كان شكلي غلط عبايت راس الى ركبتي و لزقات ولفات والعبايه مقلوبه راسها تحت واخرها على راسي
قال واحد وكان شكله عربجي: جايبين جدتكم معكم
قال الثاني وكنه اول مره يشوف بنت :احلى جده هاذي
قال ألخكري بميوعه شيخوه احرش منه : كان بيسرقون سيارتي ألي مادفعت أقصادها للحين
قال: اخر انتو شلي جايبكم هاه يا حراميه تسرقون سياره من وسطنا
قالت: لميوه احنا ظايعين تكفون ساعدونا
قال الحلو ألي ندوي تقزه من الصبح: ولاعاد احد بيلقاكم قال ألي رابط غترته : لاوالله
قال أخر : يوم تورطو قلتو ساعدونا
قال أبو ساره ألنذل :بنسوي فيكم ألعن من الي سويتو فينا
و جلسو كلهم يضكون بمكر وحنى نبكي بقهر
قال واحد: يا الله بطلو غشاويكم ياالله
قلنى كلنا :حرام عليكم ونقعد نترجاهم يخلونا
قال الثاني وكان شين لأبعد الحدود كلمت شين شوي فيه كل كلمات ألقبح ماتوفيه حقه : ترا على كيفنا بنسوي فيكم اللي نبي طيعونا احسن لكم
قالت ندوي بضيقه وصوت عالي :شين وقوات عين
وألشباب كانو يبون يضحكون وكتمو ضحكاتهم عشان مايزعل بس فيه واحد وجه بنفهره جلس يضحك لين تقطعت مصرانه و يبون يسكتونه ما سكت وضاقو الشباب
وياخذون منى طرحاتنا عشان خاطر الشين وتلبيتن لرغباته وعشان مايتعقد ... الا انا طبعا لابسه عبايه راس وكانو الشباب يتوعدونا وحنى ماخلينا كلمت ترجي ماقلنا ها بس محد عنده دم
وكل هاذا واحنى نمشي صوب الخيام واول ماوصلنى نسمع الي وطيته يتحلطم داخل الخيمه ويقول جيبوهم والله لاعلمهم الادب الكلاب الدشير الحيونات الزباله واي كلمه تعرفونها شينه تراه قالها ويودوناله وحنى خايفين مووووووووت وفجئه وحنى نمشي ويأسين من الحياه ودموعنى على خدودنا وعقولنا انشل تفكيرها
وتنحاش شيخوه كيف مدري ويلحقونها ويلحقونها وتركب فوق الخيمه ويركب واحد على الخيمه يبي يمسكها وتسوي نفسها خايفه
وتقول :خلاص بنزل خلاص واول ما جا يبي يمسكها دزته لاطاير وطايح على الحطب لا مليان جروح ويجي الثاني وينط على الخيمه وتنط شيخوه لامن شقه الخيمه لاطايحين داخلها ويغماعلا شيخوه وجانا حماس فجئه ونتحرك كلنا وتذكرنا اخر فيلم شفناه كان اكشن وياااع وننحاش كل وحده في صوب ونتهاوش وياهم وهم كانو مستانسين حدهم امااحنى الي تحت السياره والى على الخيمه وفي كل مكان بنت أماانا وانا طاقه لقيت المواعين حقت العشاء واخذ سكين واقطها على واحد يلحقني لا ظاربه في وجهه ووقف وقعد يصيح وانحاش انا ويجي الثاني واوقف قدامه واقول ياااااع والسوي كني بلعب كراتيه ويوقف وأنحاش ويلحقني وأدور وارجع على العشاء وأسحب مشهاب من تحت العشاء لين العشا منكب على الأرض وألمشهاب كان كبير وكان مليان نار وارجع عليه وهو شكله خكري الثاني
"مدري ويش فيهم كلهم خكاريا أو ان شكلي يخرع لهدرجه" وينحاش وادز وراه وارجع واخذ سكين واللحقه وهو يصيح يمه متوحشه وانا غيب عني نسيت الام والجروح ورجلي الي تعورني مافي بالي الا بطل اخر فيلم كيف انقذ البطله ولاعاد شكلي العبايه بس كمها ماسك في يدي وثوب المستشفى الى ركبتي وشعري شكله غلط ولاعلي نعال واركض وراه وأنا أركض وراه كنت اشوف البنات ألي ما مسكو منهم احد ومهوي كانت فوق وحده من السيرات ومعهى لوح وفقعت روس الشباب
