السلام عليكم
اليوم وأنا راجع من صلاة الجمعة قابلت جاري وكان يرمم بيته وقالي تعال أدخل شف البيت بيشاورني ببعض الأمور .
المهم دخلت بيته وماشاء الله مشتغل على الحوش وزراعة ولكن صدمني بغرفة السواق والله ياجماعة أنها يمكن ماتجي متر ونص في مترين .! قلت له يابو راكان حوشك ماشاء الله وسيع ولو وسعت
غرفة السواق مترين وش بيضرك ؟ قال لا. أنت ماتعرف السواقين بيصير يجمع أخوياه .!! سبحان الله طيب أنت كفيله وأمنعه يدخل أحد عنده بالغرفة واذا شفت أحد أخصم من راتبة أما أنك تحط
غرفة كأنها سجن
أنفرادي ومايسكنها ولا دجاج فهذا لايرضى الله ولا رسوله . بعدها شفت وجهه تغير وكأن كلامي مأعجبه وتفارقنا .
يأخوان خافو الله بالخدم والسائقين والله أننا سنحاسب بيوم لاينفع فيه الندم .
تستطيع المشاركة هنا والرد على الموضوع ومشاركة رأيك عبر حسابك في الفيس بوك