قصص - روايات - حكاياتلطرح القصص والروايات الخيالية و الحقيقه و الكتابات الخاصة " ذات العبرة و الفائدة ",
القصص والروايات قصص واقعية و روايات - قصص واقعية، قصص عربية، قصص أطفال، قصص حب، قصص غراميه، قصة قصيره، قصة طويلة قصص روايات ادربيه طويله قصص واقعيه قصص روايات قصص حب قصص رومانسيه روايات رومنسيه قصص واقعيه قصص و روايات حب ,
وريف توها مخلصه صلاتها دعت من قلبها ان ربي يوفق لميس وعبدالرحمن
طبقت شرشف صلاتها والسجاده وحطتهم فوق السرير
وفتحت القران تقرا شوي
ام زياد اللي كانت مستغرقه في طغيانها جاها اتصال من خارج المملكه
ام زياد: الو
: مرحبا
ام زياد سمعت صوت البنت شكلها شاميه: اهلين
البنت: حضرتك زوجته لأبو زياد؟؟؟
ام زياد بإستغراب: ايه نعم من انتي؟
البنت: مابعرف شو بدي قلك.. بس تعي للشام بأقرب فرصه ازا بتريدي
ام زياد: شسالفه؟؟
البنت: ابو زياد تعبان كتير .. وبدو يشوفك
ام زياد: تعبان؟؟؟ وينه هو .؟؟ وانتي من؟؟؟
البنت: انا... انا مرته
ام زياد بصرخه: وشهووووووووووووووو زوجته؟؟
وبسرعة البرق حجزت لها اول طياره على لبنان كان موعد الرحله بعد يومين
ام زياد متلهفه للسفر مو حبا في ابو زياد.. ولا خوفا عليه.. تبي ترد كرامتها.. وشلون هالشايب يتزوج علي انا ام زياد..
كانت بين افكارها وفجأه انفتح الباب
زياد استغرب وجود امه بالصاله: سلام
ام زياد: الله لا يسلمك انت وابوك
زياد: يمه وش فيه؟ ليش تدعين على ابوي؟
ام زياد: هالمراهق المتأخر متزوج لي شاميه زياد استغرب: افاااا من متى؟
ام زياد: وانا وش يدريني؟؟ بس الله وراه وعلمه شلون يستغفلني هذا هو طايح عندهم تعبان عساه مايقوم
زياد بفجعه: اييييييييييييييش ابوي تعبان؟؟؟؟ وين ومتى؟؟
ام زياد: ما ادري عنه
طلع زياد من البيت بسرعة البرق وراح لشركة ابوه دخل المكتب
السكرتير: هلا بالشيخ زياد
زياد : افتح لي مكتب ابوي
السكرتير: ممنوع طال عمرك
زياد يصرخ: افتحه قبل انهي حياتك قبل عقدك
السكرتير خاف على وظيفته وفتح المكتب
دخل زياد وصار يبعثر بالاوراق .. يدور أي شي يدله على مكان ابوه بالشام واخيرا طاح عليه..
عقد الزواج.. ورسمي بعد..
ناظر بأحد الشهود اسمه
مروان كتب إسمه كامل وطلع للسكرتير
زياد: اسمع بسرعه طلع لي رقم هذا الشخص وعنوانه ان قدرت من ملفات ابوي اللي مخزنها عالكمبيوتر
السكرتير : ان شاء الله
بعد ماقرا الاسم ناظر بزياد
زياد: وش فيك تناظر شسالفه
السكرتير: بس هذا الشخص
زياد: وش فيه؟
السكرتير: اخو زوجة ابز زياد
زياد ولعت براسه لمبه: انت تعرفهم؟؟ تدل بيتهم
السكرتير بتردد: ايه
زياد: اتصل احجز لي مقعدين على اول طياره عالشام
راح زياد عالمكتب .. ليش ياربي يصير فينا كل هذا..
