هذي القصه تعتبر نكته...
ولكنها على وشك ان تكون حقيقه
عصر البيانات الهائلة ..
- ألو ، بيتزا هت🍕 ؟
• لا يا الحبيب معاك غوغل بيتزا.
- وشلون ؟ هل انا دقيت الرقم بالخطأ؟
• لا ، غوغل اشترت مطاعم بيتزا هت
- أهب عليكم ، ما خليتوا شي ، طيب أبي بيتزا.
• ولا يهمك ، هل تبي طلبك المعتاد؟
- وشلون تعرفون طلبي المعتاد؟ وانتم توكم شارين المطعم .
• حسب رقم جوالك ، آخر 15 مرة طلبت بيتزا دجاج سميكة مع أطراف محشية بالجبن👀
- خلاص جب لي نفسها.
• طيب ، وشرايك هالمرة تاخذ بيتزا خضار عجينة نحيفة بدون حشو اطرافها بالجبن ؟
- لا ، أنا ما أحب الخضار .
• لكن الكوليسترول عندك مرتفع كثير
- وش دراك ان ؟
• المستشفى اللي يراجع فحوصاتك رابط نظام الفحص مع غوغل ، ونعرف نتائجك خلال السبع السنين الماضية.
- وش ذا النشبه ، لا ما أبي بيتزا خضار ، أنا استخدم علاج للكوليسترول.
• لكنك ما تستخدم العلاج بانتظام ، قبل 4 شهور اشتريت علبة من صيدلية الدواء فيها ٣٠ حبة ومااشتريت بعدها.
- رحت صيدلية ثانية واشتريت منها.
• ما فيه عمليات شراء أدوية على بطاقتك الائتمانية خلال الثلاث شهور اللي مضت .
- الله يبلشكم ، دفعت كاش
• حسب بيانات البنك اللي تتعامل معه، آخر عملية سحب نقدي كانت ٣٠٠ريال قبل ٤ شهور
- طيب عندي كاش بالبيت من زمان ، ورحت صيدلية النهدي و اشتريت نقدي.
• لكن صيدلية النهدي تحفظ جميع مشتريات الزبائن برقم جوالاتهم ، وحسب رقمك ماراجعت الصيدلية من ٤ شهور .
- يا خوي انت وراك عله ؟ خلاص ماأبي بيتزا ؟ ولا غوغل ولا واتساب ولا ولا سناب ولا انستغرام ، ابهاجر ، واروح جزيرة ما فيها نت ولاجوالات ولا تلفون ولا أحد يتجسس علي .
• على راحتك ، لكن اذا تبي تسافر لازم تجدد جوازك لانه منتهي من شهرين💣
منقول
تستطيع المشاركة هنا والرد على الموضوع ومشاركة رأيك عبر حسابك في الفيس بوك