وندوي ضقتبها ألوسيعه وراحت تركض منحاشه من الشين الي كان يلحقها وهو مغل وهي تركض وتطالع وراها وهي خايفه مووت لانها ابعدة من الخيام بشوي والنور كان خافت والشين كان يلحقها ووهي تركض فغصت الي كان راقد وطاحت عليه وهوما يدري ويش الخبصه وقام وهو يصارخ
يقول:ويش فيه وليه ومن انتو
ومسك ألشين ويقوله ويشفيك يبن الحلال
وقامت ندوي وهي خايفه بزياده ونخشت وراه "صدق انه لوح بعد كل لي صاروماحس فينآ وطول الوقت كان راقد وما سمع صياحنى مالت عليه "ألمهم هو مايد ري ويش السالفه وماسك الشين والشين واصله معه
يقول فكني وألي كان راقد
يقوله أذكر الله يابو فهيد شفيك
وندوي منخشه وراه
وتقوله تكفا لاتخليه يلمسني تكفى وهي تبكي من الخوف أما نوير كانت راكبه فوق الخيمه "مدري ويش عند بنات عمي سلطان فوق الخيام ولاوين جاتهم ذي المهرات منه تسلق الخيام "المهم كان عندها ذاك الي رابط غترته
ويقولها :أنزلي ولا ترابركب وتنشق الخيمه وطحين ويغماعليك مثل ذيك الدبه
نوير وهي تبكي وخايفه :حرام عليكم الي تسوونه فينا والله ان ربي بيعاقبكم وأن الله يمهل ولايهمل ترى بيصير في خواتك مثل الي سويت فينا ويمكن اكثر فتكفى الله يوفقك قولهم خلهم يخلونا جعل ربي يسعدك ويحفضك انك تساعدنا وعتيرنا مثل خواتك ترا ربي بيعاقبكم وبتندمون
وقال وهو شكله تئثر بكلامها:بس ألشباب ااااااااقولك انزلي انزلي وبنتفاهم تحت يالله
أما هنوده كانو يلحقونها ثلاثه وهي تدور على الخيام تدخل منا وتطلع منا وشوي في داخل الخيمه واشوي وراها وشوي فوقها وكانت سريعه وطلعت كل مهاراتها في القفز والرقض وحتى الزحف وكان فيه واحد من الثلاثه بعد ماعجزو من مسك هنود
يقول : تكفون ياشباب افزعولنا لعنبوها لاتكون سكنيه صدق تعالو امسكوها معنى
وكان فيه 4شباب شكلهم موب عاجبهم الوضع كانو جالسين على الفرشه ويطالعون الشباب وهم ناقدين عليهم وكل محد قالهم ساعدونا ماعبروه والباقين ميتين من الضحك كنهم يطالعون مسرحيه الملاعين ولميوه تحت السياره الاكسز والفاهي الي كان يقطع بصل كان ماسك عبايت لميوه وهي تحت السياره ويسحبها يبيها تطلع وهي متمسكه في معدات السياره من تحت وريموه مدري وينها وشيخوه كانت مغماعليها "يحمد ربهم ان شيخوه مغماعليهاون ولا كان روتهم شغلهم " المهم وكملت أنا ورا ألي كنت الحقه
لين وصل الخيمه ودخل فيها وادخل قلت: لاتتحرك وانا ماسكه النار في يد والسكين في يد
قال : ياااي متوحشه لحوقو علي تكفون ياشباب الا واحد مكتفني فشله ماعلي عبايه وثوبي قصير واشوف خلاص مسكو البنات كلهم ألى ريموه أختي اختفت مالقوها أو أنهم نسوها وبعد لميوه كانت تبكي
وتقول: افيه افيه فكني أفيه من ريحتك لأأن ألي كان ماسكها هو الي كان يقطع البصل والى الحين ماغسل يده