يارب المصايب على راسي تحاذف من كل صوب.. انا ماعاد اقدر استحمل
دخل السكرتير : طال عمرك مافيه حجوزات قبل الاسبوع الجاي
زياد : مالنا الا السياره يالله انزل معي نسافر على الشام
السكرتير : بس انا اهلي لحالهم
زياد: حتى انا اهلي لحالهم امش معي وانت ساكت
نزل السكرتير غصب عنه وحركو من الرياض على سوريا
وصلت أم زياد للبنان واتصلت على الرقم اللي جاها منه الاتصال
البنت: اهلين مدام
ام زياد مو طايقه تسمع صوتها حتى : انتي وينك؟؟
البنت: انا بدمشق
ام زياد قفلت بوجهها وحركت السياره اللي كانت تنتظرها على سوريا
زياد كان طاير بسرعته
السكرتير : الله يطول بعمرك تراي ما احب السرعه
زياد يصرخ: انكتم ولا كلمه
وريف تحس انها متضايقه اليوم فيها شي مو طبيعي ... سمعت صوت امها يناديها
طلعت بسرعه : هلا يمه امريني
ام وريف : وش كنتي تسوين؟؟
وريف: كنت اسوي بحثي
ام وريف: اجل روحي كمليه
وريف: لالا شدعوه انتي اهم .. بعد انا متاضيقه وودي اسولف معك
ام وريف: قلبي معورني يابنتي احس فيه شي بيصير
وريف:هااا.. لالا لا ان شاء الله لا يمه استغفري لا تحسين بشي
ام وريف: غصبن علي
وريف دمعت عينها: تذكرين يوم حسيتي وابوي توفى تكفين لا تحسين ابوس رجلك انا لا تحسين
ام وريف رحمت بنتها : ماعليك مني خرفت وقعدت س قولي لي شخبار الدراسه؟
وريف حالتها نقلبت بعد احساس امها بس ماقدرت الا انها تجاريها بالسوالف
يعد ساعه من السواليف .. ام وريف : تكفين ياوريف طفي النور أبي أرقد
وريف: افااا تناديني أسولف معك آخرتها تنامين وتخليني؟
ام وريف: اجل هونت
وريف: هههههههههه لا فديتك نامي وانا بعد بنام اللحين
طلعت وريف وقفلت نور الغرفه وارسلت مسج لفجر ((اذا تقدرين ادخلي الماسن اللحين))
ابتسمت فجر بعد ماقرته .. يالبى قلبها وحشتني ..
فجر: عن أذنكم بروح فوق شوي وانزل
سلمان: بس لا تتأخرين نبي نخطط وين نروح اليوم بمناسب وظيفة عزوز
فجر: اوكي
طلعت فجر وفتحت ايميلها
كان نك وريف(( دمـــعـــي هــدر!ضــحــكــي نــدر!عــمري وضيعت أكثــــره))
اما فجر((فــضــفـــضــتــ لي.. !!))
دمـــعـــي هــدر!ضــحــكــي نــدر!عــمري وضيعت أكثــــره:
هلااااا والله
فــضــفـــضــتــ لي.. !! :
ياربي منك انتي والحزن لازم تضيقين صدري
دمـــعـــي هــدر!ضــحــكــي نــدر!عــمري وضيعت أكثــــره:
ههههههههههههههه فديتك ماعاش من يضيق عليك بس تعرفيني وريف تحب هالنكات
فــضــفـــضــتــ لي.. !! :
انا زعلانه لين تغيرين نكك
دمـــعـــي هــدر!ضــحــكــي نــدر!عــمري وضيعت أكثــــره:
بس انا عاجبني>>وحاطه وجه معصب
فــضــفـــضــتــ لي.. !! :
وانا مو عاجبني
دمـــعـــي هــدر!ضــحــكــي نــدر!عــمري وضيعت أكثــــره:
مالت عليك
فــضــفـــضــتــ لي.. !! :
ههههههههههههههههه يالله غيريه بسررررعه
دمـــعـــي هــدر!ضــحــكــي نــدر!عــمري وضيعت أكثــــره:
طيب اختاري لي..
