بقايا عشق

هو سويلم بن علي بن ناصر المنجلي السهلي رحمه الله.. وهو مشهور بـ ( سويلم العلي ) يقول سويلم :

انــا مـــن آلاد العقـيـلـي منـجـلـيمن السهـول اللـي تحـل انشابهـا

الجد ناصر والا أبوي اسمه عليالـرابـعــة لاضـيـعـوهــا جـابــهــا

أموج دلوي في القليب مع الدلـيوجيبهـا مـثـل الـرجـال ومــا بـهـا

ولد رحمه الله في بادية منطقة القصيم الشمالية وذلك عام 1334هـ ... عاش حياة بدوية صرفة.. ونظم الشعر وهو في سن مبكرة وذلك في الخامسة عشرة من عمره.. إنه شاعر بسيط كبساطة الحياة التي عاشها رحمه الله حيث كان يقول بنفس السهولة وعلى ماكان عليه من أصالة وعراقة.. طرق جميع جوانب الشعر وبحوره وأبدع وأجاد فيها ويعتبر من فحول الشعراء ومبدعيهم.. ساجل عدداً من فطاحل شعراء هذه الساحة ورغم هذا كله إلا أن شاعرنا ظل بعيداً عن الأضواء .

برع في نظم الشعر العامي خلال قصائده من غزل وهجاء ووصف ومديح. فيما اشتهر ملفه الشعري على الكثير من قصائد «التوجد» وبرزت نجوميته في تنظيمها حتى أصبح ذلك الشعر لوناً خاصاً يرى فيه القارئ والمستمع والمتذوق والمتابع معاً صدق مشاعر وأحاسيس هذا الشاعر . وهذة بعض من قصائدة المشهورة .

قصيدة سويلم العلي رحمه الله المعروفة ( الخلوج ) :

عـديــت لـــولاح رفـيــع الـحـجـايـافي راس ملموم القرى قمت احني

كنـي خلـوجٍ يــوم صـفـق الرعـايـاتـحــن بالـمـفـلـى لــمــا روحــنــي

علـى ولدهـا كيـف ســوت سـوايـاطــبــايــعٍ مـاضـنــتــي يـعـمـلــنــي

ساجـت وراجـت مالقـت لـه حلايـاوخرشـت ونشـت والقوايـم جثـنـي

وتصـن مثـل اللـي وصــى وصـايـاتـبــي لـعــل سمـوعـهـا يسمـعـنـي

داجــت وشـافـت بالنـواظـر هفـايـاحـوايــم عــلــى مــداســه هـفـنــي

جتهـن وشافـت بـس نثـر الحـوايـاجلـده ومـدراج الحـمـر يــوم ثـنـي

شمت وعرفت من لحـوم الشوايـاتاقـت بطيحـه والضلـوع اعولـنـي

الـدود مـن بيـن الضـلـوع الحنـايـاقـطـع عـلايـق قلـبـهـا واسـرمـنـي

وجـرحـي غمـيـق مثلـهـا بالتهـايـاعـديـت والمجـمـول عــدوه عـنــي

لــوا طـعـونـي بالضـمـايـر هـوايــامـحـذا عـيـون بالحـشـى يفرغـنـي

ياما عليك اشرفت حـوض المنايـاولاانـت غافـل تقـل ماسلـت عـنـي

طاوعت بي هرج القفـى والحكايـاوتطريـد هـرج النـاس كثـره يعنـي

لواهنـي مــن مــز هــاك الشفـايـامــن ذبــلٍ كـــن الـعـسـل بينـهـنـي

لا صــدرت منـهـا حيـامـي روايـــامن البيض غيره جعلهـن ييبسنـي

هـو لـي نحيـه والعـرب لـه نحـايـاودون نحـايـا الـقـلـب مايرجـهـنـي

ولانـي بحـال اللـي جــداه الـزرايـاحباله عن اللـي يشتهـي يقصرنـي

قصيدة غزلية جميلة جداً لسويلم العلي رحمه الله :