وهي طول ألوقت تأف أف وهو متورط وهي معا في وجهها سحى
تقول :أمانه واح ثاني يمسكني غير ذاه تكفون والله ما انحاش قام الملعون وسكر ثمها بيه وصارت عيوها حمرا موب من الدموع من الريحه
وجا الشين بندوي وهو مكتفها وهي تبكي بكا موب طبيعي
وتقول : مالقيتو احد يمسكني غير ذا الشين أمانه خلوه يفكني والله ما اروح من مكاني
هي قالت ولا ماقالت ذاك ألي كان يضحك يومنا بعيد مات من الضحك مره ثانيه بس بزياه
وقال :حرام عليك ارعبت البنيه عطنياها امسكها أنا
قالت ندوي :صح
قال الشين :أكلي تراب انتي وياه لا أتفل في عينج
وجاء الي كان راقد وكان كنه انقليزي عيونه زرقا وشعره اشقر وابيض بياض موب طبيعي
ويقول :حرام عليكم ياشباب خلوهم
قال الثاني :هو صاق ويش لكم في المشاكل
قال الي كان فوق الخيمه :تخيلو انهم خواتكم
قال ألحلو:مالكم دخل انتو لو على كيفكم كان خليتوهم يروحون على السياره
وجا واحد وهو ضايق
ويقول بصوت عالي:ألصايعات كتو العشاء ياشباب
قال الشين : شوفو ويش سوو وتبونا بعد نخليهم
قال الي كان يقطع البصل :حيني ماسويت الحمسه
قال الي كان عند العشاء: ألملاعين صارلي ساعتين أزين فيه واخرتها يكتونه جعلهم المرض ثم طالعني وهو ضايق حده
ويقول :هاذي هاذي الي كتته وجا يبي يضربني كف ومسكه واحد من الشباب
وقاله :امسك اعصابك موب لهدرجه بروح الحين اجيبلكم احلى عشاء
قال الملعون :موب جاي احلى من عشاي جعلها الحادث
وأنا كنت ساكته وخايفه أقول شي ويكفخني وتنجرح كرامتي وشوي وجا الخكري راعي السياره وحالته حاله يعرج وكله تراب وحالته حاله وماسك ريموه
ويقول : شباب احد ياخد العنيفه مني ألله ياذخدها
ومسكو ريموه وكتفوها وهي تصارخ وتدعي بدون دموع
وذاك كان طول الوقت
يقول: حرام عليكم ياشباب مالكم داعي
قال الخكري ألي كنت الحقه بلمشهاب :أي حرام علينا أنت ما شفتهم ويش سوو فينا روح شوف الشباب ألي يده مكسوره والي رجله والي احترق ونثرو عشانا وكسرو سياراتنا وأرعبونا وتقول حرام عليكم حرام عليك انت اذا ماخليتنا نئدبهم
قال الثاني : من الحقيره الي جات تصارخ وروعتنا ....
"هنا ندوي أختي دنقت ونغطت وهو يتلفت يدور
ويقول :اعترفومن هي هاه
واحنا ساكتين ما يسمعون منا غير اشهقتنا واحنى نبكي
وجا واحد وقال ويش تنتضرون خلونا نئدبهم يالله وأنا بئدب الملعونه الي كبت العشاء "جعلهم الجلطه كلهم ماتسوى علي "
قال واحد: شباب خلاص ولله حرام شوفو اشكالهم يكسرون الخاطر وخاصتن هاذي وكان يقصدني
قال الخكري الي كنت الحقه:بلاك ماشفتها وهي تلحقني بمشهاب وسكين بعد ..
قال ألي كان ييول يولت لامارتين :تدافع عن نفسها
وجاء الي رابط غترته
وقال :يالله شباب جيبوهم داخل في الخيمه ألضحايا والجرحا يبونهم عشان ينتقمون
ويودونا صوب الي وطيناه ويدخلونا الخيمه الي هو فيها واول وحده دخلت كانت انا اول ماشفنا بعض
صرخنا صرخه .........لأأأأأأأأأأأأأأأأأأأأأأأأأأأأأ.....
