 منذ /02-14-2019, 08:25 PM
|
#1 |
| رقم العضوية : 249 | | تاريخ التسجيل : 4 - 4 - 2008 | | المشاركات : 216,906 | | الحكمة المفضلة : Belgium | | SMS : | |  رساله من عقاب بن صقر الى تميم بن حمد بعد فوز قطر في لعبة الكوره
القصيده للشاعر سعد بن جدلان رحمه الله.
الفوز ما هو فوز كـورة وبالـوت
ولا شعـر ولا مـزايـن قبـايـل
الفوز والله توبة تسبـق المـوت
قبل الوداع وقبل شـد الرحايـل
الروح مثل المال والموت ساحوت
والموت ما يفرق بقاصـر وطايـل
هذي نصيحة جد والعلـم مثبـوت
ولا خيـر فـي قـولٍ بليـا دلايـل
تغانم الأوقات والوقـت موقـوت
الوقت مثل الظـل والظـل مايـل
يالي تخطط لك مشاريـع وبيـوت
في طاعة المعبود كيف أنت قايل
نسيت بيت الآخرة وأنت مبهـوت
ما عاد تنفعـك الحيـل والتحايـل
مجاورٍ لك عالـمٍ لكـن سكـوت
في ساعة فيها تشوف الهوايل
النصح واجب قبل لا يفوتك الفـوت
النار يا مسكين تعمـل عمايـل
قلته وأنا مقصر لكن برفع الصوت
يالي تبون الفـوز والشـك زايـل
الفوز والله توبة تسبـق المـوت
قبل الوداع وقبـل شد الرحايل".
تستطيع المشاركة هنا والرد على الموضوع ومشاركة رأيك عبر حسابك في الفيس بوك
|
|
|  |