قال الذي في بـدع الامثـال مـا تـاهينقـى غرايبهـا عـلـى كـيـف بـالـه

في راس رجمٍ يطوح عسر مرقـاهراعي الهوا المعتـاد قبـل يعنـا لـه

من ضيقةٍ بالصدر يوم انـي ارقـاهغزيـر دمـع العـيـن لـجـت محـالـه

باسبـاب غطـروفٍ رهــافٍ ثنـايـاهغضٍ غضيض وطاغيٍ في جماله

طـرد الهـوا مـا فيـه منقـود نـدراهمن دور بشر ليا عزيـز بـن خالـه

بشـرٍ مـن الزهـاد وادنــت منـايـاهعزيـز ذاق المـوت باسبـاب خالـه

ولا ليـم قبلـي نمـر عـدت سـوايـاهوابــن ربيـعـة يــوم تـذكـر فـعـالـه

ومحمد القاضي ومحسن وشرواهومجنـون ليلـى يـوم صلـع هبـالـه

باسـبـاب كـفـه زهــا نـقـش حـنــاهوالــخــد بــــراقٍ ســــدادٍ خـيـالــه

أنـا لـك الله بالهـوا ذقـت مــا جــاهباسبابهـا قلبـي غثـا البيـن شـالـه

يــا جــذ قلـبـي جـــذ دلـــوٍ لـمــدلاهغـربٍ ثقيـلٍ يــوم تنـهـض رحـالـه

عـلـى زعــاعٍ يــوم تــارد وتـمـلاهوتقفي تموح ويلطـم الغـرب جالـه

توهـفـه شـنـذور حـيــفٍ بـمـطـواهبـت الرشـى والغـرب عـود لحالـه

ورقـى رشـاه وغربهـا عـود لمـاهفـــذ الـسـريـح وجـذتــه بـانـتـلالـه

على وليـفٍ مـا هقيـت انـي انسـاهولا هـقـيـت الـقـلـب يـقـبـل بـدالــه

ولا هقيـت القـلـب يـطـرب بـلامـاهرغــمٍ طــواه الـيــاس واعـزتـالـه

وجدي عليها وجد من يبست شفاهبــلال ثـيـه مـــارده حـضــو بـالــه

تاه الطريق وحروة الجـو مـا جـاهعـزاه مـا حولـه صديـقٍ صخـا لـه

تـالــي كـلامــه قـولـتـه واحـــلالاهيـا ويـل مـن فـارق عيالـه ومـالـه

مـــا كـامــل الـشـهـادة الامــــر للهيمـنـاه بالصـفـقـة تـعـلـت شـمـالـه

على وليـفٍ صـار للنفـس مشهـاههـو شـف بالـي قبـل تعسـر حبالـه

ان كان هو مثلي فـلا والله انسـاهلـو طالـت ايـام الدهـر مــع ليـالـه

وان كان هـو مقفـي فلانيـب ويـاهالمقفـي آقـف عـنـه مـانـي بحـالـه

واطلق رشا من صـد عنّـي بيمنـاهلا خـبّـث المـشـروب حــي حـبـالـه

هـذا كــلام الـلـي بالامـثـال مـاتـاهينقـى غرايبهـا عـلـى كـيـف بـالـه

وقصيدة سويلم رحمه الله الشهيرة اللي منها البيت الشهير :

علمي بهم بالصيف واليوم بالصيفهــذا شـهـرنـا الـعــام يالله اتـكـافـي

وأنا نقلتها من مقال للأعلامي والراوي المعروف : أبراهيم اليوسف بجريدة الجزيرة تاريخ : الجمعة 11 ,ذو الحجة 1420هـ العدد : 10032