كارثه انا استانست وهو انصدم ويجون البنات ويصرخون كلهم طلال ويصرخ هو على الشباب خلوهم اطلعو هذولا بنات اعمامي ويفكونا ونركض كلنا ننخش وراه ويطلعون الشباب ونقعد كلنا في الخيمه
قال: شجابكم ويدعي ويلعن و
نقوله: القصه وكنا موب متغشين اقصد البنات ولا انا تلملمت في عبايتي الراس ويجوبون طرحاتنا ويتغشون البنات ونركب في السياره ويا طلال وطبعاًهوتعبان بعد ماوطيته مايقدر يسوق ويسوق بنا واحد من الصدقائه
ألي كان راقد ونتم ساكتين وكلم طلال اهلنا
وقالهم: انه لقانا وبنقولهم السالفه لاجينا
وقال: لعمي فيصل يجي ياخذنا وجانا عمي فيصل اول مادخلنا الدوحه وركبنا كلنا معه وكان معصب علينا واكثر شي على لميوه وكنا ساكتين وخايفين حدنا و شاورت البنات
قلت: اول مانوصل البيت ندز بيت جدي ننخش هناك و وصلنا الساعه في 2الليل و اول ما وصلنا البيت ودخلنا من الباب ونروح ركض لبيت جدي وعمي فيصل راح يودي طلال للمستشفى اول مادخلنا من باب بيت جدي الاواهلنا كلهم هناك كنهم يدرون نا بننخش عند جدي ونروح بسرعه لغرفت جدتي لان العيال كانو معهم واول مادخلنا غرفت جدتي لقينا امهاتنا ونتورط وننخش وراجدتي ودخلو ابوانا وبدو ابوانا واماتنا يهاوشون ويصارخون وزحمه كل واحد يقط كلمه وليه وكيف وليش وجعلكم وجعلكم امهاتنا من صوب وابوانا من صوب وفي وسط ها الزحمه
قال: جدي اسكتو ولا كلمه ويسكتون كلهم ولاعاد سمعنا نفس
قال: جدي اصبرو خلهم يعلمونا شسالفه
وقال: وحده تكلم تقول شسالفه وقعدنا نطالع بعظ
قال: هاه تكلمو
قلت: بسراحه انا كان خاطري الروح معكم البر وانتو طردتوني وجات في خاطري وقعدت الترجا البنات لين وافقو نروح جنب الخط بس لقينا الرنب ورحنا نلحقه و خلص البترول وضعنى واقعد ابكي واسوي روحي مالي ذنب واتئلم وحالتي حاله
قال :جدي كل ذا الي صار منك انت فهد
قال: ابوي ادري ماعرفت الربي بنتي
قال جدي: خلني اكمل انا موب قايلك خل بناتك يروحون معنى للبر
قلت لا يبه خلى اعاقبهم شف شصار من معاقبتك لونك سامع كلامي كان ماصار ذا كله والحين اسمعو كلامي كلكم البنات ما اخطو كل الي صار مكتوب وخلص كل واحد على بيته والبنات بيمسون عندي
قالو: انشاء الله وراحو كلهم معاد فيه غيرنا ويعطينا جدي ذيك المحاضره تمنينا نموت ولانسع محاضره جدي وجدتي شوي وداخل علينا عمي ابو طلال ويلعن خيري جدي يسكته وهو معصب حده وراح و ماخلص جدي المحاضره الا مع اذان الفجر وانا كنت تعبانه وداني عمي جاسم للمستشفى ولقيت الاطباء يتحلطمون ومسوين زحمه وليه وكيف كني ناقصه والرقد الساعه 6 ولا قعدت الا الساعه 5 العصر و
قالو: لي خلاص بي طلعوني وجاء خلود العله يطلعني قال: جيت اطلعس قبل تسوين لنا مصيبه ثانيه ويتلحطم جعلس وجعلس وياليت ماعندي غير ريم ونصور انتو فضيحه وقعد اتهاوش وياه
