قال ليه مش مسدئه ,, بوصي الزاي ,, بعض الرقاقيل بتكون حيواناتهم المنويه حولا .. احنا بنعمل ايه؟ بنمسك كل حيوان ونلبسوه نضّاره عشان ما يتوهشي .
او يمكن يكونوا زوله مش عايزين يقرو فبنعمل ايه ؟ نحط نؤطتين بايسون " يدوك جوانح " ( رحمت البويضه والله ياهم بيتوطون في بطنها )
او يمكن الحيوانات دي ما بتعجبهاش البويضه السعوديه عشان ركبها سود عاوزين بويضه لبنانيه وانت سيد العارفين ( خابرين حتى حيواناتهم دشير مجمعه) ( وجه حيوان طاقن الزقاره وشعره لين كتوفه :hawamer1412 )
قلت اها في هالحاله وش بتسون في هالبيضه المخنزه ؟
قال بنعمل لها نيو لوك ( بيستشورون شعرها مثلا والا بينفخون صدرها)
قلت طيب اها واذا مافاد ؟
قال: في الحاله دي نلقأ لما يسمى عندكو في السعوديه " طفل الفناجيل"
قلت : خابرتها طفل الانابيب ان تساني منيب واهم
قال: لا ياحبيبى ( يمون تراه) خبرك عتييييييئ أوي أوي
تقنية طفل الفناجيل دي تقنيه سعوديه ( يسمعون بالسعوده )
ثمن قام يطالع بمنيّر ويقول مع ان النعجه دولي ملامحها انوثيه:hawamer1712 اكثر منتس بس عاد خلق الله حسن
قال لها المشعوذ : خذي الفنجال وروحي ورى الستاره
وادام هذا وجهتس تبين تلقين مجله فيها صور لعّيبه افارقه ويخبون عليتس
روحي تفرجي على المجله وجيبي لي الفنجال مليان
اما انت يازوجها يالافدغ هذي مره تتزوجها؟؟!:hawamer5412
بعذرك ماجاك عيال , هذي لو يشوفها خشتها افحل الافحلين يقلب قي .
رح بعد انت ورى هالستاره وتراني حاطن لك مجلة ميكي ( طراه ان السعوديين أي شي يخققهم ) وابيك تجيب لي الفنجال مليان
المهم جابو فناجيلهم
وقالهم الفناجيل هذي تبي تجلس عندي 9 شهور
وانا بحطها في مختبري الخاص في وادي الجن
واذا انتم ودكم تجون تشيكون عليه كل اسبوع مايخالف عشان تتأكدون اني ماغشيتكم وجبت لكم اولاد من الشارع
قالوا له تم
قال بلاتم بلا هم وين الدراهم
قال حمد كم تبي
قال ابي 350 الف
قال له حمد وش دعوه يانجر مطلع بي ام دبليو يوم انك تقول هالسعر .. يبن الحلال آخر كلام؟ ( وجه سعودي يحب المكاسر بيكاسر حتى في عياله )
فلوسي كلها بالاسهم وحالتي صعبه .
قال المشعوذ الحال من بعضه ولاماكان شفتني اشتغل هالشغله المعفنه
قال له طيب اصبر لين يرجعون بيشه للتداول ثمن اعطيك
قال له انت تبي ولد ولا تبي اسهم؟؟؟وش علي من بيشه ؟ محلم انهم بيرجعونها ؟ حب الغمى
وعلى فكره السوق مهب مرتد ابد شفت فناجيلك ذي ؟ يمكن يطلع فيها نخل بس ارتداد مافيه يالله انقلع عن خشتي
المهم وافق الزوج مكسور الجناح وباع التعمير والجماعي ونص اسهم سابك ( يقاله ذكي مخلي القيادي مايدري ان كله بيروح وسلمولي على الهوامير الزفره ومن يومي ماحب السمك الحين كرهته)
نرجع لمحور حديثنا
يوم عطوا المشعوذ الدراهم انبسط
شكشك قال كويس عوضت خسايري في القصيم الزراعيه وتلقيح البشر طلع اصرف من تلقيح النخل
المهم خذ فناجيله ووداها وادي الجن وخلطها مع بعض وحط حق الرجال فوق حق المره وانا هنا اقصد الفناجيل ياقليل الحيا انت وياه
المهم يحط الفناجيل فوق بعض
ويخليهم ويطلع
بعد مايقرا عليهم خزعبلاته
المهم انه لازم يرجع يعسهم كل اسبوع( صاروا شرانق موب اوادم)
وكل مايروح يلاحظ ان الفنجال اللي فوق يرتفع عن اللي تحت
المهم بعد شهر جوه الابو والام يسألونه عن الفناجيل قال انه خايف يكون الحمل كاذب
يعني الحيوان المنوي طلع احول وماضرب البيضه صح
قال ابشركم فيه حيوان ابن حيوان ابن ستين كلب ضرب صح هالمره ومهوب فلاحتن فيه الا كان يلعب حبشه مع حيوان منوي ثاني ومخلين البويضه هي الحالّه ويجيك طاير ويصقع فيها بالغلط ويخش
وخذلك مناقز وخذ لك صياح وحمد استانس وقام يركض وفصخ الثوب وقام يبوسه كنه جايب قول
مير ومنيّر تقوم تهبد مغمى عليها
ويبلش بها المشعوذ يقول وش ذا العله لاصوت ولاصورة ومع هذا مغرورة وش نسويبها الحين
المهم جابو زمزمية الشاهي ( اقرب شي عندهم) وكبوه على خشتها
