بالشرقية بالتحديد في الخبر والجبيل
في اراضي كبيرة بمساحات احياء تبنى فلل صغيرة من طابقين
لشركات ابرزها سابك وكيان وسبكيم ومعادن وارامكو وغيرها الكثير
لكن يوم استفسرت من احد المهندسين وهو فلبنيي في شركة اللي تبنى معادن وسبكيم
قالي بالحرف الواحد هذة الفلل لموظفين الشركات من الاجانب من الفلبين سوريا لبنان
والهند وحتى الغرب من امريكان وبريطانيين
رديت عليه قلت طيب حتى السعودي معكم ؟
ضحك قال لا السعودي عنده بيت بالخارج !!!
يحسبني جالس اطقطق عليه
حتى جالس يوريني فله عن فله تفرق الكبيرة مساحتها لشخص مسؤول اما الاقل شوي لموظف عادي !!!
والله فلل يحلم فيها السعودي
مع الاسف شركات تدعمها الحكومة لكن مع الاسف نشاهد تدعم الاجنبي
وتفكر تبني له مسكن بـ افضل المعايير وتصرف عليه على حساب السعودي
اصبحت الجبيل والخبر محميات لهم من كثر ما نشوف هالفلل الخاصة
اما السعودي المغلوب على امره يفكر في ايجار شقه في ضاحية الملك فهد ولا في حي النور وغيرها في اخر الدمام
واللي تحصهلم بعضهم على طريق الرياض حتى بعض الاحياء تصريف المجاري الله يعزكم ما وصلها والامن فيها لك عليه
واحنا لنا سنين ما غير نحط حرتنا في وزير الاسكان وهو ماعنده ماعند جدتي
لانه موب بيده شي ما غير يصرف واذا صرف من اللي عنده طلعنا ثاني
ونجلس نقول هذا بيعوضنا وبالاخير نردد كل يوم نقول اليوم تحقق الاحلام
المواضيع المتشابهه 
الشركات الحكومية الكبيرة اصبحت تبني مساكن للاجانب العاملين لديها .! 
العرض الشجري
