ما دريت إلا واليوم ربوع وتذكرت إني لازم أسلم مقال للجريدة وأشوي إني تذكرت عشان ما يطب عليّ أبو فرح من التلفون.
بيني وبينكم والله أنا حريص ومتعود أكتب مقالاتي من بدري أيام كنت متحمساً . صحيح إني (أشخمط) المقال في عشرة دقايق بس كنت متحمساً بقوة لدرجة إني آخذ لفتين على الملعب قبل أمسك القلم من قوة اللياقة، لكن مدري وش صار معي ها اليومين بعد نتائج الأهلي الأخيرة . ما فيني حيل أقوم من الفراش كأني شارب لبن (خدران) وأنعس .. حلوة خدران وأنعس تنفع مطلع أغنية أبغى أدور لي أحد من إدارة الأهلي يلحنها عشان أغنيها وأخرش بها أبو نوره وراشد .
بصراحة نتائج الأهلي (شي يخلي الرايح جاي) وما أخفيكم إني بديت اشك إن تلفزيوني يسوق عليه العبط ويخربط ما ينقل المباراة زي ما هي بالملعب لدرجة كل ما انهزم الأهلي بتلفزيوني أدق على الجيران أقول لهم أنا عندي مهزوم بشروا كيف النتيجة عندكم ..؟
وبسبب هالنتائج صار يوم الربوع إذا قرب وقرب تسليم المقال معه تجيني أزمة نفسيه لأنه ما بقي شي ما قلناه . حالتي مع المقالات تذكرني بطالب فالها طول الخميس والجمعة ويوم قرب السبت تذكر الواجبات ويدور الكتب بس الفرق بيني وبينه إن الطالب حافظ (يضيق صدري لا طروا ليلة السبت .. ليت الليالي كل أبوها ربوعي) وأنا ما حبيت مباريات الأهلي لا سبت ولا ربوع وما غير أغني يا ليل مطولك.
عاد المشكلة الحقيقية عندي مو مباريات الأهلي بس لأن تصريحات جماعتنا التلفزيونية ترفع الضغط فوق الـ(إتش) وإذا أحد انتقدهم بكلمتين قالوا مو أهلاوي أصلي (ولا يهونون بعض الجماهير) . هذا مدرب يلعب مزمار بالفريق داخل الملعب وخبيتي قدام الكاميرات وهذا إداري فرحان بطلوعه على التلفزيون يسأله المذيع عن النتيجة وهو يحلف إنه ما كسر لمبة الجيران وهذا في وادي والجمهور في وادي واللي محيرني ومطلع عيوني ليش يطلعون وما عندهم شي يقولوه ..؟ من زين قنواتنا ما قد دورتكم إلا بعد الهزايم .
على طاري التصريحات أنا توقعت الأهلاويين يلغون عقد المدرب بعد تصريح الجولة (قال فهمتوني غلط قال) إذا دكتور المفاصل والأربطة فهمها ..! ما بيفهمها جمهور الأهلي يعني ..؟
الرجال حسبها صح طنش المفاوض الأهلاوي على الطريق وريحه في (الخامس) ومسك الخط يدور على راكب ثاني ويوم ما لقي ولا نادي يفاوضه دق ريوس ورجع للأهلي شاله عشان ما يمسك الطريق فاضي وهو مقرر يرميه في أقرب محطة ويحط رجله (مسكين الأهلي وهو نازل في المحطة يسأل المدرب وش أجيب لك عصير ..؟) عاد أنا أقول للأهلاويين تغدوا بالرجال قبل لا يتعشى فيكم وترا ليالي العيد باينة من عصاريها (عصاريها .. صح لساني).
لكن أنا أتوقع إن إدارة الأهلي ما راح تفكه لين يغير حارس المرمي ويدخل بداله ظهير في المباراة الجاية . المشكلة أن تغييراته تذكرني بتغييرات واحد (دب) من عيال الحارة واحنا صغار يطيح فينا كفوف بعد الشوط الأول يطلع نص الفريق وما يهمه مين كان كويس ومين لازم يطلع المهم إنه يلعب الطوال . والمشكلة أن كل تغييرات مدرب الأهلي رسايل للإدارة يعني أفهموها إلغوا عقدي وهذولا فاهمين ومطنشين ويطالعونه بنص عين . كأني اتخيلة يتحلطم بينه وبين نفسه ويقول بالبرتغالية (والله يا هم لزقة).
تصدقون عاد لو من جد الإدارة تمشي المدرب عندنا في الدكه خير حوالي أربعة مدربين وطنيين وواحد تونسي وراس ما لها يرمون الشمغ والثياب ويطقون الترنقات وجمهورنا ماله وجه يتفلسف لأن عندنا في السعودية إذا بدع الفريق قالوا فريقنا بطل ينجح أي مدرب وإذا دحدر قالوا المدرب مو في مستوي طموحات فريقنا مشكلة ما لها حل زي مشاكل الأهلي إللى محد يقدر يحلها إلا واحد يعرف (مين قبل الثاني ..؟ البيضة وإلا الدجاجة).
المواضيع المتشابهه 
مقال سامي القرشي (( مدري وش اكتب )) جريدة البلاد 
العرض الشجري