وقوله انت وش دخلك وانت وانت لين وصلنا البيت الساعه كانت 7 ونص لقيت امي وابوي معصبين ومايكلموني واناوندوي وريموه الحيوانه مفهمتهم انها ماتبي تروح واحنى اللي جبرناها المهم كلمت البنات اشوف وش اخبارهم
قالو: انهم بيجون يتطمنون علي ذابحم الادب قلت اوكي شوي الاوهم جايين وجايبين معهم تورته
قلت: عشتو شها الذوق الي عندكم
قالو: بمناسبه طلوعس من المستشفى
قلت: يعطيكم العافيه مع اني موب مصدقه المهم
قلت: شخباركم
قالو: اللي اماها وابوها نفس حالتي مايكلمونها والي خلاص سامحوها بس كلهم محرومين من الروحه مع اهلي للعرس
قلت: أي عرس
قالت: مهوي انها مقهوره كان نفسها تروح لعرس ولد عم ابوي والبنات كلهم مقهورين يبون يروحون كنا مفصلين فساتينا لاومطقمين ومسوين لنا رقصه مع بعض على اغنية شاسوي به مئثر فينا ستار اكادمي بس حرام والله لكن انا مستانسه لان ام طلال بتروح بليد مجبصه ليتني اشوق شكلها . المهم الساعه 8 راحو اهلنى كلهم الا جدتي رجلها مكسوره والبزارين كلهم عندها المهم قلنا خلى ناخذ البزارين من عند جدتي لانها بترقد وتجيبهم الشغاله وتحطهم عندنا وسببولنا قلق هاذا يصيح وذولا يلعبون واكبر قلق الصغار.
المهم قلت: خلى اشوف لهم صرفه واوديهم فوق الصطح واحط كل النواع الالعاب عندهم وتي في وكل شي والرجع للبنات المهم واحنى نسولف تذكرنا طلال
قلت: خلى نروح نعتذر منه وترددو البنات وبعدين
قالو: اوكي ونلبس عباياتنا ونروح لبيت عمي ابو طلال وندخل ونلقى الشغاله
قلت :وين طلال وشكلها تلخبطت
قالت: هاه سوي انا يشوف
قلت: لا بنروح له احنى اصلا انا اعرف غرفته ورحنى فوق وتلحقنى الشغاله
قالت: مافي روه
قلت :انطمي وخليناها ورقينا
قلت: ياربي شفيها ذي المهم واحنى عند غرفه طلال سمعت صوت داخل اسمع سوالف وضحك صوت بنت تسولف انقليزي
قلت: خلى نشوف من اللي داخل ونجيب طاوله ونحطها واحط فوقها كرسي وترقا مهوي تطالع مع فتحه فوق الباب انا كنت تعبااانه يالله اني جيت
قالت: قاعد ويا الشغاله ويغيب عن شيخوه وتجي تركب معها ويطيحون كلهم وتطلع علينا الخدامه من عند طلال قلت: قولي لطلال بنات عمانك برا
قال: تفضلو وندخل
قالت ندوي :احنى جايين نتئسف منك
قال: وانتو خلتو فيها اسف انتو فضحتوني حرام والله حرام عليكم الحين مالي وجه اقابل اصدقائي ويعطينا محاضره شوي وتجي الخدامه وتشاوره ويتلخبط ويصير وجهه اصفر
قال: من الي كانت تطالع مع الدريشه الي فوق الباب
قلنا: محد طالع
قال: الشغاله تقوله
قلت: ليه انتو شكنتو تسوون
قال: موب شغلس
قلنا خلاص احنى اسفين
قال :ابي اكلم بنت عمي ليلى بروحنى
قلت: في نفسي ياليل
قلت: لا ماقدر اقعد معك بروحنى
قالت: نوير مايقعد الثنين الا الشيطان ثالثهما
قلت: بجلس انا ومها
قال: اوكي وطلعو البنات
قال :امانه قولي الصراحه انتي شتبين مني
قلت: هاه شبي منك