فــضــفـــضــتــ لي.. !! :
اممممم مادري بس بسرعه بنطلع بعد شوي .. حطي زيتونه وبباي
دمـــعـــي هــدر!ضــحــكــي نــدر!عــمري وضيعت أكثــــره:
كششش عليك يالدبه لحظه اغيره واجيك
فــضــفـــضــتــ لي.. !! :
خوووذي وقتك
’,
بعد دقيقتين بالضبط
’,
أحاول أخفي إحساسي ولكن بالـــعـــشـــق مفضوووح:
هااه الحين حلو؟
فــضــفـــضــتــ لي.. !! :
يجنننننننننننننننننن يسلم لي هالذوق هههههه شخبارك؟
أحاول أخفي إحساسي ولكن بالـــعـــشـــق مفضوووح:
بخير بس انتي شخبارك؟؟
فــضــفـــضــتــ لي.. !! :
انا بخير بس مشتاقه لك.. كيف أعمامك معك؟؟ بشريني طيبين معك؟
أحاول أخفي إحساسي ولكن بالـــعـــشـــق مفضوووح:
يجننوووووووون وبنات عمي عسسسسل عالقلب ربي يخليهم لي.. بس أمي تعبانه وانا بعد قلبي معورني احس فيه مصيبه بتصير
فــضــفـــضــتــ لي.. !! :
بسم الله عليكم الله يبعدكم عن المصايب لا تفاولين
أحاول أخفي إحساسي ولكن بالـــعـــشـــق مفضوووح:
ان شاء الله مافيه شي بس خايفه
فــضــفـــضــتــ لي.. !! :
الا وش هالنك تحاولين تخفين إحساسك؟؟ حركاات
أحاول أخفي إحساسي ولكن بالـــعـــشـــق مفضوووح:
لاتفهمين غلط ترى عفوي النك
فــضــفـــضــتــ لي.. !! :
وريف ما ادري وش اقولك بس انتي للحين صغيره لو أحد خطبك توافقين
((وريف تذكرت عبدالعزيز ابتسمت بألم))
أحاول أخفي إحساسي ولكن بالـــعـــشـــق مفضوووح:
فيه إنسان واحد بس ممكن اوافق عليه عقب كا تطلقت
فــضــفـــضــتــ لي.. !! :
احلففففففففففففففففي قولي قسم؟؟ امانه تمزحين ولا صادقه؟؟؟ قولي لي ابفرح
أحاول أخفي إحساسي ولكن بالـــعـــشـــق مفضوووح:
والله اني صادقه
فــضــفـــضــتــ لي.. !! :
أخـــــــــــــــــــــيــــــــــــــــــــــــــ ــرا إنفكت العقده؟؟
أحاول أخفي إحساسي ولكن بالـــعـــشـــق مفضوووح:
هي مو عقده بس..ما ادري
فــضــفـــضــتــ لي.. !! :
لا تبسبسين لي قولي لي منهو هالشخص .. من عيال عمك؟؟
دخل عبدالعزيز بهاللحظه على فجر
عبدالعزيز : خييييييييييييير يا الاخت قلتي شوي وتنزلين ايلين سلمان هون عن الطلعه
فجر صرخت: لااااااااا ليش بس كان عندي سالفه
عبدالعزيز : هون خلاص
فجر: لحظه عزوز
فــضــفـــضــتــ لي.. !! :
وريف يابعد روح فجر وقلبها وعمرها لحظه وراجعه لك
أحاول أخفي إحساسي ولكن بالـــعـــشـــق مفضوووح:
اوووكـي لحظه بس مو تطولين
فجر نطت من الكرسي وطيران على غرفة سلمان تقنعه يطلعون
عبدالعزيز ضحك على رجة اخته
راح للاب توب.. حس انه مشتاق للمنتدى
شاف محادثه سوا لها تصغير
وفتح المنتدى كان يقرا خاطرة وريف وهو مو مصدق اللي يقراه.. الفقد!!!!!!!!!!!!
