مع كثر العنوسة وبطالة الشباب والفتن ..
تروح تبي تخطب وحده وأنت موظف حكومي وجامعي ووسيم بعض الشيء ولا عليك سوابق والبنت توافق ويجي ابوها يقول لا ما نزوج إلا من قبيلتنا.. هو وده يزوجك بس خايف من قبيلته ياكلونه وصاروا يتحكمون بمصير بناته كأن القبيلة بتصرف على بنته لو جاه شيء من الدنيا..
تقول طيب تروح عند ربعك واقاربك تبي تتزوج تقب مشاكل بينكم كل واحد يبي يثبت نفسه ..ولا فيه لا خصوصية ولا احترام
تروح عند اطراف جماعتك يجلس يتشرط كأن بنته نازله علينا من السماء ..
يعني يا انك تكون على مزاجهم أو انك تجلس تحفر علشان تتزوج اللي بمزاجك مع العلم انك كونت نفسك وجلست تكد إلى أن تخرجت وتوظفت..
يا أخي استحوا على وجيهكم وارحموا بناتكم .. اتكلم عن ذا الجحلط ولا انتوا محشومين
وتجي عند شروط الزواج من الخارج تحس انك بتغير التركيبة الديموغرافيه
ياخي سن شروط إن اذا الولد تمام ولا عليه سوابق وله دخل وعمره مناسب واعزب والبنت موافقة خلاص يزوجها ابوها او يقدم للمحكمة اسباب واضحة
والله شيء غريب اللي يحصل عندنا
والله لو تروحون برى ان يشيلونكم من الارض وتبي جمال تحصله تبي دين تحصل تبي بساطة تحصل ومنها تداخل ثقافات
ياخي افتحوا لنا المجال وسهلوا الاجراءات وفكونا من الغثا اللي عايشين فيه بسبب تسلط بعض الاباء الله يسلط على العدو
الله يعين
تستطيع المشاركة هنا والرد على الموضوع ومشاركة رأيك عبر حسابك في الفيس بوك