طبعا احترق وجهها بس مافرق لامع زوجها ولامع المشعوذ لان وجهها ماكان له ملامح خلقه
المهم قامت وهدوها وقال لهم المشعوذ الحين لازم تدفعون القسط الثاني قالو يابوفلان تلعب علينا انت قلت لنا تبي 350 الف وعطيناك اياها
قال حطيتها في الباحه وبعدها مافيه راحه تبون تكعون 350 الف ثانيه ولا ولدكم ذا بذبه بالمجاري زيه زي اخوانه اللي انت رميتهم ايام المراهقه
قال هاه
طيب خلاص بصفي المحفظه وبجيب لك القروش
المهم جاب له الرجال القرنقش واسفهل المشعوذ واخذ الفلوس وجاب المره وقالها الحين بفتح بطنك وبحط هالفنجال في رحمك
قالت له المره يبو الشباب بدل غير وشلون تحط فناجيل بكرشتي بصير امشي واقرقع كني جيب طالع للبر
المهم المشعوذ قال للزوج ياببطنك ياببطنها
قام الزوج وتل العقال وقال الحين بتعقلين ولا بالينك بالعقال
طبعا الخوف مليح ,, كلت تبن وقاالت سم وابشر
ودو منيّر في سرداب العمليات وشقو بطنها ودزو فيه الفناجيل
طبعا المولود المفروض يطلع بعد 8 شهور مهب تسعه قولو ليش
( اكيد قلتوا ليش)
لان شهر راح تحميض في الوادي للفنجالين
يقولون من قوة الشوته تطيح على وجهها
المهم قررو اهلها انهم يربطونها بالسرير عشان ماتتسطح ببيت الجيران من قوة التشويت
المهم مشت الامور للشهر الثامن ببطنها والتاسع ببفنجال
جابو المشعوذ قالوله سو شي قال اصبروا لين الحين ماجاها الطلق
المهم جا الشهر العاشر وهو ببطنها والحدعش ولا جاها الطلق
قفلت مع حمد وراح للمشعوذ قاله يبو شف لك صرفه الولد خاس ببطنها
الولد بيبلغ في بطنها ماطلع ( وجه جنين يطل وبفمه زقاره ويصارخ يقول يابو الشباب يرحم امك ملينا من هالفنجال نبي نشوف الدنيا )
قال انا مانيب دختور رح ياخي للمستشفى يولودون مرتك طبيعي صناعي أي شي المهم ان ذا الهرش يطلع
المهم خذوها بيودونها لمستشفى حكومي لان الرجال طفربه المشعوذ
قالوله المشتسفى ضف وجهك مافيه اسره فاضيه قال طيب كرسي قالوا ولا حتى سجاده
قال طيب ولدوها بالسيب قالو له محجوز ( وجه يطالع وزير الصحه بنص عين )
قال طيب وش رايكم تولدونها في طوفريه ( بحكم ان المولود متكون في فنجال )
الرجال قفلت معاه وقال مادام خاربه خاربه خلني اروح اوديها مستشفى اهلي
والله يستر من الاخطاء الطبيه لاتطير علينا 700700 ريال اللي خسرناها للحين غير قيمة القهوه اللي شربتها هالمهوية
وهو يطالع بزوجته بالطريق ويقول لنفسه اخ بس مهب لوماخذ سورية مهب ازين لي جمال وتجيب لك دستة عيال
الا وتطري على باله اغنية راشد الماجد "لي بنت عم ماوطت درب الادناس مادنست يوم النسى يدنسني
ضربتها وانا احسب الضرب نوباس طلقتها يوم
اخذت العقل مني "
المهم دخل على الاستقبال الا ذيك اللبنانيه اللي تخقق الاعمى من زينن فيها طربة الطرايب
الا الرجال معاد عرف يحتسي
يووم قالت له اهلين شو بنا ان شاء الله خير
الا الرجال فتح فمه قال هااااااااااااااااه ؟ ايييه عندنا حالة وفاه
قالت اعوز بالله
قال هاه لا اقصد ولاده
قالت له مبروك مين حيولد
مع الحماس الرجال قالها انا
الا وضحكت موظفة الاستقبال
الاتجي الرجال رفسة مع ورى الا يلتفت ولاهي زوجته وراه قالها ماقلت اجلسي فيذاك
قالت اها عاد اخلص تراك طولتها ورانا فناجيل " قصدي ولاده "
قال للبنانيه : البقره ذي تبي تولد شوفولها حظيره تكفون اوووه قصدي " غرفه "
قالت له بدك جناح ولا غرفه منفصله وغرفه مشتركه
قالها جناح لك ولاشكالك ياقلبي اما ذي حطوها بارخص شي لو تحطونها بالسيب
قالت طيب ممكن تأمين ؟؟
عطاها الكردت كارد حقه وحجزو غرفه مزدوجه بس حظهم ماجاء مريض ثاني فيها
قال لمرته شفتي حاطتس بغرفه بلحالتس عشان تعرفين غلاتس ياروحي
قالت له تسلم ياقلبي
قام الدكتور حط يده على خصره وطالعهم بنص عين .. قال الحين تشوفون امكم تزحر ولاتطلعون ؟ وش هالعقوق فيكم ؟ هذا اوله ينعاف تاليه
قالوا انثبر لا يجيك هالفنجال .. مابقى شي و تقوم الصكه
المواضيع المتشابهه 
أطـــفـــــال الفناجـــيـل" (+18 وللإباحية طعم آخر) 
العرض الشجري