هي فاقدتني؟؟؟ والله ما تنضمنين ياوريف.. يمكن انا بس وش يضمن لي
فجأه قطع عليه تفكيره صوت المحادثه
فتحها ناوي يكتب فجر بعيده عن الجهاز ولمح جملة فجر قبل تروح كاتبه فيها وريف..
صار عبدالعزيز يقرا المحادثه كلها .. حس ان قلبه بيوقف.. مو مصدق اللي يقراه.. عيال عمها.. وريف.. امها.. العقده.. كل شي يدل انها هي.. والله العظيم هي وبدون مايكمل تفكيره قرر يسألها عن المنتدى .. اذا تعرفه أكيد هي
فــضــفـــضــتــ لي.. .!!:
الا اقول ياوريف شلونك مع المنتدى؟؟
أحاول أخفي إحساسي ولكن بالـــعـــشـــق مفضوووح:
يامال العصا قولي امين وين طسيتي اهرج مع نفسي انا؟؟؟
فــضــفـــضــتــ لي.. !! :
قولي لي شخبار المنتدى؟
أحاول أخفي إحساسي ولكن بالـــعـــشـــق مفضوووح:
فجوره انتي صاحيه؟؟ خخخخ طول عمرك ماتحبين المنتدى .. عموما المنتدى صاير ممل كأنه فاقد أحد .. حتى آخر خاطره كتبتها بدون نفس
عبدالعزيز تأكد انها هي.. مو عارف شيسووووووووي عشان يشكر ربه عالهديه وبدون شعور كتب لها
فــضــفـــضــتــ لي.. !! :
وريف أحبببببببببببك واللي خلقني أحبك عمري ماحبيت أحد الا انتي.. وريف انتي وبس من سكن قلبي وعقلي وخيالي.. انتي تحبيني صح.. قولي احبك قوليها تكفين كل شي يدل عليها اكتبيها واللي يسلم عمرك.. انا أحبببببببببببببببك .. بعيوبك قبل حسناتك أحبك قولييييييييييها تكفين
((وريف طلعت عيونها .. اش فيها هالغبيه انهبلت وش صار لفجر .. ههههههههههه شكلها تستهبل غبيه ياناس))
أحاول أخفي إحساسي ولكن بالـــعـــشـــق مفضوووح:
وش صاير؟ فجر انهبلتي؟؟ مو وقت استهبالك
بهاللحظه دخلت فجر بتطير من الوناسه
عبدالعزيز قفل النافذه بكبرها
طالعت فجر شافته فاتح خاطرة وريف ووجه احمررر من الارتباك
فجر ما انتبهت لوجهه : احلى تقرى لهالبنت
عبدالعزيز: هاا ايه لا عادي يعني
فجر: طيب قوم بالله ابي اكلم صديقتي
عبدالعزيز قام وحضن إخته من فرحته
فجر: عزيز كسرت ضلوعي آآآآآي
طلع عبدالعزيز مو عارف شلون يشكر ربه .. الحمد لله الحمد لله الحمد لله
أحاول أخفي إحساسي ولكن بالـــعـــشـــق مفضوووح:
اكرهك .. انقلعي عني مشتاقه لك وتتركيني
ضحكت فجر وقفلت الماسنجر وفتحت دولابها
أخذت عباتها وطلعت تركض من الغرفه
ركبو السياره
سلمان يسوق عبدالعزيز جنبه وورا أم سلمان وفجر وجوري
عبدالعزيز: اليوم طلعتكم وعشاكم على حسابي
جوري: وش هالطاري؟؟؟ ماخبرنا سموكم كريم
عبدالعزيز: وغير كذا نروح السوق واشتري لكم اللي تبونه بالمبلغ اللي تبونه وخصوصا فجر
فجر: اوووووه شالتطورات؟؟
عبدالعزيز مبتسم: الواحد لا صار مستانس لازم يونس اللي حوله
سلمان: هههههههههههه دوم هالوناسه يابوي
عبدالعزيز مد يده وفتح دولاب الاشرطه
عبدالعزيز: وش هالشريط الاسود؟؟
سلمان: ههههه شكلك عشقان اليوم.. شغل الشريط وتسمعه
شغل الشريط عبدالعزيز طلعت اغنية
قولو للغالي قولوله
وشوله يبطي وشوله
لاجاء ولا جاء مرسوله
والحب الله يكفي شره
عبدالعزيز بسرعه طلع الشريط: يااااااوك وش هالغبار ذا
سلمان: ههههههههههههههههه هذا الموجود ..
