السلام عليكم ورحمة الله وبركاتة
الموت هين والبلا وش ورا المـوت
يوم الحسـاب يهـون سهـم المنايـا
باكر نمـوت وتصبـح قبورنـا بيوت
عقـب القصـور بضيقــات الـزوايـا
في جوف الارض وكل ماحولك سكوت
و تعاقبـن بالقبر عــوووج الحنـاااايـا
يارب يامنجـي نبيك مـن الحــــوت
سترك وعفوك يـوم كشـف الخفايـا
باكر ليا جينـا علـى داعـي الصــوت
شيبان و اطفـال وشبـاب و صبـايـا
ندعـى وحنا بين باكـي ومبهـوت
و رحنـا لهـا ننقـاد مثـل السبـايـا
يارب تهدينـي قبل لحظـة الفـوت
و تغفر ذنـوبـي ياكـريـم العـطـايا
اشكيك همٍّ داخل الصدر مكبوت
و ايامـي الـلـي بالخطايـا مـلايا
أن لاذ بك من كان طايـع ومبخـوت
فـي مـن يلـوذ المرتكب للخطايـا
يـارب ياقـادر علـى كـل طاغـوت
لا ياقـف اللـي وحـدوبـك خـزايا
رحماك لامنا صحينـا مـن المـوت
و إليـا وقفنا عنـد بـابـك عـرايـا
الشاعر متعب التركي
تستطيع المشاركة هنا والرد على الموضوع ومشاركة رأيك عبر حسابك في الفيس بوك