السلام عليكم ورحمة الله وبركاتة .
سأروي هذه القصة التى كنت شاهدا على أحداثها من زمن بعيد .
قبل 25 سنة ببدايات زواجي كنت عازم أثنين من أعدلاي على الغدا . وبعد الغدا جلسنا نتصفح الجرائد ولفت نظري أعلان وكان صاحب الأعلان أذأ أحد يذكره ( مكتب المسعري) المهم في الأعلان صفحة كاملة ومكتوب( فرصة العمر المتر بربع ريال) فقلت لأعدلاي وش رايكم نأجل معارض السيارات لبكرا ونروح نشوف المزاد . (لأن واحد منهم كان بيشتري سيارة وكنا ناوين نمشي للمعارض) .
قال الى بيشتري سيارة توكلنا على الله نخلي المعارض بكرا .
رحنا للعمارية ووصلنا متأخرين شوي بعد صلاة العصر . وكانت المخططات الى بسعر ربع ريال بيعت بالكامل على أصحاب مكاتب عقارية وكانو باسطين المخططات على الوانيتات ويبيعون بنص ريال . ( يعني الضعف) .
جاء عديلي الى كان بيشتري السيارة وراح لواحد من أصحاب المكاتب وطلع ( 10.000) ريال وأشترى بلك 20.000 متر . وقالي وش رايك أبو عادل أسلفك 10.000 ريال وتشتري بجمبي . قلت وأنا مهبول أشتري هنا .!
المهم قال لصاحب المكتب أبشوف الأرض قال له مافيه شوف أنت ونصيبك أختار البلك الى تبغى وترى يمكن يصير جبل ويمكن تصير مستويه . وأختار البلك . وكان حول المغرب ولا أمدانا نشوف مكانه .
المهم بعدها بفترة كلمته وقلت بشر وش صار على البلك . قال أبشرك ألارض صارت مستويه وعلى مأحب بس بعيدة شوي .
الشاهد من الكلام أن الرجال قسمها بذيك الأيام 4 قطع .وباع 3 قطع بعدها بكم سنة بمكسب كبير .وترك 5000 متر له ولعياله كأستراحة . والأن تنسام منه الـ 5000 متر بأربع ملايين ورافض يبيع .
من منكم مرت عليه زي هالفرص وضيعها مثلي .؟
تستطيع المشاركة هنا والرد على الموضوع ومشاركة رأيك عبر حسابك في الفيس بوك