سددت فاتورة
التنفيذ يوم الخميس وارسلت لي وزارة العدل انه تم استلام المبلغ وايضا ظهر في حالة الفاتورة تم السداد
يوم الاحد راجعت
دائرة التنفيذ يوم جيتهم وقلت انا مسدد ارفعو عني قال الموظف ماسددت وماوصلنا شيء راجعنا بكره
يوم الاثنين جيتهم وكلمتهم وش صار ياخوان قالولي فيه مبلغ وصل زي ماذكرت لنا بس مانعرف من مسدد تعال بكره ونشوف
يوم الثلاثاء جيتهم وش صار ياخوان عرفتو من سدد قالو لا بس يظهر في موضوعك انه تم السداد بالكامل بس لازم نعرف اسم المحول تعال بكره
الاربعاء جيتهم وش صار ياخوان اكيد تيسرت قالو ايه تيسرت بس يوزر تسليم المبالغ فيه مشكله وراسلنا الدعم تعال بكره
جيتهم الخميس قالو معليش اليوزر الجديد ماوصلنا واغلب المبالغ اللي وصلتنا بدون اسماء تعال يوم الاحد واذا وصل نرفع عنك في ١٠ دقايق
للعلم رئيس
دائرة التنفيذ يرفض اي احد يتكلم معاه قطعيا
المشكله يقولون سدد الكترونيا ونرفع عنك خلال ٢٤ ساعه كله كلام في كلام والله لي ١٠ ايام
وكله هذي المشاكل بسبب كفاله حسبي الله ونعم الوكيل
تفعل خير تلاقي الشر
تستطيع المشاركة هنا والرد على الموضوع ومشاركة رأيك عبر حسابك في الفيس بوك