اللي يتمشى بين الفصفص والحلويات ... ويمد يده على حلال الناس .. ويخم له فصفص .. وفستق .. ولوز .. ويجلس يفصفص .. ويمر على الحلويات ويفك له حلاوة ويجلس يآكلها ..
يعلم الله اني اكره هالحركة وابغض فاعلها .. ولا عمري سويتها ولا اتخيل نفسي اسويها ... اذا كل واحد دخل المحل وقعد يفصفص والا ياكل حلويات .. بالله المحل كم يخسر كيلو .. وكيف يطلع مكسبه .. وهل معقوله ان صاحب المحل مايتضايق من هالحركة ..
المهم اني رحت للمحاسب ومعاي اكياسي .. وبعد ماحاسبت .. قلت له بسألك سؤال وابيك تجاوبني بصراحة .. قال تفضل .. قلت هالناس اللي يمشون في المحل ويفصفصون اسألك بالله بدون مثالية هل تتضايقون منه .. هل هذا الفعل جائز شرعا .. قال والله نتضايق ويخسرنا كثير .. لكن الشكوى لله وش نسوي بهالناس اللي مايستحون .. لو استأذنوا مابنقول شيء .. قلت اجل يبي لكم تكبرون الحاجز الزجاجي مثل محلات المكسرات في بنده وكارفور .. ولا توصلها ايادي اصحاب النفوس الطفسه ..
المواضيع المتشابهه 
طبع بغيض اراه في كثير من الزبائن في محلات العطارة والمكسرات 
العرض الشجري
