طبعاً هذه البطاقة تربطها بحسابك الجاري من خلال الدخول على حسابك ( اونلاين ) بموقع البنك ، وتحول المبلغ الي يكفيك من حسابك العادي او الجاري إلى الفيزا ، وتشتري وتحجز فيها الي تبي
-------------------------
:: تحديد الدول او المدن ::
بعد ماتحدد وجهتك ومسار رحلتك
نجي لـ حجوزات الطيران والبحث عن افضل الاسعار
استخدم موقع skyscanner او غيره من المواقع الي تبحث لك عن اقل سعر طيران للدولة الي تبيها
1- حدد عملة الاسعار من الايقونة اعلى الموقع ( الريال السعودي )
2- حدد مدينة المغادرة والوصول
3- حدد التواريخ وعدد المسافرين ونوع التذاكر الارخص دائماً ( اقتصادي Economy )
4- بعد ماتظهر لك نتائج البحث وأقل الاسعار ( ركز في سالفة الترانزيت او التوقف ) راح يكتبون لك كم مرة Stop ومدة الـ Stop وفيه رحلات ect بدون توقف
اختر الي يناسبك منها
5- ادخل موقع الخطوط الي وجدتها الافضل وناسبك سعرها وابحث بنفس التواريخ واحجز مقعدك والدفع من خلال ( الفيزا او الماستر مارد او فيزا مسبق دفع )
6- اطبع حجزك واهم شيء رقم الحجز يكون عندك
كذا تكون تذكرتك الطيران معك
--------------------------
:: الفنادق ::
لا يخفى على الجميع الموقع المفضل لدى الاغلبية : Booking
1- اختر اللغة العربية او الانجليزية
2- حدد المدن والتواريخ وعدد الاشخاص
3- صنف البحث على حسب الاسعار الي تبي تبحث عنها من القائمة على جنب ( مثلا من 250 ريال الى 450 ريال ) لليلة الواحدة وهكذا ....
4- بعد ماتظهر لك نتائج البحث
( الافضل شف الي عندهم الالغاء مجاني والدفع لاحقاً ، وركز على موقع ومكان الفندق داخل المدينة واستخدم خرائط قوقل لمعرفة المكان او المسافات )
وكمل اجراءات حجز الفندق بتعبئة البيانات وادخال رقم بطاقة الفيزا ، طبعاً اذا اخترت الدفع لاحقاً ماراح يسحبون شيء من الفيزا راح يكون فقط Booking على المبلغ والدفع هناك اذا وصلت
اطبع الحجز راح يوصلك على الايميل
----------------------------
:: المواصلات وطرق التنقل بالسفر ::
المواصلات حسب الي تفضله :
1- استئجار السيارة :
احجزها من هنا قبل السفر ( وهذا الي أفضله شخصياً ) تكون الاسعار أقـل
من موقع sixt او europcar او budget او غيرها من مواقع تأجير السيارات المعروفة
حدد مكان استلام السيارة نوع السيارة والتأمين والفئة ....الخ
باقي عليك تبحث على راحتك في قوقل عن الاماكن السياحية والطبيعة والتسوق في كل مدينة تبي تزوها
هات ورقة وقلم او افتح الملاحظات في الجوال 1- سجل اسماء الاماكن السياحية في كل مدينة
2- سجل اماكنها واذا وجدت احداثياتها ممتاز تسجلها معها
3- نظم جدولك واكتب عدد الايام وسجل كل يوم وش الاماكن الي تبي تزوها
------------------------------
اذا كانت الدولة الي تبي تسافر لها تتطلب منك استخراج فيزا للدخول
لابد التقديم على الفيزا قبل السفر بشهر ( لكي تتجنب التأخير )
مثلاً الان بعض دول اوروبا مثل ألمانيا وبريطانيا وايطاليا وفرنسا
سوو مركز رسمي تابع لهم اسمه ( مركز التأشيرات الموحد ) في : الرياض وجدة والخبر وغيرها
وظيفة هذا المركز يستقبل منكم مستنداتكم واوراقكم ويشيك علهيا وتبصمون عندهم ، ويرسلها للسفارة علشان استخراج الفيزا
خلال اسبوعين توصلك الفيزا بإذن الله
----------------------------
وهذي تجربتي مع استخراج فيزا الشنغن من قسم السفارة الالمانية في مركز التأشيرات الموحد
1- طباعة ورقة الموعد
2- تعبئة النماذج الاربعة الموجودة بالموقع
3- تأمين طبي يغطي فترة السفر ( التعاونية او ميد غلف او ملاذ او غيرها ) السعر تقريبا بـ 100 ريال
4- تعريف بالراتب من قبل جهة العمل ، او تعريف راتب من ولي امرك الي يتكفل بمصاريفك
5- صورتين شخصية
6- حجوزات الفنادق ( لابد ان تكون الاقامة في المانيا اكثر من غيرها ) تم عمل حجوزات وهمية من بوكينق
7- الجواز الاصلي + صورة لأول ثلاث صفحات
- الاوراق الي رجعوها :
1- حجوزات الطيران
2- كشف حساب ( لاني جايب تعريف راتب من عملي ) الكشف مطلوب لغير الموظفين
تم دفع : 420 ريال للشخص الواحد ( شاملة رسوم الفيزا + خدمات المكتب )
توصلك رسالة على جوالك بنفس اليوم ان طلبك تم استلامه وتحت الاجراء
( طبعاً الشروط والطلبات تختلف حسب الدولة وهي متغيرة وليست ثابتة )
-------------------------
كذا يكون سفرك منظم وسهل باقي عليك تجهز شنطتك وتطير
المواضيع المتشابهه 
اجراءات سهلة وبسيطة تخفف عليك مشوار تخطيطك لسفرك 
العرض الشجري
