أول شيء الحمد لله ان فيه ناس تعمل بالدوله ويعلم الله انهم يعملون في الخفاء لأنه وبالنهاية هذا عملهم لكن نقول شكرا من القلب
عندنا في الشركه (متعاقده) أجانب بعدد مخيف جدا توصل أحيانا نسبة الأجانب ٩٠% ، وال١٠% السعوديين عمال
الدوله بدأت الضغط عليهم بالسعوده ، وفعلا جابوا سعوديين وحطوهم عمال (نعم عمال)
وحبه حبه زاد الضغط ولاحظت الدوله لحد الآن انه المناصب الاشرافيه والهندسيه والاداريه (١٠٠% أجانب ومن نفس الجنسيه)
وصل الأمر ان الدوله تقول لهم الوظيفه الفلانيه في المكان الفلاني وفي التاريخ الفلاني أبي فيه سعودي لكن طبعا التحايل موجود
من قوة التحايل اضطرت الدوله تطلب ربط الرواتب بالهويات ومتابعتها
المشكله الحين مطلوب سعودة ثلاث وظائف وتسفير الأجنبي (لأنه قبل كانوا يجيبون سعودي ويخلونه هو والاجنبي بنفس المكان عشان مايزعل الاجنبي ويصير السعودي طبعا عامل مساعد تحته مع انهم نفس الوظيفه)
المشكله إن موعد تنفيذ هذا القرار قريب لكن الشركه ولا كأنها تسمع بدال ماتبدأ تدريب السعوديين.
والمشكله الأكبر انه قبل سنه تقريبا بنفس الطريقه تم سعودة مدير العمليات وحطوني أنا ووافقت طبتا عشان الراتب مع أنه ماعندي خبره ومع انه اقسم بالله هالمنصب يحتاج عل الأقل ٩ سنوات من كبر المشروع وتشعبه والمسؤوليات
أنا الحين وبعد مرور سنه مثل الأطرش بالزفه والاجانب طبعا مايعلمون وفوق هذا انصدمت انه بيصير لي تقييم من الوزاره مع انه باقي الأجنبي معي ونشتغل سوا والمشكله ان راتبي أعلى منه وهو حاقد علي عشان هالموضوع وقد قال لي!!
والحل ؟ هل أتكلم وأقول الحقيقه؟ أو أدافع عن نفسي ولاكيف ؟؟
تستطيع المشاركة هنا والرد على الموضوع ومشاركة رأيك عبر حسابك في الفيس بوك