بنت تمر الضلوع وبيتها بيتها
ما غيرتها السنين وما تغيرت انا
يوم اكشفت عن مفاتنها وضميتها
قالت لي: الحب وش هو؟ قلت: بيت الهنا
يا ليت مالي خفوق ي وليتها
إلى نعس رمشها ما عاد تسرف بنا
يغار قميصها من لمس جاكيتها
لا هزت كتوفها كبر ودلع وانثنى
غصن من الشوق إذا مال وتماديتها
إن أقبل الله لنا .. وإن أدبر الله لنا
أغلى المزايين وأحلاهم شهر صيتها
فقيرة
الخصر .. والأرداف
طفرة غنا
قالت: يا زين المطر، قال: المطر جيتها
لين السحب حاصرتها من هناك وهنا
قلت لسنا الشمس علمني لا مريتها
أبغي أشوف السنا لا منه عانق سنا
خلتني البارحة ، وأنا ما خليتها
غنيت لحن المفارق والهجر والعنا
للحين وأنا خفوقي بيتها بيتها
ما غيرتها السنين وما تغيرت انا
تستطيع المشاركة هنا والرد على الموضوع ومشاركة رأيك عبر حسابك في الفيس بوك