من ما اراه والمسه في هذا المنتدى وغيره من المنتديات كثرة الصراخ والعويل
من تعاملات السوق االقاسية على المتداولين مما يؤثر على نفسيات وصحة المتعاملين مع السوق .
السوق السعودي يحتاج الكثير من التنظيمات والنضج والوعي للمتداولين والمتعاملين والمنظمين ونستبشر خير بمقدم الرئيس الجديد
لذا اخواني اخواتي الكرام :
اذا لم يكن لديك نفس طويل اومعرفة بالتحليل او بالتبؤ باتجاهات السوق
فيجب عليك ان تعترف بنواحي القصور لديك وتقول رحم الله امرؤا عرف قدر نفسه وتتخذ القرار الشجاع وتترك السوق
ولايضحكون عليك كل يوم السوق الى ما ادري وين
الحق على السهم الفلاني سهم التدبيلة سهم الثروة نجم السوق
النجومية الصحيحة انك تعرف متى تخرج
اذا جهز الكاش بيع واطلع
اذا ماتعرف تمشي امورك في السوق ولاتحرق كل اموالك وتجلس تضرب اخماس في اخماس
وعلى قولة محمد عبده
(( اضرب بكف لكف واشكي من البين )
تعال مو تنحاش اذا طلعت من السوق
لا عندي لك مشورة
ممكن تكون افضل قراراتك
وتدرون ماهو اللي افضل من السوق
شئ اخر قديم يمكن نسيتوه
تدرون ايش هو:
فتح محل
( ياه ياقدمك يالازدي ذكرتانا بايام دكان جدي )
( هههه هههه تنكت يالازدي اجل هذه مشورتك افتح محل من صدقك انت)
(شف وش يقول هذا ههههههه افتح محل قال اترك الملايين والتدبيلات )
ايه نعم هذا هو الحل
لو ماتستفيد من المحل الا انه في كل صباح
تشوف محلك وتقول يافتاح ياعليم يارزاق ياكريم يالله على بابك وتطلب الرزق من الله
مو مثل ماتسوي في الاسهم
(ياشباب وش فيه سهم نطقطق فيه)
(ياشباب اخوكم كاش وش الدبرة)
(ياشباب ابطلع من سهم ...... وش تبغوني ادخل فيه بسرعة )
اعتمادك هنا على غير الله وفي المحل اعتمادك على الله
وهذه يمكن اول فائدة
بضاعتك تشوفها فلوسك تمسكها بايدك
ولكن في الاسهم لافلوس ولابضاعة
كلها ارقام وبالسالب.
في هذا السوق تقدر تتوسع بمشيئة الله مو تتقلص باستمرار وتضمحل في الاسهم
هذا السوق بيقدم اكبر خدمة للبلد ولمواطنيه تجارة حقيقية ومحلات ومؤسسات وشركات تنمو وتزدهر وتنافس محليا واقليميا ومدوليا مو مثل الاسهم شركات بعضها كرتونية
والشئ الاخر الي يفيد الوطن
انك يالمواطن بتمسك تجارة هجرها السعوديين ومسكها الاجانب والوافدين
هذا الكلام تفكير بصوت مرتفع
وهو يهم فئة معينة وليست الكل
قد ينفع البعض
اللي مو قادر يستمر في سوق الاسهم
تنقصه الخبرة والمعرفة وسرعة اتخاذ القرار
ومتى يدخل بسهم ومتى يطلع
ناس تخسر باستمرار ولاتعرف كيف تتصرف
لايفهم في المضاربة ولا الاستثمار
يتنقل من سهم لسهم بشكل خاطئ
النصيحة لهم بجمل
اخي يمكن لست محلل في سوق الاسهم لكن اخوكم خبير في سوق المحلات
ونصيحتي اذا حبيت تطلع من هذا السوق فعندي لك النصيحة الى اين تتجه
واللي يتحكم في سيرك واتجاهك
قريشاتك وهمتك العالية وصبرك:
اليك مخطط سريع وممكن تقيس عليه:
الفئة الاولى :
اذا قريشاتك على قد حالها اقل من 25000 ريال افتح هذه المحلات الصغيرة لعدم وجود بضاعة ولامصاريف كثيرة :
بوفيه - خياط نسائي - كهربائي سيارات.
الفئة الثانية :
اذا قريشاتك اكثر شوي اقل من 45000 ريال افتح هذه المحلات المتوسطة لعدم وجود بضاعة كبيرة والمصاريف ليست كثيرة :
اذا قريشاتك اكثر شوي اقل من 80000 ريال افتح هذه المحلات نوعا ما اكبر لعدم وجود مصاريف كثيرة :
ورش منجرة - أو حدادة - أو المنيوم - أو زجاج - ورشة ميكانيكا وكهرباء سيارات - ورشة سمكرة وبوية سيارات
وزاحم السوق والرزق مع تزاحم الاقدام
واللي ماعنده فكرة عن اي شئ
يراسلني على الخاص وبيعين خير
صحيح لست محلل
في سوق الخرابيط
سوق الهم والغم والفلس والسرقة المنظمة وحرق الاموال
سوق لاترى فيه شئ بل احلام عصافير وكوابيس موجعة
لكن خبير
في السوق الحقيقي
سوق الغنى والقناعة والشفافية والرزق والاتكال على الله
سوق ترى فيه بضاعتك ومالك سوق واقعي
والرزق باذن الله وتوفيقه سيكون حليفك
وسامحونا ولاتنسونا من صالح دعائكم
:hawamer3812:hawamer3812:hawamer3812:hawamer3812:hawamer3812 :hawamer3812:hawam er3812
المواضيع المتشابهه 
لمن اراد ان يصون امواله وينهي خسائره 
العرض الشجري