قـفـن بـنـا شـيـب الـغـوارب مـزالـيـفعــن دار مـجـلـي الـثـمـان الـرهـافـي

قـفــوا علـيـهـن يلـعـبـون الغـطـاريـفوانــا اتعـجـب كــن مــا بــي اخـلافــي

وانـــا خـلافــي لاجـــي بالـسـراجـيـفبـاسـبـاب مـجـمـول تـخـلـف اخـلافــي

يامازمـا مــن دونـهـم مــن حجـاريـفبيـداء صحاصحيـح شـعـاف ومهـافـي

بيـنـي وبيـنـه يـهـرف الـذيـب ويـقـيـفويزعج ثلاث اصـوات عقـب الهرافـي

مــن البـعـد بـذنـه سـهـال هـفـا هـيـفحيفـانـة منـهـا اصـبـح الـذيـب حـافــي

علمي بهم بالصيـف واليـوم بالصيـفهـــذا شـهـرنــا الــعــام يالله اتـكـافــي

يالله اتكـافـي شـيـن فـرقـا المـوالـيـفايـضـا دخيـلـك عــن اسـلـوم متعـافـي

متعـافـي مــا ذكــر خــوف ولا خـيــفدبـــوج مـمــا تـنـقـل الـكــرش وافـــي

دبـوج كنـه ثـور هــور عـلـى السـيـفهـبـره كثـيـر وجـوهـر العـقـل طـافــي

يبـي الهـوى لاشـك مـا فيـه تصـريـفبـاب الهـوى مــن دون هــن متجـافـي

مغـلـق مـجـراه مـــا هـــوب تـطـريـفلاشـــك ذا مـــا هـــوب يـنـفـاه نــافــي

خيـل يحسـب الولـف خـرط وسواليـفوتلحـلـح مـــا بـيــن سـمــر الـغـدافـي

هو مادرى انه يشعف القلـب تشعيـفتشعـيـف خـيـل الـقـوم حــم الشعـافـي

مــــا ولـعـنــه نـاقـضــات الاطــاريــفنجـل العـيـون مـقـر مــزات الاشـافـي

استفهـمـن يـــا لابـســات المشـانـيـفقـولــن تـوذلــف واعــطــاه الــذلافــي

قـولــن تـقـلـع لعنـبـوهـا الغـضـاريـفلا تـسـتـحـن يـانـاضـمـات الـرعــافــي

ترى الحيا من جنـس حـر المشاريـفصـيـده سـمـان ولا يصـيـده الضعـافـي

هـذاك ابـا قنـي لـه ولا بــي تحاسـيـفيسـتـاهـل الـجــود شـجــاع اسـنـافــي

عــديــت لـــــولاح تــعـــلا مـيـاهـيــفشوحـات عسـرات المـراقـي اطفـافـي

مدهـال طفقـات الـشـروق المحـاذيـفولـهــن بلـطـفـات الـمــذاري مـرافــي

ودليت اشيل الصوت في عالي القيـفوالـقـيـل يـرجــس بـالـفــواد مـتـلافــي

واهــل دمــع مــن نظـيـري ذواريـــفتالـيـه غـثــرب واول الـدمــع صـافــي

واقول : ويلاه ياخلي عديم التواصيفعـلـيـه جـرحــي مـــا يـرافـيـه رافـــي

وحولت من راس النبا العالـي معيـفولا شفت فـي راس المهايـف عوافـي

هــذا كـلامــي حـيــن قـفــن زوالـيــفعــن دار مـجـلـي الـثـمـان الـرهـافـي

وقد سجلها بصوته بالاذاعة السعودية برنامج من البادية عام 1385هـ ثم اعيد تسجيلها في عام 1395هـ ثم طبعت في كتابه ( ديوان سويلم السهلي ) تأليف سعود سعد محمد القريني عام 1400هـ .

أخيراً أتركم مع هذة القصيدة التي يذكر الراوي محمد الشرهان أن سويلم رحمه الله أرسلها لأحد اصدقائة

وكان هذا الصديق ورث ثروه عن أبيه فـ أجتمع عندة الطامعين فأخذ يبذر ماعندة عليهم حتى لم يبقى عندة شيء . فـ كتب سويلم هذة القصيدة وأرسلها لة .

ويبدء القصيده في وصف الأبل . وسويلم العلي السهلي رحمه الله من أفضل الشعراء الذين وصفوا الأبل . أتركم مع القصيدة :

ياهـل النضـا يامعتليـن علـى أكــوارعـراض الفقايـر ليـنـات المحاصـيـر

قطم الفخـوذ متونهـن سحـم الأوبـاردغم الخشـوم عيونهـا شعلـت الكيـر

فـج المرافـق ماتجـي حــول الأزوارمشطـرٍ كوعـه عـن الــزور تشطـيـر

خضـع أرقـاب بشوبـة القـيـظ عـبـاراحـراب الأذانـي مـردفـات المناعـيـر

عسالـكـم مــع نـيـة الخـيـر مـصـدارعوجوا ليا أرقاب النضا يامال الخير

ريضوا وريّضوا النضـا وأقـم مقـدارساعـه لمـا أكتـب حاجتـي يامناعيـر

فـإلـى كتـبـت بجـيـرة الله والأســرارفـأوموا عليهن فـي حنايـا البواسيـر

وخـلـوا ركايبـكـم مــع الـــدو عـبــاربالقيظ ممشاهن مع الفجـر وعصيـر

فـإلـى لفيـتـوا مـحـرق الـبـن بالـنـارقــرمٍ يـحـط الهـيـل وســط المباهـيـر

يفـرح إلـى منـه نصـا البـيـت خـطـاروعنـد الـلـوازم مايـهـاب المخاسـيـر

ردوا سـلامـي عــد هـتـاف الأمـطـارأوعــد بالأصـيـاف عــج المعـاصـيـر

وقولـوا يـقـول يـبـدل الــدار فــي دارولايعتبـر وش حالهـا حـومـة الطـيـر

يغيـر هـوا بالـريـش ويـديـر الأفـكـاروالــرزق بالأسـبـاب كـلــش بتـدبـيـر

ولاينتقـض حبـل الكـدر كـود بـشـرارولاتـنـحـذي حـــذوه بـلـيـا مـسـامـيـر

ويفطن لأصابـع كفـه طـوال وقصـارماهن سوى لو كلهـن بهـن أضافيـر

مثـل اللحـا تنبـت علـى كـل الأبـشـارلاشــك تنفـيـل اللـحـا مجـنـب الـغـيـر

ياذيب خذ من عـارفٍ عـاف ماصـارشافـه وقـام يصـخـر القـيـل تصخـيـر

يقول في تالـي الدهـر شفـت الأنكـارمـجـالــسٍ لــســو تـنـقــل مـزامــيــر

أول بـداة الـجـار شــرٍ عـلـى الـجـاروعلى القريب يصور الكـذب تصويـر

والثانـيـه ماشـوفـلـه للـصـخـا كـــارلا قــــل مــالــه جـنـبــوه الـمـسـايــر

لوكان بالماضي علـى الوقـت صبـاريصبر ولو ضكـت ضـلاف المواخيـر

إلـى أزلفـت دنيـاه خلـي علـى الــداروتنسـى فعولـه يـوم تقليـب هالخـيـر

غـديـت كـنـي راعــي الـغـار والـنـارهـــذا زمـــانٍ فـــررٍ الـعـقـل تـفـريـر

معذرة على الأطالة ...

وسلامتكم ...

شمس الحب

تستطيع المشاركة هنا والرد على الموضوع ومشاركة رأيك عبر حسابك في الفيس بوك

---

s,dgl hgugd