صوت حبيبي وقبل أقول ياعونك .. شكى جروحه ورحت أشكى له طعوني

يقول مقدر أعيش اليوم من دونك .. وأقول حتى ولو ماعشت من دوني

يمكن أنا أكون أعز انسان في عيونك .. بس أنت والله كل الناس في عيوني

لاصرت ربعي وداري وفيت جفوني .. وش دخل الناس خل الناس يجفوني


يكفني أن أنت لامن قلت وش لونك .. تطيب كل الجروح ويختلف لوني

وإن كان منتب مصدقني على هونك .. تعال طالع دروبك وين ودوني


أصبحت أجامل عداي اللي يحبونك .. وأكره مشاهد عداك اللي يحبوني

ومن كثر ماأحب وأكره عنك وأصونك .. أصبحت دفتر مشاعر وأنت مضموني

إن غبت عني شعرت بلذة طعونك .. وإن شفت زولك شعرت بقيمة عيوني


( الشاعرفهد المساعد)