لازلت الى هذي اللحظة وانا في حالة اضطراب وتفكر وتدبر .. اليوم وقفت سيارتي على جنب .. وقلت بقطع الشارع ابي قاعة الاندلس للاحتفالات بالدمام .. قطعت الخط الاول وصرت بين الشارعين على الرصيف .. وواقف انتظر الزحمة تخف علشان اقطع الشارع الثاني ..
السيارات مسرعة والشارع مزحوم ... وقف واحد الله يجزاه خير وشغل الفلشر وأشر بيده تفضل .. ووقف بجنبه واحد ثاني .. الشارع من وفيه كتف اصفر صغير .. انا قطعت الشارع ورفعت يدي اشكرهم بإبتسامة وممنون لهم كثير ...
مااسمع الا صوت بوري سيارة مع الخط الاصفر الضيق وطااااااااااير ... والله ياجماعة اني بيني وبينه يمكن شبر ... .. حتى ثوبي وشماغي تحركت من سرعته وقربه مني جدا .. خطوة واحدة بس لو تقدمت .. اعتقد اني بصير اشلاء او كومة لحم ...
سيارته حمراء الظاهر عليها علامة شفرليت ... طيب الآدمي شايف الناس واقفين اكيد واقفين لسبب ... يمكن حرمه معها طفلها تدفه بعربية .. يمكن رجل مسن .. يمكن اطفال .. لاحول ولاقوة الا بالله ..
كم من واحد مات بسبب تهور كلب من كلاب الشوارع الله يكرمكم .. ماادري هل هي غشامة او لا مبالاة ... او تهور ... او عنده تأمين على السيارة وعادي شركة التأمين تدفع الدية ..
المواضيع المتشابهه 
اليوم كان بيني وبين الموت خطوة واحدة .. انتبهوا يااخوان 
العرض الشجري
