السلام عليكم ورحمة الله وبركاته

بعد ماضاقت بس السبل مع مصرف الراجحي ومراسلة الادارة وكل رد يجيني مدير الفرع لديه استثنائات الخ
واروح لكذا فرع ينكرون هالكلام واوريهم الايميلات وردود الادارة وعقب مارفعت شكوى وتم الرد نعتذر لك عن التمويل لالتزاماتك العاليه
ولا يوجد تمويل اضافي الخ
وكل بنك اكلمه يبغاله شغله طويله عريضه جب خطاب عدم ممانعه وكشف ومدري وش وكل ماسئلت شخص قالي بتاخذ لها وقت على بال ماتخلص ويمكن يسدددون لك المديونيه ويقولون لك اجلس فترة بعدين نمولك مبلغ

الحاصل جلست اقرا عن شركات التمويل وحصلت لي شركة تمول المبلغ اللي ابيه
كلمت رقمهم رد واحد يماني قالي بس تعال لنا وجيب صورة بطاقتك وتعريف بيكون مختوم الكتروني اكيد بس نبي ختم ثاني عليه اي ختم
وجيب كشف حساب ثلاثة شهور ونعطيك المبلغ اللي تبيه كم سنه تبي قلت قسط ميسر يعني قالي خمس سنوات كويس قلت ايه
قالي 1697 ريال شهريا على خمس سنوات

قلت نظامكم وش شيكات ولا كمبيالات ولا ايش بالضبط

قالي ولا شي توقع عقد واستقطاع فقط

فما ادري يا اخوان انا محتار فيهم ياليت تفيدوني باللي عندكم الله يبارك فيكم

الموضوع الأصلي: حصلت شركة تمويل ابي رايكم وشوركم فيها الله يوفقكم || الكاتب: لميسـ || المصدر: منتديات

المصدر: منتديات شمس الحب - من قسم: سلة المحذوفات والمواضيع المكررة