السلام عليكم ورحمة الله
يوم
الخميس الضحى بَلَغَت امن الطرق عن مخالفه
ولكن محد رد علي معقول ؟ شفت تقريبا خمس تريلات قاطعين الخط صحراء هروبا من نقطة التفتيش ومحملين سكراب , اشتغل عندي الحس الامني وقلت لازم ابلغ عنهم وكان معي ولدي الصغير قلت فرصة اعلم الولد عن كيفيت البلاغ وتوصيف المخالفة والمكان , دقيت على امن الطرق سلام عليكم السلام فيه كذا كذا تريله مخالفة ....... قاطعني وقال في اي منطقة انت قلت انا في منطقة الرياض قال دقيقة بس وحولني على خط ثاني ودق ودق ودق الخط ولا فيه احد رد لين زهقتك وكنت فعلا مشغول يالله الحق , قفلت الجوال وقلت للولد شف وانا ابوك هذولا مخالفين عشان يهربون من نقطة التفتيش وبلغت عنهم
ولكن غريبة محد رد لكن لوعندي وقت عاودت الاتصال وراح يردون اكيد عندهم بلاغات كثيرة ومشغولين , ولسان حال الولد يقول ودي اصدق ودي بس قوية قوية .
تستطيع المشاركة هنا والرد على الموضوع ومشاركة رأيك عبر حسابك في الفيس بوك