انا ملاحظ ان بعض السعوديين والسعوديات اذا طلعوا للخارج للعمل وخاصه دبي
وبدون اذكر اسماء لانهم كثرة يجلس يطقطق علينا احنا السعوديين بالسعودية
اللي يقط كلام علينا في نشرات الاخبار ولا يقط علينا كلام في سناب شات والاستغرام
مثلاً يجلس يقول الله يعينكم على الزحمه يا اهل الرياض
وانتم نفسياتكم شينه بالشوارع عكس دبي
واللي يجلس يقول شلون عايشن انتم بدون سينما ومجمعات
وبعضهم يجيب طاري الهيئه ويجلس يطقطق عليهم
"انا صحيح اتفق معهم بخصوص المجمعات والسينما لكن موب بهذا الاسلوب "
واذا شاف السعودي بدبي يقول وش جابك وعلى طول نيته شينه ويعمم ويقول اكيد تدورون الاماكن السيئه
وهو ما يشوف نفسه ما غير يركب بنات لبنانيات وسوريات معه بالسيارة
وفوق كذا رقص على الاغاني وينشر حساباتهم يقول ضيفوهم
والله يستر عليهم لكن تحصله هنا ثانوي شهادته ويوم طلع وجته شغله بدبي نفخ راسه علينا
انا استغرب بعضهم عندهم بيوت ملك طول عرض او شقق كبيرة في دبي وهو شاب ما تعدى 30 سنه واحنا هنا ماعندنا
وخاصه العوايل
حتى بعضهم ما يشتغلون في قنوات وتشوفه طول اليوم يفرفر بالسيارة ومطاعم وتسوق
مادري عقودهم مليون بالشهر وعلى الحلقه يجي مرة بالشهر ولا كيف
ولا هذة شغالين لمصالح اخرى محاولة منهم لاعطاء صورة سيئه للسعودي لدى الناس
ياخي رح افسق لكن لاتجيب طارينا وتسوي فيها مساكين واحنا حالتنا حاله
وتقول ابد ما كنت امس معنا
وهذا موب نقد الا جالس يطقطق على الوطن قبل الشباب
وانا كلامي للجميع للسعوديين والسعوديات بدبي الا من رحم ربي
المواضيع المتشابهه 
ليش السعودي يجلس يطقطق علينا اذا طلع لدبي للعمل فيها .! 
العرض الشجري