عبدالعزيز : ماعندك ابو نوره؟؟؟ نبي بنت النور طلبتك
سلمان: الا اظنها موجوده دور يابوي وتلقى
تمشو وتعشو وراحو السوق وفجر شافت وحده من صاحباتها عند مانجو
فجر: لحظه بروح اسلم على وحده من صديقاتي هناك
عبدالعزيز: من هي؟؟ وريف؟
استغربو كلهم اللهفه اللي بصوت عبدالعزيز
جوري وهي حاقده على وريف: وش عندك متلهف حتى انت عليها
عبدالعزيز تدارك نفسه: بلاكم ماتدرون.. صاحبي ببريطانيا عنده بنت اسمها وريف عمرها سنه ونص تنحط عالجرح يبرى
ام سلمان: شكلك متعلق فيها
عبدالعزيز بإبتسامه واسعه: متعلق وبس؟؟ الا احبها احبها موت
فجر :اهااا فهمت
عبدالعزيز طلعت عيونه : وش فهمتي؟
فجر: عشان كذا قلت لي ذاك اليوم أحب إسم وريف عشان بنت صاحبك
عبدالعزيز إرتاح من قلببببب: ايه طلعتي ذكيه ماشاء الله
فجر: من يومي ذكيه ربي يحرسني ويحفظني لي ولا يحرمني مني.. عن أذنكم بروح أسلم على البنت قبل تروح
راحت فجر وعبدالعزيز يعصر مخه يبي يتذكر شكل وريف بس مو قادر لأن باله ماكان لها ذاك اليوم.. حتى طولها ما أتذكره.. حتى نسيت ان كانت كاشفه عيونها او لا... أشكرك يااااااااارب
وصلت أم زياد على القريه اللي فيها فلة أبو زياد اللي سواها لزوجته الثانيه
ناظرت فيها ام زياد بنص عين وطقت الباب
فتحت لها بنت بالعشرينات شعرها أشقر طالع مع اطراف الحجاب اللي زايد حلاها حلا .. وسحرها سحر
ام زياد ودها تصفقها كف..أكيد هذي هي : من انتي؟
البنت ناظرت أم زياد اللي كانت متبرجه حدها وعرفت من نغمة الصوت إنها سعوديه: انتي مرتوه لأبو زياد
ام زياد ماحست بيدها لما رفعتها وضربت البنت كف على وجهها
البنت اللي ماتوقعت الكف صرخت بعالي صوتها :آآآآآآآآآآآآآآآآآآه
ام زياد: وينه ؟؟ وينه الحقير اللي ماهمه الا متعة نفسه وينه
البنت تبكي : ابو زياد تعبان بدك تقتليه انتي؟؟ مابيصير هيك وطي صوتك مو ناقصه هز بدن
ام زياد: هز بدن؟؟ هزوك بنار جهنم يابنت الــــ....
