يلعنـك يـوم ٍ فيـه حـنـا التقيـنـا
ويلعنك حـب ٍ يسقـي المـر راعيـه
ويلعنـك حـظ ٍ سـاد ظلمـه علينـا
ويالعنبـو الفـراق لاابـو طـواريـه
معقـول فـي لحظـه انهـدم مابنينـا
وانهد صـرح ٍ شامـخ سنيـن نبنيـه
ولاعـاد بـه حـل ٍ تطولـه يديـنـا
لا فـي يـدي حيلـه ولا فـي اياديـه
ضاقت من الاحساء الـى حـد سينـا
عياء زمانـي لا يجـي مثـل ماابيـه
وحل الفـراق مـن دون ذنـب جنينـا
وحبـي وحبـه حـان للوقـت ينهيـه
ليت الزمان يحـس .. ويحـس فينـا
ويذوق بالفرقـاء وش اللـي نعانيـه
أي والله إنــا بالمـفـارق بكـيـنـا
وببكي وببكـي وكـل لحظـه اببكيـه
وراحت .. وانا والموت .. والله استوينا
وعقبه حلفت الحزن .. والله .. لااخاويه
ودمـع ٍ ملكتـه مـن قديـم السنينـا
لاازريه لين يجـف وارويـه وازريـه
ولك يازمن .. وعد اطربـك بالونينـا
وشوقك لتعذيب البشر .. عهد لاارويـه
بس لي طلـب واحـد وسجلـه دينـا
شخص ٍ هويته ارجووك ماجاه يكفيـه
ومراكب احزانـك لهـا الصـدر مينـا
ونزل بضاعـات الالـم فـي موانيـه
ولاني براجـي منـك عطـف ٍ ولينـا
هـذا انـا ... وسـو بـي ماتسويـه
تستطيع المشاركة هنا والرد على الموضوع ومشاركة رأيك عبر حسابك في الفيس بوك