1 : نريد المشاركة بالحل من
جميع المضافين في القروب
2 : المشاركة بالحل مرة واحدة فقط
لكل مضاف.
3 : القهوة صحيحة والفناجيل مافيها
ثقوب - يعني نبغي الحل
...................................
( القصة واللغز )
القصة يذكر في الأثر بأن فيه قبيلة
لها سمعتها ولها صيتها وعليها شيخ
مذكور بالحكمة والرآي السديد
ويلفيه كثير من البادية لحل مشاكلهم
فيما بينهم وعند هذا الشيخ 3 أبناء
(كلهم رجال ولا فيهم قصور)
-الكبير عند اللبل
-الاوسط عند الحلال
-الصغير عند الشايب يخدم أمه وأبوه
ويستقبل ضيوف ابوه .
ويحضر مجالس الدعاوي والخصوم.
الشايب كبر سنة وتعب من والملافي
اللي تجيه ، ذات يوم فكر وقرر
وقال اشاور اعيان القبيله
وقال لها انا كبرت وتعبت ولازم اعطي الشيخة احد أبنائي وانا حي اخاف بعد مماتي يصير بين الأخوة سو تفاهم وتتشتت القبيلة وقوتها ومكانتها بين القبائل وتضعف ،
قال انا / اخترت الصغير
وقال / عيالي كلهم ونعم ،
لكن الصغير هو اللي يحضر معي في جميع المشاكل السابقة وعنده الخبرة وملم بقضايا البادية وسلومهم بالتحاكم
قالو اللي تشوفه ،
ارتاح بال الشائب من ردهم
زهم الشياب المقربين له وطرح
عليهم الموضوع فوافقوا جميعآ .
وبلغ ابناءه ( الكبير والاوسط )
واعطائهم مقدمة عن الكرم والشجاعة والمروة وحل المشاكل العابرة.
ويرغب في تحويل الشيخة الى اخوهم
الصغير (فااحس في نفسه خيفة)
ورفض الكبير والاوسط ان يكون الصغير هو الشيخ (كلا يرغب ان يكون الشيخ) اوقف الجدال ونصرف المجتمعون
بدون إي نتيجة.
وتوفى الشايب وبعد العزاء بمدة
اجتمعوا اعيان القبيلة لطرح الموضوع
مرة اخرى فطرحوه مع تواجد الأبناء فرفضوا ان يكون الصغير هو الشيخ ،
وطرح احد الحضور رآي.
قال /..
فيه شيخ مذكور بالدهاء والفطنة والذكاء لماذا لم يطرح الموضوع عليه مع حضور جميع الأبناء واعيان القبيلة.
فوافقوا جميعا وتعاهدوا بأن مايحكم
به الشيخ ينفذ ،تم الحضور في
الموعد المحدد وتم طرح الموضوع
من احد شياب القبيلة على الشيخ.
وزهم الأخوان الثلاثة
أمامه وأمام الجميع واعطاهم مقدمة
عن الاخلاق والشجاعة والرجولة وجمع الكلمة واخذ منهم العهد بأن الذي ينجح في الاختبار هو الشيخ فوافقوا الأخوة
واعيان القبيلة على ذلك ،
وقال للقهوجي/...
(جيب لي الدلة و 3 فناجيل قهوة)فقط فاحضرها القهوجي له .
فصب الفنجال الأول ومده للكبير
وقال له/ خذ الفنجال لكن ..؟؟
(لاتشربه ولا تكبه ورده لي فارغ)
وعمل مع باقي اخوانه
مثل ماعمل مع الكبير تماما".
فانصتوا الحاضرين واهتالوا من
ماطرحه الشايب فمكثوا برهة.
وحل اللغز ( اخوهم الصغير )
واخذ الشيخة وباركوا له اخوانه ومن
حضر وانتهت المشكلة عندهم.
لكن عندنا ياقروب (الاخوة الأعزاء) ماانحلت ماعرفنا وش اللي سواه
الصغير واخذ الشيخة من اخوانه..؟
ماهو
الحل بسيط فقط فكروا ،وهذه القصة حقيقية ولها أكثر من 150 عام
اطال الله اعماركم على الطاعه
المواضيع المتشابهه 
لغز للاذكياء 
العرض الشجري