البنت شهقت: ولك الزمي حدودك وإعرفي انتي مع مين عم تحكي.. انتي ببيتي بتفهمي يا اما لا
ام زياد ماسمعت الكلام دفتها وراحت تدور بالغرف عن ابو زياد
لكن مالقته
رجعت للبنت اللي كانت متخصره بس دموعها على خدها
ام زياد: وينه؟؟ وينه الخاين
البنت: ابو زياد بالمشفى .. تعبان كتير .. بترجاكي تتركيه بحالو .. بدياه يعيش ببوس ايدك
ام زياد: والله لو تبوسين رجلي ما اسامحه وخري عني
طلعت ام زياد والبنت طاحت على أول كنبه تبكي وتدعي ربها مايصير فيه شي
بهاللحظه دق الجرس
اكيد ام زياد قامت البنت تفتح الباب وانصدمت باللي تشوفه
اثنين سعوديين وشباب
البنت خافت: شوبدكن؟
زياد: ابوي وينه؟؟؟ وينه؟
البنت دمعت: انت زياد؟؟؟
زياد : ايه انا
البنت: بترجاك لحق عالمشفى امك رايحه لعندو بدها تموت ابوك
زياد : امي؟؟؟؟ حسبي الله عليك من أم
طار زياد عالمستشفى ومعه السكرتير اللي يعرف الشام وبسرعه قياسيه وصلو للمستشفى .. عكس ام زياد اللي كانت جاهله هالمناطق وطولت على ما وصلت المستشفى
دخلت المستشفى وسألت عن غرفة ابو زياد
ودخلت لها
شافته ممدد عالسرير .. وجهه اصفر.. جسمه نحف.. وجهاز نبضات القلب مضطرب جنبه..ناظرت بالغرفه بشماته
لمحها .. بصعوبه حاول يبتسم.. فرحان انها جات تتطمن عليه.. وهو اللي ماتوقع انها تسأل عنه
ابو زياد بتعب: هلا
ام زياد: الله لايباارك فيك من زوج يالخاين انت انسان انت؟؟ ولا حيوان تركض ورا شهواتك
وبصوت عالي زلزل الغرفه:بــــــــــــــــــــــــــــس ولا كــــــــلـــــــــــــمــــــــــــــه
التفتت للصوت شافت زياد
أخذها زياد من يدها وطلعها برا الغرفه وصرخ بالسكرتير : اقسم بالله ان شفتها داخله لأنحرك اليوم فااااااااااااااااااهم
السكرتير: فاهم طال عمرك
دخل زياد لأبوه دمعت عينه.. نزلت دمعته على حالة أبوه
ابو زياد: هلا
زياد بصوت خانقته العبره: يبه وش صار؟
ابو زياد نزلت دمعته: كل شي راح.. الفلوس.. الشركات .. كل شي.. كل شي
زياد انفجع: وشلون؟؟؟ ليش؟؟ كيف ومتى؟
ابو زياد: نانسي وينها؟
زياد: من هي نانسي؟
ابو زياد: زوجتي.. وينها؟
زياد: هي اللي اتصلت علينا عشان نجي نتطمن عليك .. يبه تفداك الفلوس.. الشركات .. كل شي يفداك..اهم شي صحتك
ابو زياد: وعمتك وينها؟
زياد رتبك: آآآ امممم عمتي ووريف راحو لبيت أعمامها من بعد الحادث اللي صار لوريف
ابو زياد: ظلمت اختي وبنتها وطعت أمك ((وفجأه صرخ))آآآآآآآآآآآآآآآآآآآآآآآآه
زياد مات من الخوف على ابوه : يبه علامك؟؟
وطلع يركض من الغرفه ينادي الدكتور
دخل الدكتور بس إنه طلع بسرعه ووجهه مايبشر بالخير
زياد: بشر يادكتور؟؟؟
الدكتور: البقيه بحياتكن
زياد رجع خطوه ولاعاد حس بالدنيا
طلعت ام زياد تركض من المستشفى وبأول طياره على لندن
بعد ثلاث أيام وعى زياد... صار لازم يروح لبيت نانسي يعزيها ويرجع المملكه
راح لبيت نانسي وهو شبه انسان.. خلاص ماعاد هو قادر يعيش ... وش فيني انا وش صار لي؟؟؟ وش اللي قردني؟
وصل البيت
دق الباب وفتحت له بنت عمرها بالـ12 سنه لابسه اسود
زياد: هذا مو بيت نانسي
البنت: ايه مين انته؟
زياد: انا زياد وين نانسي
البنت راحت تركض تنادي نانسي اللي جات وشكلها متغير ما كأنها البنت اللي قبل ثلاث ايام... كأنها حرمه كبرتها الهموم
نانسي بصوت باكي: تفضل زياد.. البيت بيتك.. انت ابن الغالي الله يرحمو
زياد تاثر من حالتها: زاد فضلك بس انا جاي أبعزيك وامشي عالمملكه
نانسي : لا والله مابيصير تفضل ريح عندنا شي اسبوع وبعدها روح لوين مابدك
زياد: عندكم رجال بالبيت ولا لا
نانسي: ولك هادا بيت ابوك انت الداخل وأنا الخارجه.. الله يرحمو.. طول عمرو بيحبك..
