زواجاتنا صارت سامجه بشكل مو طبيعي وفيها من الغباء الشيء الكثير

بداية من ذكر اسم وظيفة المعرس وتشييخ والده في بطاقة الدعوه لا وفيه

من يحطها في منشور في وسط القاعه ويكتبون زواج ابننا الملازم فلان الفلاني

طيب صورها وهو بالبدله احسن دامكم ذكرتوا رتبته ههههههههههههه

والشيء الآخر اللي هو زفة العريس بسياره مستأجره بـ 15 الف

هاذي لوحدها أنا ماني مقتنع فيها ابدا , لا والسواق اللي يسوق به لابس

مسدس بحزامه !!! شيء غريب صراحه

وبعدها تبدأ السماجه اللي بكل ماتعنيه كلمة سماجه اللي هو فقرات الحفل !!!!

عقبها يطلع المذيع اللي يعتبر أثقف واحد في القبيلة . مسكر القلاب ولابس نظارات

ثم يجلس يلقي كلمة تقول كأنك جالس بقاعة حفل لوزارة التعليم العالي

وبعد مايخلص من المقدمة مباشرة يقول اما الآن مع كلمة راعي الحفل

ههههههههههههههههههههههههههههههههههههههههههههههه

كلمة راعي الحفل كلها على بعضها ارحبوا ياضيفان مرحبا ومسهلا

عداد ماسرتوا الين ماجيتوا مرحبا مرحبا مرحبا

ثم يجي دور الشعراء اللي انا أعتبره الفقره السامجه رقم 1

15 شاعر يقلون قصايدهم !! اعتبر الشاعر اللي يطلع بالمناسبات

وجهه مغسول بمرق ولاعنده ذرة كرامه ولاحياء

والفقره الأخيره اللي اعتبرها انا جديده ولاني اعرف ماهو المقصد منها

اللي هي فقرة التكريم ههههههههه والله ياناس شيء عجيب صراحة

يطلع المذيع اللي لابس نظارات ثم يقول اما الآن مع فقرة تكريم الشعراء

التكريم عباره عن بشت ودرع تكلفتها كلها بعضها 75 ريال

عاد بعد العشاء يشغلون الشيله اللي في المعرس الملازم وابوه الشيخ

ثم يتنكسون عليها الشيبان والشباب بشكل من سذاجته ماتقدر تناظرهم

الشيء المضحك ان الحفل موثق والمضحك الاكثر انه ينزل في اليوتيوب

يعني الجيل اللي بيجي من بعدنا لو شافوا مناسبات اجدادهم في اليوتيوب

وش بيكون شعورهم ؟ هههههه