حجزت قبل خمسة ايّام تقريباً على تركيا تذكرتين على الخطوط السعودية والسفر يوم الثلاثاء القادم وجاني ظرف ولا أستطيع اسافر واتصلت عليهم ورد علي اخ من الجنسية المصرية وقال ناخذ على كل تذكرة 1100 تقريباً المصيبة ان قيمة التذكرتين 2816 ويبغى يأخذ 2200 ويرجع لي 600 ريال طبعاً عند قيامي بالحجز عن طريق التطبيق طالع لي باللون الأخضر عبارة ( تذكرة مسترجعة )
وقلت له ليش المبلغ هذا اللي اعرفه ان فيه خصم بس في حدود 10٪ الى 30٪ ما يتعدى قال هذا نظام الشركة الناقلة يقصد الخطوط السعودية
ودخلت على نظامهم ومافيه الكلام اللي قاله
قلت لا تلغي الحجز وانا اروح والا اتصل على الخطوط
واتصلت على رقمهم بس طلع المكتب مقفل
الحين وش الديرة يا أصاحب الخبرة مع هؤلاء العصابة والنصابين المجتمعين في
تطبيق المسافر لا بارك الله فيهم ولا في تطبيقهم .
تستطيع المشاركة هنا والرد على الموضوع ومشاركة رأيك عبر حسابك في الفيس بوك