زياد ابتسم: الله يرحمه
دخل زياد البيت
لميس نزلت الصاله كانت تبي تروح مكتب هاشم عشان تاخذ منه اوراق طباعه شافت أبوها جالس بالصاله
على طول انحاشت قبل يشوفها بس أبوها لمحها
ابو هاشم: لـــــــــــمـــــــــــــيـــــــــــــــس
لميس انقهرت: اوووف اش يبي هذا ..مايدري اني زعلانه
وبكل شموخ نزلت لميس مع الدرج وهي تناظر للسقف ومتكتفه
ابو هاشم بعد تفكير طويل أخذ قراره ابتسم على عناد بنته.. ايو والله تشبهيني يابنتي بكل شي
لميس: نعم وش تبي؟
ابو هاشم: ما ابي شي بس ابمارس وضعي كأبو ظالم
لميس بنفسها((يوووه شفيه يعايرني عالكلام والله ماقصدت))
ابو هاشم: وش فيك ساكته
لميس: يبه انا ابي اقولك شي انا صح متأسفه واقولك آسفه ان لساني طولته عليك ذيك المره بس للحين زعلانه .. ولين بكره .. ولين يوم القيامه بعد
ابو هاشم: يعني ما تكرهيني؟؟؟
لميس بتأفف: وش رايك يعني؟
ابو هاشم: ردي يابنت .. تكرهيني؟
لميس: لا
ابو هاشم: انا ظالم؟؟
لميس: شوي
ابو هاشم : لا ياقليلة الادب
لميس: والله انا تعلمت ما أكذب تبيني أكذب من عيوني بس لاعادتحاسبني ان كذبت مره ثانيه
ابو هاشم: ماعندك إحترام انتي؟
لميس: قل الحق ولو على نفسك ..
هاشم سمع صوت لميس وطلع من غرفته يتحمد لها بالسلامه بعد الحبسه كم يوم بس سمع صوت أبوه وتراجع قبل يشوفونه .. حب يخليه على راحتهم
ابو هاشم: عنيده مامنك فايده
لميس: من شابه اباه فما ظلم
ابو هاشم: ولسانك طويل ولا تستحين
لميس: لا حياء بالدين
ابو هاشم: نعنبو بليسك هذا لسان ولا ماطور؟؟ على كل كلمه جمله رد
لميس: لسانك حصانك
ابو هاشم ما إستحمل فطس من الضحك
لميس انقهرت ليش يضحك عليها
ابو هاشم : يابنتي بغيت أسألك انتي تبين عبدالرحمن ولا تعانديني؟؟؟
لميس استحت بس ماتبي تبين له: ايه موافقه
ابو هاشم يكرر السؤال: تبينه ولا مال تبينه؟؟
لميس استحت زود .. وش به ذا مصر يحرجني
لميس: ايه
ابو هاشم: وشو اللي إيه
لميس بعصبيه: ايه ابيه خلاص ارتحت
ابو هاشم : دام الدعوى كذا ألف مبروك
لميس شهقت بعدين إستوعبت الموضوع حطت رجلها ولا شافو الا غبارها
وهاشم طلع يضحك وباس راس ابوه: الله لايحرمنا منك
ابو هاشم: سعادتكم تسوى دنياي ومافيها
لميس دخلت عند وتين : وافق وافق
وتين: وشهو؟؟
لميس:ابوي وافق على عبدالرحمن
وتين نطت من الفرحه وحضنت إختها
المواضيع المتشابهه 
العرض العادي