قال: كل شوي لاحقتني اذيتيني كبيتي علي ماي وارعبتيني في البر وطقيتيني في غرفه الدريول وطحتي علي وكسرتي ضلوعي ولحقتيني وانا مع ربعي وكسرتي رجلي وكسرتي يد امي وفضحتي ابوي
وش قصتس؟؟؟؟ انتي تحبيني؟؟؟؟ وتحاولين تتقربين مني بأي طريقه تكلمي ترا عادي واوعدس اني اقولس شعوري بسراحه واذا كنتي تحبين او مغرمه فيني مثل باقي البنات ترا طريقتس كلش مو حلوه همجيه مره . كان يتكلم وانا مبطله عيوني على الاخر وفوق راسي علامات تعجب
قلت بصوت عالي : ومن انت لايكون على بالك انك جون براهيم وبعدين انت اخر واحد افكر فيه وبعدين شعليه هاه على تربيتك الخايسه ولا على امك الخبله وعلى خوالك الي استحي اقول انا مناسبينهم ولا يعني انك حلو حلك بطنك هذاك نواف ولد عمي نايف احلا منك فرق اليوم عن امس مالت عليك يازباله وياحقير كل الي صار غصب عني مالت عليك
قال: خلاص اعرف انس ماتحبيني والحين هاذي اخر مره اشوفس فيها لا اشوفس قلت لبوي انس انتي اليكنتي سارقه الصندوق
قلت :هي بابو (على قولت شاروخان) انت أي صندوق واي زفت حسن ملافظك انا موب حراميه
قال: وش كنتي تسوين في المكتب وش تسوين في غرفتي تكلمي
قلت: احترم نفسك انا كنت ادور مخش والي صار كله موب قصدي غصب عني
قال: قصدس موب قصدس هاذي مشكلتس مالت عليس يافضيحه
قلت: الشرهه موب عليك الشرهه علي انا ولا انت شوي عليك اللي سويته فيك مالت عليك
قال: والله ان اقــــول لبوي انه انتي الي ماخذه الصندوق
قالت: مهوي بعد انا والله لاقول عن الي تسويه انت ويا الخدامه قبل شوي
قال: هاه شسوينا
قالت: شسويتو ساعه وانا الراقبكم
قال: و انتي ماتستحين على وجهس والله لاقول لخوانكم وهم يداوونكم
قالت: خلاص ومقطع الجوال اللي عندي بعطيه جدي قال: أي مقطع
قالت: موب شغلك< طبعاُهي ماعندها مقطع ولاشي>
قال: اسمعي لاتعطينهم مقطع ولاشي وانا خلاص لاعرفكم ولاتعرفوني خلاص انسوني وانساكم
قلنا اوكي وطلعنا من عنده
قالو البنات شسالفه
قلناها لهم ورحنى للبيت وجاواهلي الساعه 1 وكلاُخذا بزرانه وراح لبيته ونا قعدت الترجا امي وابوي يسامحوني وبعد ايش سامحوني بس
قالو: على المشاكل اللي سويتها ما فيه مراح معهم لسوريا في الصيف
قلت: لكل حادث حديث وبدت المدارس والكل انشغل في دنياه عمي ابو طلال رجع لفرنسا ويا اهله وانارجعلي الهم والقلق من جديد بما اني اخر سنه في الجامعه لازم اجتهد ورجع الروتين اليومي يا الله اشوف البنات ويالله اطلع من البيت وهاكذا
تعتقدون بتم حافضه سر عمي ناصر
ويش ردت فعلي بعد كلام طلال
ياترا اصدقا طلال عادهم يذكرونا
وين بجلس لا سافرو اهلي
وهل عمي ناصر بيرجع يستقر في الدوحه بعد اللي صار
وهل بنجح في الجامعه
انتظر ردودكم
التوقيع : [/align]
تستطيع المشاركة هنا والرد على الموضوع ومشاركة رأيك عبر حسابك في الفيس بوك
|
|
|  |