السلام عليكم يا اخواني
بختصار
قررت لأرضا زوجتي تغيير اثاث البيت ، استعداد للعيد من الأن ( ان شاء الله ) ، كذلك الاستفاده من سراب بعض العروض والتخفيضات اللي الله اعلم بحقيقتها .
الحاصل بعض المحلات مثل الموكيتات والكنب والستاير والاثاث بشكل عام في المحلات العاديه ولا اقصد بذلك المحلات اللتي تحمل اسماء رنانه وهي في الاصل منتجاتها وطنيه يعني نفس محلات ابوكلب العاديه .
الحاصل مالكم في الطويله هذي المحلات سبق ورفعت اسعارها ووضعت في الحسبان
القيمه المضافه وتجاوز سعرها بالمكسب وزياده وهنا يجي مجال الغش الخبيث بعد ما يخلص العامل من الحسابات يجيك يضرب في 5٪ ويناظر ردت فعلك هل تقبل او تعترض على ذلك بحجة ان السعر متجاوز المعقول ، وان رضيت بذلك يكون قد احرز مكسب زايد غير مشروع ولكن في نظره ان هذي تجاره وعادي
اقسم بالله اني اثثت المنزل بدون حساب
القيمه المضافه بموافقة البايع طبعاً لأني عارف انه سبق وضعها بالحساب بزيادة الارباح
والبعض يحاول يقنعك يقول ( مو معقول تبيني ادفعها من جيبي ) اقناع قوي وبعض اللي مريت عليهم من شلت ابو يمن ، عشان يقنعك اكثر يقول ( هذي اصلا تروح لدوله ما تروح لجيبي ) يعني انه ينورك بمعلومه جديده واذا جيت تروح يتصل عليك مثل اللي يصير معي
الحين بيطلع لي واحد من الاعضاء يسوي المحقق كونن
( كيف يتصل عليك ) لأنهم يا حبيبي يجون يكتبون الفاتوره ويسجلون رقمك عشان التوصيل مثلاً وبعد ما يسجل الارقام والسعر المتفق عليه بعدها يجي اختبار الزبون في
القيمه المضافه ( يقبل او يرفض )
والله العظيم ان فيه محل زعل علي باكستاني راعي مفروشات ونفس علي يوم شفته يكتب فاتوره لعائله شكلها متواضع ويوم حسب
القيمه المضافه شفت السعودي متقبل الامر على مراره فذكرت الباكستاني بالله وقلت عليك ان تبيع بذمه وأمانه وان تعامل الجميع سواسيه وليس بختلاف عقلياتهم واجناسهم منهم اذكي ومنهم الضعيف ومنهم اذكر ومنهم الانثى ومنهم المسلم بالامر الواقع ، ورد عليه رد وكلام كثير ويقول انا ماني حرامي ...الخ خلاصة الكلام قلت اجعل سياستك مع المسلمين واحده بصدق وامانه واترك شغل النصب وحد اسعارك بما يرضي الله .
لأني لاحظت ان اكثر اضرر واللعب في الاسعار ينال من الفقراء ولا يصيب الناس العاديه الذين يملكون التفكير والفراسه .
اتمنى ان يكون استفدتو من كلامي
واقسم بالله اني صادق .
بعدين اذا ما اعجبك الأسعار وحسيت فيها تلاعب ترى بدل المحل فيه مليون محل .
وسلامتكم ... محبكم ابو امل السعودي العنصري لسعوديين ولوطنه .
تستطيع المشاركة هنا والرد على الموضوع ومشاركة رأيك عبر حسابك في الفيس بوك