اشوف المنتدى هنا وباليوتوب هناك مطالبات ضد قناة mbc
والعريفي من اكبر وقاد هذة الحملة ويشهد ربي ان العريفي
اعزه واحترمه ومتابع له ب ت و ي ت ر وهو الوحيد من المشايخ اللي اتابعهم
لكن مع احترامي له الان فقط يصفي حساباته مع mbc وهالمنوال كل سنه
نسمعه من الهريفي وخاصه بعد مشكلته مع mbc مع انه قبلها كان في mbc
ويحضر معهم سابقاً مادري بالسابق سياسية القناة مثل قنوات المجد وانا ما ادري
والان صار عكس !!!
المشكله موب فقط بالعريفي المشكله بالشعب المهايطي ومنافق بنفس الوقت لن اعمم بل بعضهم وهم فئه قليله في نظري لا اكثر كل سنه نسمع هذة الحملة منهم
ولا احد جاب لهم خبر ولا يطلعون الا بعد حملة من شخص مشهور مثل العريفي
وبعدها يهجدون والان تحصلهم منزلين 20 الف موضوع بالمنتدى عن المقاطعه
وبعضهم مادري اضحك او لا يطالب الملك سلمان ههههههههههههه
مادري القناة مركزها الرئيسي بالسعودية وانا ما ادري
كلنا نعرف مكانها في دبي ولعلمكم القناة رئيسها ال الشيخ يعني لاتحسب انه شخص عادي
هذا شخص قريب من الاسرة الحاكمة
عموماً كل المهايطيه تحصلهم اول ناس يتابعون mbc لا اظلم بالتحديد 99%
والباقي 1 % على قناة المجد الله يسعدهم ودام تتابع قناة المجد وش دخلكم في قناة
ثانية لا عمرك شفتها ولا لك دخل فيها ولا الا ندخل عرض ونهايط مع الناس
بس اضحك اذا قال واحد حول المقاطعه " انا اصلاً حاذفها من رسيفري ههههههههههههه افلقني ياشيخ انك حاذفها
وتحصله ما يعرف يرتب قنوات فما بالك في حذف قناة
فقط اذكركم هالمسلسل سنوي ولا شفنا اي شي من ادارة القناة
ولا انسى مسلسل عمر طالبتوا فيه وبالاخير عرض بالقناة
والمفاجاة اكثر المتابعين للمسلسل في احصائية اليوتوب وقتها من السعوديين !!!
هههههههههههههه
يعني مع احترامي لبعض السعوديين لا تكذب علينا وتسوي فيها مع المقاطعه
خلك مع نفسك بس
والله ثم والله ماحد درى عني ولا عنك
المواضيع المتشابهه 
السعوديين اكثر شعب مهايطي ومنافق بالعالم قال ايش قال قاطعوا mbc 
العرض الشجري
